തടിയിൽ ജീവിതം കൊത്തിയ നാട്, 'നെ​ല്ലി​ക്കു​ഴി​യു​ടെ ന​ല്ല​നാ​ളു​ക​ൾ'

കേ​ര​ള​ത്തി​ലെ അ​റി​യ​പ്പെ​ടു​ന്ന ഫ​ര്‍ണി​ച്ച​ര്‍ വ്യാ​പാ​ര കേന്ദ്രമാണ്​ നെ​ല്ലി​ക്കു​ഴി. എന്നാൽ ഇന്ന്​ ഈ നി​ര്‍മാ​ണ​മേ​ഖ​ലയും പ്ര​തി​സ​ന്ധി​യിലൂ​െട നീ​ങ്ങു​ക​യാ​ണ്. ഈ ​സാ​ഹ​ച​ര്യ​ത്തി​ൽ 'മാ​ധ്യ​മം' നെ​ല്ലി​ക്കു​ഴി​യു​ടെ ഫ​ർ​ണി​ച്ച​ർ പെ​രു​മ​യു​ടെ ഉ​യ​ർ​ച്ച​താ​ഴ്ച​ക​ൾ
പ​രി​ശോ​ധി​ക്കു​ക​യാ​ണ്.
വി​പ​ണി നേ​രി​ടു​ന്ന വെ​ല്ലു​വി​ളി​ക​ളും പ്ര​തി​സ​ന്ധി മ​റി​ക​ട​ക്കാ​നു​ള്ള നി​ർ​ദേ​ശ​ങ്ങ​ളു​മാ​യി വ്യാ​പാ​രി സം​ഘ​ട​ന നേ​താ​ക്ക​ളും പ​ങ്ക് ചേ​രും. 'നെ​ല്ലി​ക്കു​ഴി​യു​ടെ ന​ല്ല​നാ​ളു​ക​ൾ'

കോതമംഗലം: മ​ര​വ്യ​വ​സാ​യം ന​ൽ​കി​യ ഓ​ക്സി​ജ​ൻ ശ്വ​സി​ച്ച് ത​ഴ​ച്ചു വ​ള​ർ​ന്ന വി​പ​ണി​യാ​ണ്​ നെ​ല്ലി​ക്കു​ഴി​യി​ലെ ഫ​ർ​ണി​ച്ച​ർ വ്യ​ാപാരം. നൂ​റു​ക​ണ​ക്കി​ന് വ്യാ​പാ​രി​ക​ളും ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ളു​മാ​ണ് മേ​ഖ​ല​യു​മാ​യി ബ​ന്ധ​പ്പെ​ട്ട് ഉ​പ​ജീ​വ​നം ന​ട​ത്തു​ന്ന​ത്. പ​ഴ​യ ജ​ന​ല​ഴി​ക​ള്‍, അ​രി​പ്പെ​ട്ടി, ക​ട്ടി​ല്‍, മേ​ശ, ക​സേ​ര തു​ട​ങ്ങി​യ ഉ​ല്‍പ​ന്ന​ങ്ങ​ള്‍ മ​റ്റി​ട​ങ്ങ​ളി​ലേ​ക്ക് ബ​സു​ക​ളി​ല്‍ ക​യ​റ്റി​വി​ട്ട് 1970ല്‍ ​ചെ​റി​യ രീ​തി​യി​ല്‍ ആ​രം​ഭി​ച്ച വ്യാ​പാ​ര​മാ​ണ് പി​ന്നീ​ട് ഇ​ത്ര​യേ​റെ വി​പു​ല​മാ​യ​ത്. കോ​ക്കാ​ട്ടി​പ​റ​മ്പി​ൽ അ​ബ്​​ദു​ൽ ഖാ​ദ​ർ, ഷെ​മി​ദ ഇ​ബ്രാ​ഹീം, ഗോ​വി​ന്ദ​ൻ, കാ​മ്പാ​ക്കു​ടി കു​ഞ്ഞു​മൈ​തോ​ൻ തു​ട​ങ്ങി​യ​വ​രാ​ണ് ഫ​ർ​ണി​ച്ച​ർ വ്യാ​പാ​ര രം​ഗ​െ​ത്ത ആ​ദ്യ​കാ​ല​ക്കാ​ർ. 90ക​ൾ​ക്കു​ശേ​ഷ​മാ​ണ് കൂ​ടു​ത​ൽ പേ​ർ മ​ത്സ​രാ​ടി​സ്ഥാ​ന​ത്തി​ൽ വ​രു​ന്ന​ത്.

2000ത്തോ​ടെ തൊ​ഴി​ല്‍തേ​ടി യു​വാ​ക്ക​ള്‍ കൂ​ട്ട​മാ​യി വ​ന്ന​തോ​ടെ കേ​ര​ള​ത്തി​ലും മ​റ്റ് സം​സ്ഥാ​ന​ങ്ങ​ളി​ലും അ​റി​യ​പ്പെ​ടു​ന്ന ഫ​ര്‍ണി​ച്ച​ര്‍ നി​ർ​മാ​ണ​കേ​ന്ദ്ര​മാ​യി നെ​ല്ലി​ക്കു​ഴി മാ​റി. നൂ​റു​ക​ണ​ക്കി​ന് ചെ​റു​കി​ട നി​ർ​മാ​ണ യൂ​നി​റ്റു​ക​ള്‍ കൂ​ണു പോ​ലെ മു​ള​ച്ചു​പൊ​ന്തി.

പ​ഞ്ചാ​യ​ത്തിെൻറ ഉ​ള്‍ഗ്രാ​മ​ങ്ങ​ളി​ല്‍ പോ​ലും ഫ​ര്‍ണി​ച്ച​ര്‍ നി​ർ​മാ​ണം ഒ​രു വ​ലി​യ വി​ഭാ​ഗ​ത്തിെൻറ ഉ​പ​ജീ​വ​ന മാ​ർ​ഗ​മാ​യി മാ​റി. ആ​ലു​വ–മൂ​ന്നാ​ര്‍ റോ​ഡി​ന് ഇ​രു വ​ശ​വും അ​ശ​മ​ന്നൂ​ര്‍ പ​ഞ്ചാ​യ​ത്തി‍െൻറ ഭാ​ഗ​മാ​യ ഓ​ട​ക്കാ​ലി മു​ത​ല്‍ നെ​ല്ലി​ക്കു​ഴി പ​ഞ്ചാ​യ​ത്തി‍െൻറ അ​തി​ര്‍ത്തി​യാ​യ ഇ​ള​മ്പ്ര വ​രെ​യു​ള്ള ആ​റ് കി​ലോ​മീ​റ്റ​റി​ൽ 1000 ച.​അ​ടി മു​ത​ല്‍ 10,000 ച.​അ​ടി വ​രെ​യു​ള്ള കെ​ട്ടി​ട​ങ്ങ​ളി​ല്‍ ഷോ​റൂ​മു​ക​ള്‍ വ​രു​ക​യും വി​വി​ധ നി​റ​ത്തി​ലും രൂ​പ​ത്തി​ലു​മാ​യി ഫ​ര്‍ണി​ച്ച​റു​ക​ള്‍ നി​റ​യു​ക​യും ചെ​യ്​​തു. ആ​ലു​വ-മൂ​ന്നാ​ര്‍ പാ​ത​യി​ലൂ​ടെ​യു​ള്ള വി​നോ​ദ​സ​ഞ്ചാ​രി​ക​ളു​ടെ ഒ​ഴു​ക്ക് മേ​ഖ​ല​യു​ടെ ഫ​ര്‍ണി​ച്ച​ര്‍ പെ​രു​മ​ക്ക്​ പ്ര​ചാ​ര​ണ​വു​മേ​കി. സം​സ്ഥാ​ന​ത്ത് അ​ങ്ങോ​ള​മി​ങ്ങോ​ള​മു​ള്ള ക​ച്ച​വ​ട​ക്കാ​ര്‍ എ​ത്തി​ത്തു​ട​ങ്ങി​യ​തോ​ടെ നൂ​റു​ക​ണ​ക്കി​ന് ലോ​ഡാ​ണ്​ ഓ​രോ ദി​വ​സ​വും ക​യ​റി​പ്പോ​യ​ത്. ത​ടി എ​ത്തി​ക്കു​ന്ന​വ​ർ മു​ത​ല്‍ സോ​മി​ൽ ജീ​വ​ന​ക്കാ​ർ, മ​ര​പ്പ​ണി​ക്കാ​ര്‍, പോ​ളി​ഷ് തൊ​ഴി​ലാ​ളി​ക​ള്‍, അ​പ്​​ഹോ​ള്‍സ്​​ട്രി, -ഗ്ലാ​സ്, അ​നു​ബ​ന്ധ ജീ​വ​ന​ക്കാ​ര്‍, ക​യ​റ്റി​റ​ക്ക് തൊ​ഴി​ലാ​ളി​ക​ള്‍, ച​ര​ക്കു​വാ​ഹ​ന തൊ​ഴി​ലാ​ളി​ക​ള്‍ അ​ട​ക്കം ഒ​ട്ടേ​റെ വി​ഭാ​ഗ​ക്കാ​ർ​ക്ക്​ അ​ന്ന​വും ആ​ശ്ര​യ​വു​മാ​യി പ്ര​ദേ​ശം.

ഇ​ന്ന് കേ​ര​ള​ത്തി​ല്‍ ഏ​റ്റ​വും വി​ല​കു​റ​ച്ച് ഫ​ര്‍ണി​ച്ച​റു​ക​ള്‍ ല​ഭി​ക്കു​ക നെ​ല്ലി​ക്കു​ഴി​യി​ല്‍ ആ​ണ്. ഫ​ർ​ണി​ച്ച​ർ നി​ർ​മാ​ണ​ത്തി​ന്​ ആ​വ​ശ്യ​മാ​യ ത​ടി​ല​ഭ്യ​ത ഏ​റെ​യു​ള്ള പ്ര​ദേ​ശ​ങ്ങ​ളാ​ണ് സ​മീ​പ പ​ഞ്ചാ​യ​ത്തു​ക​ളും.

നെ​ല്ലി​ക്കു​ഴി വി​പ​ണി​യി​ലാ​ണ് ഏ​റ്റ​വും പു​തി​യ ഫ​ർ​ണി​ച്ച​ർ മോ​ഡ​ലു​ക​ൾ ആ​ദ്യ​മെ​ത്തു​ക. വി​ല​ക്കു​റ​വി​നൊ​പ്പം മി​ക​ച്ച മോ​ഡ​ലു​ക​ൾ അ​വ​ത​രി​പ്പി​ച്ച് ക​രു​ത്താ​ർ​ജി​ച്ച 'നെ​ല്ലി​ക്കു​ഴി മോ​ഡ​ലി'​നെ​ക്കു​റി​ച്ച് നാ​ളെ.

ത​ടി​മി​ല്ലി​ലെ സ​ഹ​ക​ര​ണ വി​ജ​യം

നെ​ല്ലി​ക്കു​ഴി പ​ഞ്ചാ​യ​ത്തി​ൽ മാ​ത്രം 20ൽ​പ​രം ത​ടി​മി​ല്ലു​ക​ൾ ഇ​പ്പോ​ൾ പ്ര​വ​ർ​ത്തി​ക്കു​ന്നു​ണ്ട്. ഒ​ന്നി​ന് പി​ന്നാ​ലെ സ​ഹ​ക​ര​ണ അ​ടി​സ്ഥാ​ന​ത്തി​ൽ​പോ​ലും മി​ല്ലു​ക​ൾ ഉ​യ​ർ​ന്നു​വ​ന്നു. കൂ​പ്പ് ലേ​ലം അ​വ​സാ​നി​ച്ച​തോ​ടെ തൊ​ഴി​ലാ​ളി​ക​ളെ സം​ര​ക്ഷി​ക്കു​ന്ന​തിെൻറ ഭാ​ഗ​മാ​യി സ​ഹ​ക​ര​ണ അ​ടി​സ്ഥാ​ന​ത്തി​ൽ സം​സ്ഥാ​ന​ത്ത് 60ൽ​പ​രം മി​ല്ലു​ക​ൾ ആ​രം​ഭി​ച്ച കൂ​ട്ട​ത്തി​ൽ 1961ൽ 200 ​പേ​ർ ചേ​ർ​ന്ന് ആ​രം​ഭി​ച്ച​താ​ണ് കു​റ്റി​ല​ഞ്ഞി​യി​ലെ െസാ​സൈ​റ്റി മി​ൽ.

മ​റ്റ് മി​ല്ലു​ക​ൾ പ​ല​തും നി​ർ​ത്തി​യ​പ്പോ​ഴും ഇ​ത് ലാ​ഭ​ത്തി​ൽ പ്ര​വ​ർ​ത്തി​ച്ചു​വ​രു​ന്നു. 13 സ്ഥി​രം തൊ​ഴി​ലാ​ളി​ക​ളും ക​യ​റ്റി​റ​ക്കി​നും മ​രം അ​ള​വ​നു​സ​രി​ച്ച് മു​റി​ക്കാ​നും യൂ​നി​യ​ൻ തൊ​ഴി​ലാ​ളി​ക​ളും ഇ​വി​ടെ പ​ണി​യെ​ടു​ക്കു​ന്നു. 20 വ​ർ​ഷ​മാ​യി സ​ർ​ക്കാ​ർ സ​ഹാ​യ​മി​ല്ലാ​തെ ലാ​ഭ​ത്തി​ൽ പ്ര​വ​ർ​ത്തി​ക്കു​ന്ന സം​ഘ​ത്തി​നു​കീ​ഴി​ൽ നി​ല​വി​ൽ 320 അം​ഗ​ങ്ങ​ളാ​ണു​ള്ള​ത്.