അസം സ്വദേശിയുടെ മരണം കൊലപാതകമെന്ന്​ പൊലീസ്​

മൂ​വാ​റ്റു​പു​ഴ: മു​ട​വൂ​ർ ത​വ​ള​ക്ക​വ​ല​യി​ലെ വാ​ട​ക​വീ​ടി​ന്‍റെ ടെ​റ​സി​ൽ അ​ഴു​കി​യ നി​ല​യി​ൽ അ​സം സ്വ​ദേ​ശി​യു​ടെ മൃ​ത​ദേ​ഹം ക​ണ്ടെ​ത്തി​യ സം​ഭ​വം കൊ​ല​പാ​ത​കം എ​ന്ന്​ പൊ​ലീ​സ്. ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ൽ ചൊ​വ്വാ​ഴ്ച ന​ട​ത്തി​യ പോ​സ്റ്റ്മോ​ർ​ട്ട​ത്തി​ലാ​ണ് കൊ​ല​പാ​ത​ക​മാ​ണെ​ന്ന സൂ​ച​ന​ക​ൾ ല​ഭി​ച്ച​ത്.

ക​ഴു​ത്തി​ലെ ആ​ഴ​ത്തി​ലു​ള്ള മു​റി​വും ശ​രീ​ര​ത്തി​ൽ ഉ​ണ്ടാ​യി​രു​ന്ന മു​റി​വു​ക​ളും ക്ഷ​ത​ങ്ങ​ളും മ​ര​ണ​ത്തി​ന് കാ​ര​ണ​മാ​യെ​ന്നാ​ണ് പോ​സ്‌​റ്റ്‌​മോ​ർ​ട്ടം റി​പ്പോ​ർ​ട്ടി​ൽ​നി​ന്ന്​ ല​ഭി​ക്കു​ന്ന സൂ​ച​ന. മു​ട​വൂ​ർ ത​വ​ള​ക്ക​വ​ല​യി​ലെ വീ​ടി​ന്‍റെ ടെ​റ​സി​ൽ തി​ങ്ക​ളാ​ഴ്ച രാ​വി​ലെ​യാ​ണ്​ അ​സം സ്വ​ദേ​ശി ബാ​ബു​ൽ ഹു​സൈ​ന്‍റെ (40) മൃ​ത​ദേ​ഹം പു​ഴു​വ​രി​ച്ച​നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ന് അ​ഞ്ചു​ദി​വ​സം പ​ഴ​ക്ക​മു​ണ്ടാ​യി​രു​ന്നു.

സം​ഭ​വ​ത്തെ തു​ട​ർ​ന്ന് ബാ​ബു​ളി​നൊ​പ്പം താ​മ​സി​ച്ചി​രു​ന്ന ഭാ​ര്യ​യെ​യും ഭാ​ര്യാ​സ​ഹോ​ദ​രി​യെ​യും കു​ട്ടി​യെ​യും കാ​ണാ​താ​യി​രു​ന്നു. ഇ​വ​രെ പൊ​ലീ​സ് ഫോ​ണി​ൽ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും പ്ര​തി​ക​ര​ണം ഉ​ണ്ടാ​യി​ല്ല. ആ​ദ്യ​ഘ​ട്ട പ​രി​ശോ​ധ​ന​യി​ൽ സം​ശ​യം തോ​ന്നി​യ​തോ​ടെ​യാ​ണ്​ പൊ​ലീ​സ് മൃ​ത​ദേ​ഹം ഫോ​റ​ൻ​സി​ക് സ​ർ​ജ​ന്‍റെ സ​ഹാ​യ​ത്തോ​ടെ പോ​സ്റ്റ്മോ​ർ​ട്ടം ന​ട​ത്താ​ൻ ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ലേ​ക്ക്​ മാ​റ്റി​യ​ത്.

മ​ര​ണം കൊ​ല​പാ​ത​ക​മാ​ണെ​ന്ന്​ വ്യ​ക്ത​മാ​ക്കു​ന്ന നി​ർ​ണാ​യ​ക സൂ​ച​ന​ക​ൾ പോ​സ്‌​റ്റ്‌​മോ​ർ​ട്ട​ത്തി​ൽ​നി​ന്ന്​ ല​ഭി​ച്ച​തോ​ടെ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. ഇ​തോ​ടെ ഇ​യാ​ളു​ടെ കു​ടും​ബ​ത്തെ ക​ണ്ടെ​ത്താ​നു​ള്ള നീ​ക്ക​വും ഊ​ർ​ജി​ത​മാ​ക്കി​യി​ട്ടു​ണ്ട്. ആ​വ​ശ്യ​മെ​ങ്കി​ൽ അ​സ​മി​ലെ​ത്തി കു​ടും​ബ​ത്തെ ക​ണ്ടെ​ത്താ​നും നീ​ക്ക​മു​ണ്ട്.