ആലകളും ഓര്‍മയുടെ തീച്ചൂളയിലേക്ക്​... തലമുറകളിലൂടെ കൈമാറിവന്ന തൊഴില്‍ വൈദഗ്ധ്യം ഇല്ലാതാകുന്നു

മൂ​വാ​റ്റു​പു​ഴ: പു​തു​ത​ല​മു​റ കു​ല​ത്തൊ​ഴി​ൽ ​കൈ​യൊ​ഴി​ഞ്ഞ​തോ​ടെ ആ​ല​ക​ൾ ഓ​ർ​മ​യാ​കു​ന്നു. ഒ​രു കാ​ല​ത്ത് ഗ്രാ​മ​ങ്ങ​ളി​ല​ട​ക്കം സ​ജീ​വ​മാ​യി​രു​ന്ന ആ​ല​ക​ൾ ഇ​ന്ന് ചി​ല​യി​ട​ങ്ങ​ളി​ൽ ക​ണ്ടാ​ലാ​യി. തീ​യി​ല്ലാ​തെ പു​ക​യു​ന്ന ആ​ല​ക​ളി​ലെ ഉ​ല​ക​ളി​ല്‍ ഉ​രു​കു​ക​യാ​ണ് കൊ​ല്ല​പ്പ​ണി ചെ​യ്തു ജീ​വ​നം ന​ട​ത്തി​യി​രു​ന്ന വ​ലി​യൊ​രു വി​ഭാ​ഗം തൊ​ഴി​ലാ​ളി​ക​ള്‍. സാ​മ്പ​ത്തി​ക ത​ക​ര്‍ച്ച​ക്കൊ​പ്പം ത​ല​മു​റ​ക​ളി​ലൂ​ടെ കൈ​മാ​റി​വ​ന്ന തൊ​ഴി​ല്‍ വൈ​ദ​ഗ്ധ്യം ഇ​ല്ലാ​താ​കു​ക കൂ​ടി​യാ​ണ്. തൂ​മ്പ മു​ത​ല്‍ അ​രി​വാ​ള്‍വ​രെ നി​ര്‍മി​ക്കു​ക​യും അ​റ്റ​കു​റ്റ​പ്പ​ണി ചെ​യ്യു​ക​യും ചെ​യ്ത്​ ക​ര്‍ഷ​ക​രു​ടെ താ​ങ്ങാ​യി​രു​ന്നു ആ​ല​ക​ൾ.

പ​ക​ല​ന്തി​യോ​ളം പ​ണി​യു​ണ്ടാ​യി​രു​ന്ന ആ​ല​ക​ളി​ൽ കാ​ർ​ഷി​ക മേ​ഖ​ല​യു​ടെ ത​ക​ർ​ച്ച​യോ​ടെ​യാ​ണ് പ​ണി കു​റ​ഞ്ഞു​തു​ട​ങ്ങി​യ​ത്. പ​ണി​തീ​രെ ഇ​ല്ലാ​താ​യി​രി​ക്കു​ക​യാ​ണെ​ന്ന് മു​ള​വൂ​ർ പ​ഴ​മ്പ​ള്ളി​ക്കു​ടി കു​ഞ്ഞ​പ്പ​ൻ പ​റ​യു​ന്നു. 15-ാം വ​യ​സ്സി​ല്‍ കു​ല​ത്തൊ​ഴി​ലാ​യാ​ണ് കൊ​ല്ല​പ്പ​ണി പ​ഠി​ച്ച​ത്. വീ​ടി​നോ​ട് ചേ​ര്‍ന്ന് ചെ​റി​യൊ​രു ഷെ​ഡി​ലാ​ണ് ആ​ല. പ​ണ്ടു​കാ​ല​ങ്ങ​ളി​ല്‍ രാ​ത്രി വൈ​കി​യും തീ​രാ​ത്ത ജോ​ലി ഉ​ണ്ടാ​യി​രു​ന്ന​താ​യി ഓ​ര്‍മി​ക്കു​ന്നു. വ​ന്‍കി​ട വ്യ​വ​സാ​യ സ്ഥാ​പ​ന​ങ്ങ​ള്‍ കാ​ര്‍ഷി​ക ഉ​പ​ക​ര​ണ​ങ്ങ​ള്‍ നി​ർ​മി​ക്കാ​ൻ തു​ട​ങ്ങി​യ​തോ​ടെ പ​ണി കു​റ​ഞ്ഞു. കാ​ടു​വെ​ട്ടി​യ​ന്ത്രം, ടി​ല്ല​റു​ക​ള്‍ തു​ട​ങ്ങി​യ​വ കാ​ര്‍ഷി​ക​രം​ഗം കീ​ഴ​ട​ക്കി. കാ​ര്‍ഷി​കോ​പ​ക​ര​ണ​ങ്ങ​ളാ​യ ക​ല​പ്പ​യും ഇ​രു​മ്പു ഉ​പ​ക​ര​ണ​ങ്ങ​ളും ആ​ല​യി​ല്‍ രൂ​പ​പ്പെ​ട്ട​താ​ണ്.

ഇ​പ്പോ​ൾ ആ​ശാ​രി​മാ​രു​ടെ ഉ​ളി​യും ക​ര​ണ്ടി​യും വ​രെ ഓ​ണ്‍ലൈ​നി​ല​ട​ക്കം ല​ഭ്യ​മാ​ണ്. എ​ന്നാ​ല്‍, ആ​ല​യി​ലെ കൈ​പ്പ​ണി​യി​ല്‍ നി​ര്‍മി​ച്ചെ​ടു​ക്കു​ന്ന ഇ​രു​മ്പ് ഉ​പ​ക​ര​ണ​ങ്ങ​ളു​ടെ ഗു​ണ​മേ​ന്മ​യോ ആ​യു​സ്സോ റെ​ഡി​മെ​യ്ഡ് ഉ​ല്‍പ​ന്ന​ങ്ങ​ള്‍ക്ക് ല​ഭി​ക്കാ​റി​ല്ല. കോ​വി​ഡ് വ്യാ​പ​നം രൂ​ക്ഷ​മാ​യി ലോ​ക്ഡൗ​ണ്‍ പ്ര​ഖ്യാ​പ​നം വ​ന്ന​കാ​ലം മു​ത​ല്‍ ഇ​രു​മ്പ് നി​ർ​മാ​ണ​ത്തി​നു​ള്ള ചി​ര​ട്ട​ക്ക​രി സം​സ്ഥാ​ന​ത്ത് ല​ഭി​ക്കാ​ന്‍ പ്ര​യാ​സ​മു​ണ്ട്. ത​മി​ഴ്‌​നാ​ട്ടി​ല്‍നി​ന്നാ​ണ് എ​ത്തു​ന്ന​ത്.