ദുരിതക്കയത്തിൽ കോഴിക്കിരി നിവാസികൾ; ‘ഇവിടെക്കിടന്ന് മരിച്ചാലും ഞങ്ങൾ ക്യാമ്പിലേക്ക് പോകില്ല’

ഉ​ദ​യം​പേ​രൂ​ർ: ‘‘ഇ​വി​ടെ​ക്കി​ട​ന്ന് മ​രി​ച്ചാ​ലും ഞ​ങ്ങ​ൾ ക്യാ​മ്പി​ലേ​ക്ക് പോ​കി​ല്ല’’ -ഉ​ദ​യം​പേ​രൂ​ർ പ​ഞ്ചാ​യ​ത്തി​ലെ തെ​ക്ക​ൻ പ​റ​വൂ​ർ കോ​ഴി​ക്കി​രി പ്ര​ദേ​ശ​ത്ത് താ​മ​സി​ക്കു​ന്ന കു​ട്ട​പ്പ​ൻ പ​റ​ഞ്ഞു.

‘‘ഒ​മ്പ​ത് ദി​വ​സ​മാ​യി വെ​ള്ള​ക്കെ​ട്ടി​ലാ​ണ് ക​ഴി​യു​ന്ന​ത്. റോ​ഡി​ലേ​ക്ക് വെ​ള്ളം ക​യ​റി​യ​പ്പോ​ൾ​ത​ന്നെ ബ​ന്ധ​പ്പെ​ട്ട അ​ധി​കാ​രി​ക​ളെ വി​വ​ര​മ​റി​യി​ച്ച​താ​ണ്. എ​ന്നാ​ൽ, ഒ​രു ന​ട​പ​ടി​യും സ്വീ​ക​രി​ച്ചി​ല്ല. കോ​ണോ​ത്ത് പു​ഴ​യി​ലെ ബ​ണ്ട് പൊ​ളി​ച്ചാ​ൽ തീ​രാ​വു​ന്ന പ്ര​ശ്ന​മേ​യു​ള്ളൂ.

വ​ർ​ഷ​ങ്ങ​ളാ​യി ദു​രി​ത​മ​നു​ഭ​വി​ക്കാ​ൻ തു​ട​ങ്ങി​യി​ട്ട്. ക്യാ​മ്പി​ലേ​ക്ക് പോ​യാ​ൽ ഞ​ങ്ങ​ളു​ടെ മൃ​ഗ​ങ്ങ​ളെ​ല്ലാം ഇ​വി​ടെ​ക്കി​ട​ന്ന് ച​ത്തു​പോ​കും.

അ​വ​രും ജീ​വി​ക​ള​ല്ലേ. ക​ഴി​ഞ്ഞ കൊ​ല്ലം ക്യാ​മ്പി​ൽ പോ​യി വ​ന്ന​പ്പോ​ൾ 40 കോ​ഴി​ക​ളാ​ണ് ച​ത്ത​തെ​ന്നും കു​ട്ട​പ്പ​ൻ പ​റ​ഞ്ഞു. കി​ട​പ്പി​ലാ​യ അ​മ്മ​യു​ണ്ട്. ഇ​തൊ​രു ഹ​രി​ജ​ൻ കോ​ള​നി​യാ​യ​തു​കൊ​ണ്ടാ​ണ് അ​ധി​കൃ​ത​ർ ഇ​ങ്ങ​നെ ചെ​യ്യു​ന്ന​തെ​ന്ന് സാ​ബു പ​റ​ഞ്ഞു. അ​ടു​ക്ക​ള​യി​ൽ​വ​രെ വെ​ള്ളം ക​യ​റി. അ​ഴു​ക്കു​വെ​ള്ള​ത്തി​ൽ​നി​ന്നാ​ണ് ഭ​ക്ഷ​ണം പാ​കം ചെ​യ്യു​ന്ന​ത്. ഞ​ങ്ങ​ളു​ടെ ജീ​വി​തം ദു​രി​ത​ത്തി​ലാ​ണ്’’ -സാ​ബു കൂ​ട്ടി​ച്ചേ​ർ​ത്തു. 

മഴപ്പേടിയിൽ വീടുകൾ ശുചീകരിക്കാൻ മടിച്ച് കുടുംബങ്ങൾ; ശു​ചീ​ക​ര​ണ​ത്തി​നെ​ത്തി​യ ഏ​ജ​ൻ​സി​യു​ടെ വാ​ഹ​നം​വ​രെ വെ​ള്ള​ത്തി​ലാ​യി

ക​ള​മ​ശ്ശേ​രി: അ​പ്ര​തീ​ക്ഷി​ത​മാ​യി ര​ണ്ടു​ദി​വ​സം പെ​യ്ത ക​ന​ത്ത മ​ഴ​യു​ടെ ആ​ഘാ​ത​ത്തി​ൽ വീ​ടു​ക​ൾ ശു​ചീ​ക​രി​ക്കാ​ൻ മ​ടി​ച്ച് കു​ടും​ബ​ങ്ങ​ൾ. ക​ള​മ​ശ്ശേ​രി ന​ഗ​ര​സ​ഭ പ്ര​ദേ​ശ​ങ്ങ​ളി​ലെ ക​ന​ത്ത വെ​ള്ള​ക്കെ​ട്ട​നു​ഭ​വി​ച്ച കു​ടും​ബ​ങ്ങ​ളാ​ണ് വീ​ണ്ടും മ​ഴ​യെ​ത്തു​മെ​ന്ന്​ പേ​ടി​ച്ച്​ ശു​ചീ​ക​രി​ക്കാ​ൻ മ​ടി​ച്ചു​നി​ൽ​ക്കു​ന്ന​ത്. ചൊ​വ്വാ​ഴ്ച രാ​വി​ലെ​യു​ണ്ടാ​യ മ​ഴ​യി​ൽ ന​ഗ​ര​സ​ഭ പ്ര​ദേ​ശ​ത്ത് അ​റു​ന്നൂ​റോ​ളം വീ​ടു​ക​ളി​ലും സ്ഥാ​പ​ന​ങ്ങ​ളി​ലും വെ​ള്ളം ക​യ​റി​യി​രു​ന്നു.

മ​ഴ ശ​മി​ച്ച് വെ​ള്ളം ഇ​റ​ങ്ങി​യ​പ്പോ​ൾ കു​ടും​ബ​ങ്ങ​ൾ വീ​ട് ശു​ചീ​ക​ര​ണം ആ​രം​ഭി​ച്ചു. അ​ന്ത്യ​ഘ​ട്ട​ത്തി​ലേ​ക്ക് അ​ടു​ത്ത സ​മ​യ​ത്താ​ണ് ബു​ധ​നാ​ഴ്ച വൈ​കീ​ട്ട് മൂ​ന്ന​ര​യോ​ടെ ശ​ക്ത​മാ​യ മ​ഴ​യും വെ​ള്ള​പ്പാ​ച്ചി​ലും എ​ത്തി​യ​ത്. ഇ​തോ​ടെ ശു​ചീ​ക​ര​ണ​ങ്ങ​ൾ എ​ല്ലാം പാ​ഴ്‌​വേ​ല​യാ​യി. ശു​ചീ​ക​ര​ണ​ത്തി​നെ​ത്തി​യ ഏ​ജ​ൻ​സി​യു​ടെ വാ​ഹ​നം​വ​രെ വെ​ള്ള​ത്തി​ലാ​യി. വെ​ള്ളം ക​യ​റു​മോ എ​ന്നു​ള്ള ഭീ​തി​യി​ൽ കു​ടും​ബ​ങ്ങ​ൾ പ​ല​രും ബ​ന്ധു​വീ​ടു​ക​ളി​ലേ​ക്ക് മാ​റി​യി​രി​ക്കു​ക​യാ​ണ്.

വെ​ള്ള​ക്കെ​ട്ടി​ൽ നാ​ശ​ന​ഷ്ട​ങ്ങ​ൾ കൂ​ടാ​തെ കു​ടി​വെ​ള്ള ല​ഭ്യ​ത​യെ​യും സാ​ര​മാ​യി ബാ​ധി​ച്ചി​രി​ക്കു​ക​യാ​ണ്.

പോ​ട്ട​ച്ചാ​ൽ പ്ര​ദേ​ശ​ത്തെ തോ​ട്ടി​ലെ ഒ​ഴു​ക്കി​ന് ത​ട​സ്സ​മാ​യി മ​തി​ലി​ടി​ഞ്ഞ് വീ​ണ​ത് ശ്ര​ദ്ധ​യി​ൽ​പെ​ട്ട​യു​ട​ൻ കൗ​ൺ​സി​ല​ർ മ​നോ​ജ്, മു​ൻ കൗ​ൺ​സി​ല​ർ വ​ഹാ​ബ് എ​ന്നി​വ​രും പ്ര​ദേ​ശ​ത്തു​കാ​രും ചേ​ർ​ന്ന് ത​ട​സ്സം​മാ​റ്റി ഒ​ഴു​ക്ക് സു​ഗ​മ​മാ​ക്കി.