മണ്ണും മനവും മരവിച്ചിവർ...

കൊ​ച്ചി: ആ​ദ്യം ദേ​ശീ​യ​പാ​ത​യു​ടെ ഭാ​ഗ​മാ​യ തൃ​പ്പൂ​ണി​ത്തു​റ ബൈ​പാ​സി​നാ​യി ഏ​റ്റെ​ടു​ക്കു​ന്ന​തി​ന് സ്വ​ന്തം ഭൂ​മി മ​ര​വി​പ്പി​ക്ക​പ്പെ​ട്ടു. പി​ന്നീ​ട് അ​തേ ഭൂ​മി​യി​ലെ ഏ​റ്റെ​ടു​ക്കാ​ത്ത ഭാ​ഗ​ത്ത് മ​റ്റൊ​രു വീ​ടി​നാ​യി ത​റ​കെ​ട്ടി​യ​പ്പോ​ൾ സി​ൽ​വ​ർ​ലൈ​ൻ കു​റ്റി​യു​മെ​ത്തി. സ​മാ​ന​ത​ക​ളി​ല്ലാ​ത്ത ബു​ദ്ധി​മു​ട്ടി​ന്‍റെ ക​ഥ​യാ​ണ് ഇ​ട​ശ്ശേ​രി വീ​ട്ടി​ൽ അ​യ്യ​പ്പ​ന്‍റേ​ത്. വീ​ട് പൊ​ട്ടി​പ്പൊ​ളി​ഞ്ഞ​തോ​ടെ അ​ദ്ദേ​ഹം അ​വി​ടെ നി​ന്നും മാ​റി​താ​മ​സി​ക്കു​ക​യാ​ണ്. സി​ൽ​വ​ർ ലൈ​ൻ വി​രു​ദ്ധ പ്ര​തി​ഷേ​ധ നാ​ളു​ക​ളി​ൽ ഇ​ദ്ദേ​ഹ​ത്തി​ന്‍റെ പു​ര​യി​ട​ത്തി​ൽ സ്ഥാ​പി​ച്ച അ​തി​രു​ക​ല്ലു​ക​ൾ രാ​ഷ്ട്രീ​യ പാ​ർ​ട്ടി​ക​ളു​ടെ നേ​തൃ​ത്വ​ത്തി​ൽ പി​ഴു​തു​മാ​റ്റി​യി​രു​ന്നു. ആ​കെ​യു​ള്ള സ്ഥ​ല​ത്തി​ന്‍റെ മൂ​ന്നി​ൽ ര​ണ്ട് ഭാ​ഗ​വും ന​ഷ്ട​പ്പെ​ടു​ന്ന അ​വ​സ്ഥ​യാ​ണി​വി​ടെ.

വീ​ടി​ന്‍റെ അ​ടു​ക്ക​ള​യോ​ട് ചേ​ർ​ന്ന് ദേ​ശീ​യ​പാ​ത പ​ദ്ധ​തി​ക്കു​വേ​ണ്ടി അ​തി​രു​ക​ല്ല് സ്ഥാ​പി​ച്ചി​രി​ക്കു​ന്ന അ​വ​സ്ഥ​യാ​ണ്​ മാ​മ​ല അ​മ്പാ​ട്ടു​പ​റ​മ്പി​ൽ നാ​രാ​യ​ണ​ൻ​കു​ട്ടി​യു​ടേ​ത്. ചെ​റി​യ വ​രു​മാ​ന​ത്തി​ൽ ജോ​ലി ചെ​യ്യു​ന്ന ഇ​ദ്ദേ​ഹ​ത്തി​ന് ഭൂ​മി​യി​ൽ ഒ​രു ക്ര​യ​വി​ക്ര​യ​വും ന​ട​ക്കു​ന്നി​ല്ല. വീ​ടി​ന് പു​റ​ത്ത് മേ​ഞ്ഞി​രു​ന്ന ഓ​ട് കാ​ല​ഹ​ര​ണ​പ്പെ​ട്ട​തോ​ടെ മാ​റ്റേ​ണ്ടി വ​ന്നു. ആ​ദ്യം ട​ർ​പോ​ളി​ൻ ഷീ​റ്റി​ട്ട് സം​ര​ക്ഷി​ക്കാ​ൻ നോ​ക്കി​യെ​ങ്കി​ലും പ​രി​ഹാ​ര​മാ​യി​ല്ല. ഒ​രു​പാ​ട് തു​ക മു​ട​ക്കി ന​വീ​ക​രി​ക്കാ​ൻ ക​ഴി​യാ​ത്ത​തി​നാ​ൽ അ​ദ്ദേ​ഹം ഷീ​റ്റാ​ണ്​ മേ​ൽ​ക്കൂ​ര​യാ​ക്കി​യി​രി​ക്കു​ന്ന​ത്. ഭാ​ര്യ​യും മ​ക​ളു​മ​ട​ങ്ങു​ന്ന​താ​ണ് കു​ടും​ബം. മു​റ്റ​ത്തെ കി​ണ​റി​ന് ചു​റ്റു​മ​തി​ൽ കെ​ട്ടി സം​ര​ക്ഷി​ക്കാ​ൻ പോ​ലും ക​ഴി​യാ​ത്ത സ്ഥി​തി​യാ​ണ് ഇ​വ​ർ​ക്ക്.

ഒ​ന്നു​കി​ൽ ഏ​റ്റെ​ടു​ക്കു, അ​ല്ലെ​ങ്കി​ൽ വി​ട്ടു​ന​ൽ​കൂ...

പ​ദ്ധ​തി​യു​ടെ പേ​രി​ൽ ബു​ദ്ധി​മു​ട്ടു​ന്ന മ​റ്റൊ​രു ഭൂ​വു​ട​മ​സ്ഥ​ൻ ത​ട്ടാം​പ​റ​മ്പി​ൽ ബി​നു​വി​ന് പ​റ​യാ​നു​ള്ള​തും ആ​കു​ല​ത​ക​ളാ​ണ്. കു​ടും​ബ​വു​മൊ​ത്ത് താ​മ​സി​ച്ചി​രു​ന്ന വീ​ട്ടി​ൽ​നി​ന്ന് പ​ദ്ധ​തി​യു​ടെ പേ​രി​ൽ 20 വ​ർ​ഷം മു​മ്പ് ഇ​റ​ങ്ങി മാ​റി താ​മ​സി​ക്കു​ക​യാ​ണ്. പ​ദ്ധ​തി​ക്കാ​യി ഏ​റ്റെ​ടു​ക്കു​ന്നു​വെ​ന്ന് അ​റി​യി​ച്ച സ്ഥ​ല​ത്തെ ത​ന്‍റെ വീ​ട് അ​റ്റ​കു​റ്റ​പ്പ​ണി​ക​ൾ ചെ​യ്യാ​നാ​കാ​തെ വെ​റു​തെ കി​ട​ക്കു​ന്നു. വ​രു​മാ​ന മാ​ർ​ഗ​മാ​യി​രു​ന്നു ഈ ​വീ​ടി​നോ​ട് ചേ​ർ​ന്നു​ണ്ടാ​യി​രു​ന്ന നെ​ല്ലു​കു​ത്ത് മി​ല്ല്. പ​ദ്ധ​തി വ​ന്ന​തോ​ടെ വെ​റു​തെ കി​ട​ന്ന് അ​തി​ലെ മെ​ഷീ​ന​റി​ക​ൾ തു​രു​മ്പെ​ടു​ത്ത് പോ​യി.

ഒ​ടു​വി​ൽ ഇ​രു​മ്പ് വി​ല​ക്ക് അ​വ തൂ​ക്കി കൊ​ടു​ത്ത കാ​ര്യം പ​റ​യു​മ്പോ​ൾ ബി​നു​വി​ന്‍റെ ശ​ബ്ദ​മി​ട​റും. പ​ദ്ധ​തി​ക്കാ​യു​ള്ള ക​ല്ലി​ടു​ന്ന​തി​ന് ബി​നു​വി​ന്‍റെ വീ​ട്ടി​ൽ ആ​ദ്യം ഉ​ദ്യോ​ഗ​സ്ഥ​രെ​ത്തി​യ​ത് നോ​ട്ടി​ഫി​ക്കേ​ഷ​ൻ ഇ​ല്ലാ​തെ​യാ​ണ്. അ​ന്ന് കു​ടും​ബം അ​ത് എ​തി​ർ​ത്തു. ശേ​ഷം നോ​ട്ടി​ഫി​ക്കേ​ഷ​നോ​ടെ എ​ത്തി ഉ​ദ്യോ​ഗ​സ്ഥ​ർ ക​ല്ലി​ട്ടു. പി​ന്നീ​ട് ഒ​ന്നു​മു​ണ്ടാ​യി​ല്ല. പു​ര​യി​ട​ത്തി​നോ​ട് ചേ​ർ​ന്ന് മ​റ്റൊ​രാ​ളു​ടെ ഭൂ​മി അ​ധി​കൃ​ത​ർ ഏ​റ്റെ​ടു​ത്ത് പ​ണം ന​ൽ​കു​ക​യും ചെ​യ്തു. എ​ന്നാ​ൽ, ബി​നു​വി​ന്‍റെ ഭൂ​മി​യു​ടെ കാ​ര്യ​ത്തി​ൽ ഒ​രു തീ​രു​മാ​ന​വു​മു​ണ്ടാ​യി​ല്ല. വ​ലി​യ തു​ക മു​ട​ക്കി അ​റ്റ​കു​റ്റ​പ്പ​ണി​ക​ൾ ചെ​യ്യാ​നു​ള്ള ധൈ​ര്യം ഇ​ന്ന് കു​ടും​ബ​ത്തി​നി​ല്ല.

അ​ച്ഛ​നും അ​മ്മ​യും സ​ഹോ​ദ​ര​നു​മൊ​ക്കെ​യ​ട​ങ്ങു​ന്ന​താ​ണ് ബി​നു​വി​ന്‍റെ കു​ടും​ബം. ഓ​ട് ത​ക​ർ​ന്ന​പ്പോ​ൾ വീ​ട് ന​ശി​ക്കാ​തി​രി​ക്കാ​ൻ ചെ​റി​യ തോ​തി​ൽ ഷീ​റ്റ് മേ​ഞ്ഞ് സം​ര​ക്ഷി​ച്ചി​രി​ക്കു​ക​യാ​ണ്. വീ​ടി​നൊ​പ്പ​മു​ള്ള കു​ളി​മു​റി​യും നെ​ല്ലു​കു​ത്ത് മി​ല്ലും പൂ​ർ​ണ​മാ​യി ത​ക​ർ​ന്നു. ഒ​രു ലോ​ൺ പോ​ലും എ​ടു​ക്കാ​നാ​കാ​ത്ത സ്ഥി​തി​യാ​ണെ​ന്നും അ​ധി​കൃ​ത​രെ വീ​ണ്ടും വീ​ണ്ടും സ​മീ​പി​ച്ചു​കൊ​ണ്ടി​രി​ക്കു​ക​യാ​ണെ​ന്നും ബി​നു പ​റ​യു​ന്നു.

ഞ​ങ്ങ​ളെ എ​ന്തി​ന് ഇ​റ​ക്കി​വി​ട്ടു

അ​ക​ക്ക​ണ്ണി​ന്‍റെ കാ​ഴ്ച​യി​ൽ പ​ദ്ധ​തി​യി​ലെ നൂ​ലാ​മാ​ല​ക​ൾ​ക്കെ​തി​രെ നി​യ​മ​യു​ദ്ധം ന​ട​ത്തി​യ വ്യ​ക്തി​യാ​ണ് അം​ബു​ജാ​ക്ഷ​ൻ. ത​ന്‍റെ വീ​ട്ടി​ൽ​നി​ന്ന് ഇ​റ​ങ്ങാ​ൻ ക​ഴി​യി​ല്ലെ​ന്ന് അ​റി​യി​ച്ചെ​ങ്കി​ലും അ​ധി​കൃ​ത​ർ പി​ന്മാ​റി​യി​ല്ല. മാ​റി​യി​ല്ലെ​ങ്കി​ൽ ഭൂ​മി ഏ​റ്റെ​ടു​ക്കാ​നു​ള്ള പ​ണം കോ​ട​തി​യി​ൽ കെ​ട്ടി​വെ​ക്കു​മെ​ന്നാ​ണ് അ​ധി​കൃ​ത​ർ അ​റി​യി​ച്ച​ത്. ഇ​തോ​ടെ അം​ബു​ജാ​ക്ഷ​നും കു​ടും​ബ​വും കി​ട്ടു​ന്ന ന​ഷ്ട​പ​രി​ഹാ​ര​വും വാ​ങ്ങി പ​ടി​യി​റ​ങ്ങേ​ണ്ടി വ​ന്നു. ക​യ​റി​ക്കി​ട​ക്കാ​ൻ ഒ​രു ഇ​ടം തേ​ടി​യ അ​ദ്ദേ​ഹം അ​തേ വീ​ട്ടി​ൽ വാ​ട​ക​ക്കാ​ര​നാ​കാ​ൻ ശ്ര​മി​ച്ചെ​ങ്കി​ലും നി​യ​മ​ത​ട​സ്സ​ങ്ങ​ൾ കാ​ര​ണം ന​ട​ന്നി​ല്ല. ഇ​തോ​ടെ മ​റ്റൊ​രു വീ​ടു​വെ​ച്ച് കു​ടും​ബ​ത്തോ​ടൊ​പ്പം മാ​റി താ​മ​സി​ക്കാ​ൻ അ​ദ്ദേ​ഹം നി​ർ​ബ​ന്ധി​ത​നാ​കു​ക​യാ​യി​രു​ന്നു. എ​ന്നാ​ൽ, വ​ർ​ഷ​മി​ത്ര പി​ന്നി​ട്ടി​ട്ടും ത​ന്‍റെ ഏ​റ്റെ​ടു​ത്ത പ​ഴ​യ വീ​ട് വെ​റു​തെ കി​ട​ന്ന് ന​ശി​ച്ച​ത​ല്ലാ​തെ ഒ​രു ന​ട​പ​ടി​യു​മാ​യി​ല്ലെ​ന്ന് അ​ദ്ദേ​ഹ​വും കു​ടും​ബ​വും ചൂ​ണ്ടി​ക്കാ​ട്ടി. വീ​ട് ത​ക​ർ​ന്നി​രി​ക്കു​ന്നു. വ​ർ​ഷ​ങ്ങ​ൾ​ക്കി​പ്പു​റ​വും ദേ​ശീ​യ പാ​ത എ​ത്തി​യി​ല്ല. പി​ന്നെ എ​ന്തി​നാ​ണ് ഇ​ത്ര തി​ടു​ക്ക​ത്തി​ൽ ത​ങ്ങ​ളെ അ​വി​ടെ​നി​ന്നും ഇ​റ​ക്കി​വി​ട്ട​തെ​ന്ന ചോ​ദ്യ​മാ​ണ് ഇ​വ​ർ​ക്കു​ള്ള​ത്.

അ​സ്ത​മി​ക്കാ​ത്ത പ്ര​തീ​ക്ഷ​ക​ൾ

കൂ​ലി​പ്പ​ണി​ക്കാ​ര​നാ​യ മ​റ്റ​ക്കു​ഴി അ​നു​നി​വാ​സി​ൽ എ​ബ്ര​ഹാ​മി​ന് പ​റ​യാ​നു​ള്ള​തും സ​മാ​ന ക​ഥ​യാ​ണ്. ആ​കെ​യു​ള്ള ആ​റ് ​െസ​ന്‍റ്​​ ഭൂ​മി​യി​ലാ​ണ് പ​ദ്ധ​തി​ക്കാ​യി ക​ല്ലി​ട്ട​ത്. ഇ​തോ​ടെ ഭൂ​മി​യു​ടെ മു​ക്കാ​ൽ ഭാ​ഗ​വും കൈ​വി​ട്ടു​പോ​കും. പ​ദ്ധ​തി​ക്കാ​യി ഏ​റ്റെ​ടു​ത്തെ​ങ്കി​ലും ഇ​ന്നും ഭൂ​മി മ​ര​വി​പ്പി​ച്ച സ്ഥി​തി​യി​ൽ തു​ട​രു​ന്നു. വീ​ട് അ​റ്റ​കു​റ്റ​പ്പ​ണി​ക​ളൊ​ന്നും ചെ​യ്യാ​തെ കി​ട​ന്ന് ത​ക​ർ​ച്ച​യി​ലാ​ണ്. ഇ​തോ​ടെ മ​റ്റൊ​രു വീ​ട്ടി​ൽ വാ​ട​ക​ക്ക് താ​മ​സി​ക്കു​ക​യാ​ണ് കു​ടും​ബം. ഈ ​വീ​ടും പ​ദ്ധ​തി​ക്കാ​യി ഏ​റ്റെ​ടു​ത്ത് ഒ​ന്നു​മാ​കാ​ത്ത സ്ഥി​തി​യി​ലു​ള്ള​താ​ണ്.

ഗ​ൾ​ഫി​ൽ ജോ​ലി ചെ​യ്ത് തി​രി​ച്ചെ​ത്തി​യ മ​റ്റ​ക്കു​ഴി ചെ​റു​വ​ള്ളി ക​ള​മ​ശ്ശേ​രി അ​വി​ര കെ. ​വ​ർ​ക്കി​ക്കും ഇ​ത്ത​ര​മൊ​രു സ്ഥി​തി ത​ന്നെ​യാ​ണ് പ​റ​യാ​നു​ള്ള​ത്. ആ​കെ​യു​ള്ള ഭൂ​മി​യു​ടെ ര​ണ്ട് സെൻറ് മാ​ത്രം ഏ​റ്റെ​ടു​ത്ത​തോ​ടെ ബു​ദ്ധി​മു​ട്ടി​ലാ​യ സാ​ഹ​ച​ര്യ​മാ​ണ് അ​മ്പാ​ട്ടു​മാ​ലാ​ൽ എ.​പി മ​ത്താ​യി​യു​ടേ​ത്. സ്ഥ​ലം വി​ൽ​പ​ന ന​ട​ത്താ​ൻ ശ്ര​മി​ച്ച​പ്പോ​ൾ ര​ണ്ട് ​െസ​ന്‍റ്​ മാ​ത്രം ഒ​ഴി​വാ​ക്കി​യു​ള്ള വി​ൽ​പ​ന​യാ​ണ് അ​ദ്ദേ​ഹ​ത്തി​ന് സാ​ധ്യ​മാ​യ​ത്. പ​ദ്ധ​തി​യു​ടെ പേ​രി​ൽ ബു​ദ്ധി​മു​ട്ടി​ലാ​യി 17 വ​ർ​ഷം മു​മ്പ് ഭൂ​മി​യി​ൽ​നി​ന്നും മ​ക​നോ​ടൊ​പ്പം മാ​റി​താ​മ​സി​ച്ച​യാ​ളാ​ണ് കൃ​ഷി​പ്പ​ണി​ക്കാ​ര​നാ​യ മ​റ്റ​ക്കു​ഴി തി​ലാ​ക്കു​ള​ത്തി​ൽ വ​ർ​ഗീ​സ്. ഏ​താ​നും നാ​ളു​ക​ൾ​ക്ക് മു​മ്പ് ഇ​ദ്ദേ​ഹ​ത്തി​ന്‍റെ മ​ര​വി​പ്പി​ക്ക​പ്പെ​ട്ട ഭൂ​മി​യി​ലു​ണ്ടാ​യി​രു​ന്ന വീ​ട് ഇ​ടി​ഞ്ഞു​പോ​കു​ക​യും ചെ​യ്തു. തൊ​ഴു​ത്തും പ​ശു​വു​മൊ​ക്കെ​യു​ണ്ടാ​യി​രു​ന്ന ഇ​ദ്ദേ​ഹ​ത്തി​ന്‍റെ വ​രു​മാ​ന മാ​ർ​ഗ​വും കൂ​ടി​യാ​ണ് ഇ​തോ​ടെ ഇ​ല്ലാ​താ​യ​ത്.