ചവിട്ടിമെതിച്ച് കാട്ടാനക്കൂട്ടം; ഉറക്കം നഷ്ടപ്പെട്ട് ആദിവാസികൾ

അ​ടി​മാ​ലി: ഒ​രാ​ഴ്ച​യി​ലേ​റെ​യാ​യി തു​ട​രു​ന്ന കാ​ട്ടാ​ന ശ​ല്യ​ത്തി​ൽ ഉ​റ​ക്കം ന​ഷ്ട​പ്പെ​ട്ട് ആ​ദി​വാ​സി ഗ്രാ​മ​ങ്ങ​ൾ. അ​ടി​മാ​ലി പ​ഞ്ചാ​യ​ത്തി​ലെ പ്ലാ​മ​ല, കു​ട​ക​ല്ല്, പ​ള്ളി​വാ​സ​ൽ പ​ഞ്ചാ​യ​ത്തി​ലെ പി​ച്ചാ​ട് എ​ന്നി​വി​ട​ങ്ങ​ളി​ലാ​ണ് കാ​ട്ടാ​ന​ക​ൾ വ​ലി​യ നാ​ശം വ​രു​ത്തു​ന്ന​ത്.

രാ​ത്രി​യും പ​ക​ലും കോ​ള​നി​ക​ളി​ൽ ചു​റ്റി​ക്ക​റ​ങ്ങു​ന്ന കാ​ട്ടാ​ന​ക​ൾ ഇ​തി​നോ​ട​കം എ​ട്ട്​ ഷെ​ഡു​ക​ൾ ത​ക​ർ​ത്തു. 25 ഹെ​ക്ട​റി​ല​ധി​കം ഏ​ലം കൃ​ഷി​യും ന​ശി​പ്പി​ച്ചു.

പ​ത്തി​ലേ​റെ ആ​ന​ക​ളു​ടെ കൂ​ട്ടം വ​ലി​യ ഭീ​ഷ​ണി ആ​യി​ട്ടും ഇ​വ​യെ തു​ര​ത്താ​ൻ വ​നം വ​കു​പ്പ് ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ല. മ​ച്ചി​പ്ലാ​വ് ഫോ​റ​സ്റ്റ് സ്റ്റേ​ഷ​ന് സ​മീ​പ​ത്തെ ആ​ദി​വാ​സി കോ​ള​നി​ക​ളാ​ണ് ഇ​ത്. കാ​ട്ടാ​ന ഇ​റ​ങ്ങു​മ്പോ​ൾ വി​വ​രം ആ​ദി​വാ​സി​ക​ൾ വ​ന​പാ​ല​ക​രെ അ​റി​യി​ക്കു​മെ​ങ്കി​ലും തി​രി​ഞ്ഞു​പോ​ലും നോ​ക്കാ​റി​ല്ലെ​ന്നാ​ണ്​ പ​രാ​തി.

മാ​ങ്കു​ളം പ​ഞ്ചാ​യ​ത്തു​കാ​ർ വാ​ണി​ജ്യ കേ​ന്ദ്ര​മാ​യ അ​ടി​മാ​ലി​യി​ലേ​ക്ക് വ​രു​ന്ന പ്ര​ധാ​ന പാ​ത​ക​ളി​ലൊ​ന്ന്​ കൂ​ടി​യാ​ണ്​ പ്ലാ​മ​ല റോ​ഡ്. ഈ ​പാ​ത​യി​ലാ​ണ് കാ​ട്ടാ​ന​ക​ൾ വി​ഹ​രി​ക്കു​ന്ന​ത്. കെ.​എ​സ്.​ആ​ർ.​ടി.​സി​യു​ടെ ജം​ഗി​ൾ സ​വാ​രി ക​ട​ന്നു​പോ​കു​ന്ന പാ​ത​യി​ൽ കാ​ട്ടാ​ന​ക​ൾ വ​ലി​യ ഭീ​ഷ​ണി ത​ന്നെ​യാ​ണ്. ഇ​തി​നോ​ട് ചേ​ർ​ന്ന മ​ച്ചി​പ്ലാ​വ് ആ​ദി​വാ​സി കോ​ള​നി​യി​ലും കാ​ട്ടാ​ന​ക​ൾ വ​ലി​യ നാ​ശ​മാ​ണ് ഉ​ണ്ടാ​ക്കി​യ​ത്.

ഇ​വി​ടെ കാ​ട്ടാ​ന​യു​ടെ മു​ന്നി​ല​ക​പ്പെ​ട്ട അ​ദി​വാ​സി യു​വാ​വ് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. അ​ധി​കൃ​ത​ർ അ​ടി​യ​ന്ത​ര​മാ​യി പ്ര​ശ്ന​ത്തി​ൽ ഇ​ട​പെ​ട​ണ​മെ​ന്നും ജീ​വ​നും സ്വ​ത്തി​നും സം​ര​ക്ഷ​ണം ന​ൽ​ക​ണ​മെ​ന്നും ആ​ദി​വാ​സി​ക​ൾ ആ​വ​ശ്യ​പ്പെ​ട്ടു.