കാർലോസ് ഇനി ഓർമ

ചെ​റു​തോ​ണി: നി​യ​മ​സ​ഭ ച​രി​ത്ര​ത്തി​ൽ സ്ഥാ​നം​പി​ടി​ച്ച ചു​രു​ളി-​കീ​രി​ത്തോ​ട് കു​ടി​യി​റ​ക്കു​വി​രു​ദ്ധ സ​മ​ര​ത്തി​ന്‍റെ അ​വ​സാ​ന ക​ണ്ണി​കളിൽ ഒരാൾ യാ​ത്ര​യാ​യി. അ​വ​സാ​ന​ശ്വാ​സം വ​രെ ക​മ്യൂ​ണി​സ്റ്റാ​യി ജീ​വി​ച്ച കാ​ർ​ലോ​സ്-​മോ​നി​ക്ക ദ​മ്പ​തി​ക​ളി​ലെ കാ​ർ​ലോ​സാ​ണ്(​കെ.​ഡി. കൊ​ച്ച്) ഓ​ർ​മ​യാ​യ​ത്. 1972 കാ​ല​ഘ​ട്ട​ത്തി​ൽ സ​മ​ര​വു​മാ​യി ബ​ന്ധ​പ്പെ​ട്ട് പൊ​ലീ​സ്​ ക്രൂ​ര മ​ർ​ദ​ന​ത്തി​നി​ര​യാ​ക്കി​യ ഈ ​ദ​മ്പ​തി​ക​ളെ മൂ​വാ​റ്റു​പു​ഴ സ​ബ്​​ജ​യി​ലി​ല​ട​ക്കു​മ്പോ​ൾ മോ​നി​ക്ക പൂ​ർ​ണ ഗ​ർ​ഭി​ണി​യാ​യി​രു​ന്നു. ജ​യി​ലി​ൽ ഇ​വ​ർ പ്ര​സ​വി​ച്ചു. എ.​കെ.​ജി ജ​യി​ലി​ലെ​ത്തി കു​ഞ്ഞി​നെ ക​ണ്ടു. എ.​കെ.​ജി അ​വ​ളെ ജ​യി​ല​മ്മ എ​ന്നു വി​ളി​ച്ചു. എ​ന്നാ​ൽ, ആ ​പേ​രു ത​ന്നെ​യാ​ക​ട്ടെ എ​ന്ന്​ മാ​താ​പി​താ​ക്ക​ളും തീ​രു​മാ​നി​ച്ചു.

55 വ​ർ​ഷം മു​മ്പ്​ കാ​ർ​ലോ​സി​ന്‍റെ കൈ​പി​ടി​ച്ച് കീ​രി​ത്തോ​ട്ടി​ലെ​ത്തു​മ്പോ​ൾ മോ​നി​ക്ക​ക്ക്​ ജീ​വി​തം ഒ​രു ചോ​ദ്യ​ചി​ഹ്ന​മാ​യി​രു​ന്നു. ക​യ​റി​ക്കി​ട​ക്കാ​ൻ ഒ​രു തു​ണ്ട്​ ഭൂ​മി​ക്കു​വേ​ണ്ടി കു​ടി​യേ​റി കു​ടി​ൽ കെ​ട്ടി​യ ഇ​വ​ര​ട​ക്ക​മു​ള്ള​വ​രെ പൊ​ലീ​സ് അ​റ​സ്റ്റു ചെ​യ്ത്​ ജ​യി​ലി​ല​ട​ച്ചു. കാ​ർ​ലോ​സ് പാ​ർ​ട്ടി നി​ർ​ദേ​ശാ​നു​സ​ര​ണം ഒ​ളി​വി​ൽ പോ​യി. പെ​രി​യാ​റി​ന്‍റെ മ​റു​ക​ര​യി​ൽ ഒ​ളി​ച്ചു താ​മ​സി​ച്ചി​രു​ന്ന കാ​ർ​ലോ​സി​നെ 22 പൊ​ലീ​സു​കാ​ർ ചേ​ർ​ന്ന്​ വ​ള​ഞ്ഞു​പി​ടി​ച്ചു. ഒ​രു പൊ​ലീ​സു​കാ​ര​നൊ​ഴി​കെ 21 പേ​രും മ​ർ​ദി​ച്ച​താ​യി ഭാ​ര്യ മോ​നി​ക്ക പ​റ​ഞ്ഞു. പാ​ർ​ട്ടി​ക്കാ​ർ ജാ​മ്യ​ത്തി​ലെ​ടു​ത്ത്​ കാ​ർ​ലോ​സ്​ പു​റ​ത്തു​വ​രു​മ്പോ​ൾ ജീ​വഛ​വ​മാ​യി​മാ​റി​യി​രു​ന്നു. കു​ടി​യി​റ​ക്കി​നി​ര​യാ​യി പ​റ​ക്ക​മു​റ്റാ​ത്ത കു​ഞ്ഞു​ങ്ങ​ളു​മാ​യി മ​ര​ച്ചോ​ട്ടി​ലാ​ണ്​ ക​ഴി​ഞ്ഞി​രു​ന്ന​ത്. അ​തി​ന്​ ശേ​ഷം നി​ര​വ​ധി സ​മ​ര​ങ്ങ​ൾ​ക്ക് ഈ ​ദ​മ്പ​തി​ക​ൾ പ​ങ്കാ​ളി​ക​ളാ​യി. അ​ടി​യ​ന്ത​രാ​വ​സ്ഥ​ക്കാ​ല​ത്ത് കാ​ർ​ലോ​സി​നെ അ​റ​സ്റ്റു​ചെ​യ്ത്​ ജ​യി​ലി​ല​ട​ച്ച്​ മ​ർ​ദ​ന​ത്തി​നി​ര​യാ​ക്കി. പു​റ​ത്തു​വ​രു​മ്പോ​ൾ തു​പ്പു​ന്ന​ത്​ ചോ​ര​യാ​യി​രു​ന്നു. അ​ന്ന് കീ​രി​ത്തോ​ട് പ്ര​ദേ​ശം സി.​പി.​എം അ​ടി​മാ​ലി ലോ​ക്ക​ൽ ക​മ്മ​റ്റി​യു​ടെ കീ​ഴി​ലാ​യി​രു​ന്നു. കാ​ർ​ലോ​സി​നോ​ടൊ​പ്പം മോ​നി​ക്ക​യും സ​ജീ​വ രാ​ഷ്ട്രീ​യ​ത്തി​ൽ വ​ന്നു.

സ്ത്രീ​ക​ളെ സം​ഘ​ടി​പ്പി​ക്കു​ന്ന​തി​നും പാ​ർ​ട്ടി ശ​ക്തി​പ്പെ​ടു​ത്തു​ന്ന​തി​നും ഇ.​എം.​എ​സ്, എ.​കെ.​ജി, ഗൗ​രി​യ​മ്മ തു​ട​ങ്ങി​യ നേ​താ​ക്ക​ളു​ടെ പ്രോ​ത്സാ​ഹ​ന​വും ല​ഭി​ച്ചു. ചൊ​വ്വാ​ഴ്ച വാ​ഴ​ത്തോ​പ്പ് ഹോ​ളി ഫാ​മി​ലി പ​ള്ളി​യി​ലെ ആ​റ​ടി മ​ണ്ണ്​ കാ​ർ​ലോ​സി​നെ ഏ​റ്റു​വാ​ങ്ങു​മ്പോ​ൾ മോ​നി​ക്ക നി​ശ​ബ്ദം ക​ര​ഞ്ഞു. ജ​യി​ല​മ്മ അ​മ്മ​യെ ആ​ശ്വ​സി​പ്പി​ക്കു​ന്നു​ണ്ടാ​യി​രു​ന്നു.