കണ്ണാടിപ്പായക്ക് ഭൗമസൂചിക പദവി

ചെ​റു​തോ​ണി: ക​ഞ്ഞി​ക്കു​ഴി പ​ഞ്ചാ​യ​ത്തി​ലെ വെ​ണ്മ​ണി​പാ​ല പ്ലാ​വ് ആ​ദി​വാ​സി​ക്കോ​ള​നി​യി​ൽ നെ​യ്തെ​ടു​ക്കു​ന്ന ക​ണ്ണാ​ടി​പ്പാ​യ​ക്ക് ഭൗ​മ​സൂ​ചി​ക പ​ദ​വി. ജി​ല്ല​യി​ൽ ഭൗ​മ​സൂ​ചി​ക പ​ദ​വി തേ​ടി​യെ​ത്തു​ന്ന​ത് ര​ണ്ടാം ത​വ​ണ​യാ​ണ്. ഇ​തി​നു മു​മ്പ്​ വ​ട്ട​വ​ട​യി​ൽ കൃ​ഷി ചെ​യ്യു​ന്ന വെ​ളു​ത്തു​ള്ളി​ക്ക്​ ക​ഴി​ഞ്ഞ​വ​ർ​ഷം ഭൗ​മ സൂ​ചി​ക പ​ദ​വി ല​ഭി​ച്ചി​രു​ന്നു.

പാ​ല​പ്ലാ​വ് ആ​ദി​വാ​സി കോ​ള​നി​യി​ൽ നൂ​റോ​ളം ഊ​രാ​ളി ആ​ദി​വാ​സി കു​ടും​ബ​ങ്ങ​ളാ​ണു​ള്ള​ത്. ഇ​തി​ൽ അ​റു​പ​തോ​ളം കു​ടും​ബ​ങ്ങ​ളി​ലെ പ്രാ​യം​ചെ​ന്ന​വ​ർ പാ​യ നെ​യ്യു​ന്നു. കാ​ട്ടി​ൽ​നി​ന്ന് പ്ര​ത്യേ​ക​യി​നം ഈ​റ്റ വെ​ട്ടി​ക്കൊ​ണ്ടു​വ​ന്നാ​ണ് ക​ണ്ണാ​ടി​പ്പാ​യ നെ​യ്യു​ന്ന​ത്. ഊ​രാ​ളി കു​ടും​ബ​ങ്ങ​ളി​ൽ​പെ​ട്ട സ്ത്രീ​ക​ളാ​ണ് ക​ണ്ണാ​ടി​പ്പാ​യ നെ​യ്യു​ന്ന​ത്. പ​ഴ​യ​കാ​ല​ത്ത് ആ​ദി​വാ​സി​ക​ൾ രാ​ജാ​വി​നെ മു​ഖം കാ​ണി​ക്കാ​ൻ ചെ​ല്ലു​മ്പോ​ൾ കാ​ണി​ക്ക​യാ​യി സ​മ​ർ​പ്പി​ച്ചി​രു​ന്ന​താ​ണ്​ ക​ണ്ണാ​ടി​പ്പാ​യ​യെ​ന്ന് പ്രാ​യ​മു​ള്ള​വ​ർ പ​റ​യു​ന്നു.

വ​ള​രെ മി​നു​സ​മു​ള്ള​തും സൂ​ര്യ​പ്ര​കാ​ശ​ത്തെ പ്ര​തി​ഫ​ലി​പ്പി​ക്കു​ന്ന​തു​മാ​യ​തു​കൊ​ണ്ടാ​ണ് ക​ണ്ണാ​ടി​പ്പാ​യ എ​ന്നു പ​റ​യു​ന്ന​ത്. ആ​റ്​ അ​ടി നീ​ള​വും നാ​ല്​ അ​ടി വീ​തി​യു​മു​ള്ള​താ​ണ് പാ​യ. ഒ​രു​മാ​സം വേ​ണ്ടി വ​രും ഇ​തു നെ​യ്തെ​ടു​ക്കാ​ൻ. ഒ​രു പാ​യ​ക്ക് 25,000 മു​ത​ൽ 30,000 രൂ​പ വ​രെ വി​ല​വ​രും. ഒ​രു ക​ണ്ണാ​ടി​പ്പാ​യ 10 വ​ർ​ഷം കേ​ടു​കൂ​ടാ​തെ​യി​രി​ക്കും. വ​ന​ഗ​വേ​ഷ​ണ കേ​ന്ദ്ര​ത്തി​ലെ ശാ​സ്ത്ര​ജ്ഞ​രു​ടെ​യ​ട​ക്കം ക​ഴി​ഞ്ഞ ഒ​രു വ​ർ​ഷ​ത്തെ പ​രി​ശ്ര​മ​ത്തി​ന്‍റെ ഫ​ല​മാ​യി​ട്ടാ​ണ് ഈ ​നേ​ട്ടം കൈ​വ​രി​ക്കാ​നാ​യ​ത്.