ആരുമില്ലേ ഈ റോഡ്​ നന്നാക്കാൻ..?

ചെ​റു​തോ​ണി: ജ​ല​വി​ത​ര​ണ പൈ​പ്പി​ടാ​ൻ കു​ത്തി​പ്പൊ​ളി​ച്ച റോ​ഡ് പു​ന​ർ​നി​ർ​മി​ക്കാ​ത്ത​തു മൂ​ലം അ​പ​ക​ടം തു​ട​ർ​ക്ക​ഥ. ക​ഞ്ഞി​ക്കു​ഴി, വാ​ഴ​ത്തോ​പ്പ് പ​ഞ്ചാ​യ​ത്തു​ക​ളി​ലാ​ണ് വാ​ട്ട​ർ അ​തോ​റി​റ്റി​യും ജ​ല​ജീ​വ​ൻ മി​ഷ​നും റോ​ഡ്​ വെ​ട്ടി​പ്പൊ​ളി​ച്ച് പൈ​പ്പി​ട്ട ശേ​ഷം തി​രി​ഞ്ഞു നോ​ക്കാ​തി​രി​ക്കു​ന്ന​ത്. ജ​ല​വി​ത​ര​ണ പൈ​പ്പു​ക​ൾ സ്ഥാ​പി​ച്ച്​ മാ​സ​ങ്ങ​ൾ ക​ഴി​ഞ്ഞി​ട്ടും റോ​ഡ് പു​ന​ർ​നി​ർ​മി​ക്കാ​ൻ യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. മ​ണ്ണി​ട്ട് മൂ​ടി​യ​തി​ന്‍റെ മു​ക​ളി​ൽ ചി​ല സ്ഥ​ല​ങ്ങ​ളി​ൽ മെ​റ്റ​ലി​ട്ട് താ​ൽ​ക്കാ​ലി​ക​മാ​യി ഉ​റ​പ്പി​ച്ചെ​ങ്കി​ലും മ​ഴ​വെ​ള്ളം കു​ത്തി​യൊ​ഴു​കി​യ​തി​നെ​ത്തു​ട​ർ​ന്ന് അ​തെ​ല്ലാം ഇ​ള​കി​പ്പൊ​ളി​ഞ്ഞ് ഇ​പ്പോ​ൾ വ​ലി​യ ഗ​ർ​ത്ത​ങ്ങ​ളാ​യി. ചി​ല സ്ഥ​ല​ങ്ങ​ളി​ൽ റോ​ഡ് ഇ​ടി​ഞ്ഞ്​ അ​പ​ക​ടാ​വ​സ്ഥ​യി​ലാ​ണ്. ഇ​തു​മൂ​ലം ആ​ശു​പ​ത്രി സം​ബ​ന്ധ​മാ​യ ആ​വ​ശ്യ​ങ്ങ​ൾ​ക്ക് വി​ളി​ച്ചാ​ൽ പോ​ലും ഓ​ട്ടോ​റി​ക്ഷ​ക്കാ​ർ വി​മു​ഖ​ത കാ​ണി​ക്കു​ന്നു.

ഇ​തി​ലൂ​ടെ പോ​കു​ന്ന ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യി​ൽ ചാ​ടി അ​പ​ക​ടം സം​ഭ​വി​ക്കു​ന്ന​തും പ​തി​വാ​ണ്. റോ​ഡു​ക​ൾ ന​ന്നാ​ക്കി ടാ​ർ ചെ​യ്തി​ല്ലെ​ങ്കി​ൽ സ​മ​ര പ​രി​പാ​ടി​ക​ൾ​ക്ക്​ ഒ​രു​ങ്ങാ​നാ​ണ്​ നാ​ട്ടു​കാ​രു​ടെ തീ​രു​മാ​നം.