നൂറ്റാണ്ടിന്റെ കഥപറയുന്ന കാറുകൾ മൂന്നാറിൽ

മൂ​ന്നാ​ർ: പ​ഴ​മ​യു​ടെ ഒ​രാ​യി​രം ക​ഥ​ക​ൾ കാ​ത്തു​​വെ​ച്ചി​രി​ക്കു​ന്ന മൂ​ന്നാ​റി​ൽ, നൂ​റ്റാ​ണ്ടു​മു​മ്പ് ഇ​ന്ത്യ​ന്‍ നി​ര​ത്തു​ക​ളെ ആ​വേ​ശം കൊ​ള്ളി​ച്ച പ​ഴ​യ കാ​റു​ക​ളു​ടെ സം​ഗ​മം വേ​റി​ട്ട അ​നു​ഭ​വ​മാ​യി. പ​ഴ​ക്ക​മു​ള്ള കാ​റു​ക​ള്‍ സ്വ​ന്ത​മാ​ക്കി​യ വാ​ഹ​ന ഉ​ട​മ​ക​ളു​ടെ കൂ​ട്ടാ​യ്മ​യു​ടെ നേ​തൃ​ത്വ​ത്തി​ൽ 'ട്രെ​യി​ല്‍ ഓ​ഫ് സൗ​ത്ത്' എ​ന്ന പേ​രി​ലു​ള്ള പ​രി​പാ​ടി​യു​ടെ ഭാ​ഗ​മാ​യാ​ണ് 16 കാ​റു​ക​ള്‍ മൂ​ന്നാ​റി​ലെ​ത്തി​ച്ച​ത്.

വി​വി​ധ സം​സ്ഥാ​ന​ങ്ങ​ളി​ലെ ടൂ​റി​സം വ​കു​പ്പു​മാ​യി ചേ​ര്‍ന്ന്​ സം​ഘ​ടി​പ്പി​ക്കാ​റു​ള്ള യാ​ത്ര​യാ​ണി​ത്. വി​വി​ധ ഇ​ട​ങ്ങ​ളി​ല്‍ നി​ന്നു​ള്ള കാ​റു​ക​ള്‍ കോ​യ​മ്പ​ത്തൂ​രി​ല്‍ എ​ത്തി​യ ശേ​ഷ​മാ​ണ് മൂ​ന്നാ​റി​ലേ​ക്ക് തി​രി​ച്ച​ത്. മൂ​ന്നാ​റി​ല്‍ അ​ധി​ക​മൊ​ന്നും പ​രി​ചി​ത​മ​ല്ലാ​ത്ത കാ​ര്‍ നി​ർ​മാ​ണ​രം​ഗ​ത്തെ അ​തി​കാ​യ​രു​ടെ വാ​ഹ​ന​ങ്ങ​ളാ​ണ് തേ​യി​ല​ക്കാ​ടു​ക​ള്‍ക്കി​ട​യി​ലൂ​ടെ ഓ​ടി​യെ​ത്തി​യ​ത്.

ആ​ഗോ​ള കാ​ര്‍ നി​ർ​മാ​ണ രം​ഗ​ത്തെ വ​മ്പ​ന്മാ​രാ​യ ജ​ര്‍മ​ന്‍ ക​മ്പ​നി​യാ​യ ഫോ​ക്​​സ്‌​വാ​ഗ​ണ്‍, ബെ​ന്‍സ്, ബ്രീ​ട്ടീ​ഷ് ക​മ്പ​നി​യാ​യ മോ​റി​സ്, ഇ​റ്റാ​ലി​യ​ന്‍ ക​മ്പ​നി​യാ​യ ഫി​യ​റ്റ്, അ​മേ​രി​ക്ക​ന്‍ ക​മ്പ​നി​യാ​യ ഷെ​വ്‌​റോ​ലെ​റ്റ് ക​മ്പ​നി​ക​ള്‍ നൂ​റു​വ​ര്‍ഷം മു​മ്പ്​ നി​ര​ത്തി​ലി​റ​ക്കി​യ കാ​റു​ക​ളാ​യി​രു​ന്നു ഇ​തെ​ല്ലാം. പി​ന്‍ഭാ​ഗ​ത്ത് എ​ന്‍ജി​ന്‍ ഘ​ടി​പ്പി​ച്ച ഫോ​ക്​​സ്‌​വാ​ഗ​ണ്‍ ക​മ്പ​നി​യു​ടെ വാ​നും ലെ​ഫ്റ്റ് ഹാ​ന്‍ഡ് ഡ്രൈ​വി​ങ്​ വാ​ഹ​ന​ങ്ങ​ളും ഇ​ക്കൂ​ട്ട​ത്തി​ലു​ണ്ട്. ഇ​തി​ൽ വാ​നി​ന്റെ ഉ​ള്‍വ​ശ​ത്ത് കി​ട​ക്ക​യും ഭ​ക്ഷ​ണം ക​ഴി​ക്കാ​നു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്.

സ്വ​കാ​ര്യ പ​രി​പാ​ടി​യു​ടെ ഭാ​ഗ​മാ​യി സം​ഘ​ടി​പ്പി​ച്ച​തി​നാ​ല്‍ അ​പൂ​ര്‍വ കാ​റു​ക​ള്‍ കാ​ണാ​ൻ പൊ​തു​ജ​ന​ങ്ങ​ള്‍ക്ക് അ​വ​സ​ര​മി​ല്ല.