അടഞ്ഞ്​ പീരുമേട്​ അതിഥി മന്ദിരവും യാത്രിനിവാസും; ഇപ്പോഴില്ല സുഖവാസ കേന്ദ്രം...

പീ​രു​മേ​ട്: എ​ക്കാ​ല​ത്തെ​യും അ​നു​ഗൃ​ഹീ​ത സു​ഖ​വാ​സ കേ​ന്ദ്ര​മാ​യ പീ​രു​മേ​ട്ടി​ൽ സ​ഞ്ചാ​രി​ക​ൾ​ക്ക്​ പ​തി​റ്റാ​ണ്ടു​ക​ൾ ആ​തി​ഥ്യ​മ​രു​ളി​യ സ​ർ​ക്കാ​ർ ഗെ​സ്റ്റ് ​ഹൗ​സ്​ അ​ട​ഞ്ഞു കി​ട​ക്കു​ന്നു. പീ​രു​മേ​ട്ടി​ലെ 50​ വ​ർ​ഷം മു​മ്പ​ത്തെ ‘സു​ഖ​വാ​സ കേ​ന്ദ്ര’​മാ​ണ്​ കോ​വി​ഡ്​ കാ​ല​ത്ത്​ അ​ട​ഞ്ഞ​ത്.

സ്വ​കാ​ര്യ ലോ​ഡ്​​ജു​ക​ൾ ഇ​ല്ലാ​തി​രു​ന്ന 1990 വ​രെ പീ​രു​മേ​ട്ടി​ൽ സ​ഞ്ചാ​രി​ക​ളു​ടെ താ​മ​സ സൗ​ക​ര്യം സ​ർ​ക്കാ​ർ അ​ഥി​തി മ​ന്ദി​ര​മാ​യി​രു​ന്നു.

എ​ന്നാ​ൽ, ഇ​ന്ന്​​ സ​ഞ്ചാ​രി​ക​ൾ​ക്ക് ഉ​പ​യോ​ഗ​പ്പെ​ടു​ന്നി​ല്ല. അ​റ്റ​കു​റ്റ​പ്പ​ണി​ക്കും പു​തി​യ കെ​ട്ടി​ട നി​ർ​മാ​ണ​ത്തി​നും അ​ട​ച്ചു​പൂ​ട്ടി​യ​താ​ണ്. ഇ​നി​യും തു​റ​ന്നി​ട്ടി​ല്ല. പ്ര​ധാ​ന കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി ന​ട​ക്കു​ന്നു. മ​ര​ത്ത​ടി​യി​ൽ നി​ർ​മി​ച്ച പു​തി​യ സ​മു​ച്ച​യം ഉ​ദ്​​ഘാ​ട​ന​ത്തി​ന് കാ​ത്തു​കി​ട​ക്കു​ന്നു. ഇ​തി​ന് പ​രി​സ​ര​ത്തു​ള്ള മോ​ടി​പി​ടി​പ്പി​ക്ക​ലും വ​ർ​ഷ​ങ്ങ​ളാ​യി ഇ​ഴ​യു​ന്നു.

പ്ര​ധാ​ന കെ​ട്ടി​ട​ത്തി​ൽ​നി​ന്ന് ദൂ​രെ​യു​ള്ള അ​ന​ക്സ് കെ​ട്ടി​ട​ത്തി​ലെ നാ​ല് മു​റി​ക​ൾ മാ​ത്ര​മാ​ണ് വാ​ട​ക​ക്ക് ന​ൽ​കു​ന്ന​ത്. രാ​ജ​ഭ​ര​ണ​കാ​ല​ത്ത് നി​ർ​മി​ച്ച അ​തി​ഥി മ​ന്ദി​ര​ത്തി​ൽ താ​മ​സി​ക്കാ​നും ഭ​ക്ഷ​ണം ക​ഴി​ക്കാ​നും സ​ഞ്ചാ​രി​ക​ളു​ടെ തി​ര​ക്കാ​യി​രു​ന്നു. കെ​ട്ടി​ട​ത്തി​ൽ വി.​ഐ.​പി പ​രി​ഗ​ണ​ന​ക്ക് ശേ​ഷ​മാ​ണ് മ​റ്റു​ള്ള​വ​ർ​ക്ക് മു​റി​ക​ൾ ന​ൽ​കു​ന്ന​ത് ജ​ഡ്​​ജി​മാ​ർ, മ​ന്ത്രി​മാ​ർ, കേ​ന്ദ്ര-​സം​സ്ഥാ​ന വ​കു​പ്പു​ക​ളി​ലെ ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​ർ​ക്കാ​യി​രു​ന്നു മു​ൻ​ഗ​ണ​ന. 

സി​നി​മാ​ക്കാ​രു​ടെ ഇ​ഷ്ട ലൊ​ക്കേ​ഷ​ൻ

1960 മു​ത​ൽ ഷൂ​ട്ടി​ങ്ങി​ന്‍റെ പ്ര​ധാ​ന ലൊ​ക്കേ​ഷ​നും കോ​ട​മ​ഞ്ഞ്​ പെ​യ്തി​റ​ങ്ങു​ന്ന അ​ഥി​തി മ​ന്ദി​ര​മാ​യി​രു​ന്നു. താ​മ​സി​ക്കാ​ൻ മ​റ്റു സ്ഥാ​പ​ന​ങ്ങ​ൾ ഇ​ല്ലാ​ത്ത​തി​നാ​ൽ ഷൂ​ട്ടി​ങ് യൂ​നി​റ്റ് പൂ​ർ​ണ​മാ​യും ഇ​വി​ടെ ത​മ്പ​ടി​ച്ചി​രു​ന്നു.

കാ​ട്ടു​തു​ള​സി, മ​റ​വി​ൽ തി​രി​വ് സൂ​ക്ഷി​ക്കു​ക, ആ​ര​തി, അ​ഗ്നി​വ്യൂ​ഹം, അ​റി​യ​പ്പെ​ടാ​ത്ത ര​ഹ​സ്യം തു​ട​ങ്ങി നി​ര​വ​ധി സി​നി​മ​ക​ൾ പൂ​ർ​ണ​മാ​യും ഇ​വി​ടെ​യാ​ണ് ചി​ത്രീ​ക​രി​ച്ച​ത്. അ​ഥി​തി മ​ന്ദി​ര​ത്തി​ൽ താ​മ​സി​ക്കാ​ൻ നി​ര​വ​ധി ആ​ളു​ക​ൾ ഇ​പ്പോ​ഴും എ​ത്തു​ന്നു. പ​ക്ഷേ, നി​രാ​ശ​യാ​ണ്​ ഫ​ലം. ആ​രം​ഭ​കാ​ലം മു​ത​ൽ അ​ന​ക്സ് കെ​ട്ടി​ട​ത്തി​ന് മു​ന്നി​ൽ വി​ശാ​ല​മാ​യ പൂ​ന്തോ​ട്ട​വും പു​ൽ​ത്ത​കി​ടി​യു​മു​ണ്ടാ​യി​രു​ന്നു.

തോ​ട്ടം പ​രി​പാ​ലി​ക്കാ​ൻ പൂ​ന്തോ​ട്ട​ക്കാ​ര​ൻ എ​ന്ന ത​സ്തി​ക​യി​ൽ ജീ​വ​ന​ക്കാ​ര​നും ഉ​ണ്ടാ​യി​രു​ന്നു. പു​തി​യ കെ​ട്ടി​ടം നി​ർ​മി​ച്ച​പ്പോ​ൾ പൂ​ന്തോ​ട്ടം പൂ​ർ​ണ​മാ​യും ന​ശി​പ്പി​ച്ചു. വ​ർ​ഷ​ങ്ങ​ൾ പി​ന്നി​ട്ടി​ട്ടും കെ​ട്ടി​ടം സ​ഞ്ചാ​രി​ക​ൾ​ക്ക് തു​റ​ന്നു കൊ​ടു​ത്തി​ട്ടി​ല്ല. ചു​റ്റു​മ​തി​ല​ട​ക്കം നി​ര​വ​ധി നി​ർ​മാ​ണ പ്ര​വ​ർ​ത്ത​ന​ങ്ങ​ൾ വ​ർ​ഷ​ങ്ങ​ളാ​യി ഇ​ഴ​യു​ന്നു. 

യാ​ത്രി​നി​വാ​സും അ​ട​ഞ്ഞു​ത​ന്നെ

അ​ഥി​തി മ​ന്ദി​ര​ത്തി​നോ​ട് ചേ​ർ​ന്ന് 2000ൽ ​ആ​രം​ഭി​ച്ച കെ.​ടി.​ഡി.​സി​യു​ടെ യാ​ത്രി​നി​വാ​സും അ​ട​ഞ്ഞു​ത​ന്നെ. വി​ശാ​ല​മാ​യ ഭ​ക്ഷ​ണ​ശാ​ല ഉ​ൾ​പ്പെ​ടെ ലാ​ഭ​ത്തി​ൽ പ്ര​വ​ർ​ത്തി​ച്ചി​രു​ന്ന യാ​ത്രി​നി​വാ​സ് ഇ​പ്പോ​ഴി​ല്ല. കോ​വി​ഡി​ന് ശേ​ഷം അ​റ്റ​കു​റ്റ​പ്പ​ണി​ക്കാ​യി അ​ട​ച്ചു​പൂ​ട്ടി​യെ​ങ്കി​ലും തു​റ​ന്ന് പ്ര​വ​ർ​ത്തി​ച്ചി​ട്ടി​ല്ല. അ​വ​ധി ദി​വ​സ​ങ്ങ​ളി​ലും മ​റ്റും സ​ഞ്ചാ​രി​ക​ൾ ഉ​ണ്ടാ​യി​രു​ന്ന സ്ഥാ​പ​ന​മാ​ണ് കെ​ടു​കാ​ര്യ​സ്ഥ​ത​യെ തു​ട​ന്ന് പ്ര​വ​ർ​ത്ത​നം നി​ല​ച്ച​ത്. ഉ​ച്ച​ഭ​ക്ഷ​ണ​ത്തി​നാ​യി വ​ൻ തി​ര​ക്കാ​യി​രു​ന്നു ഇ​വി​ടെ. ഓ​ണ​സ​ദ്യ​ക്കും വ​ൻ ബു​ക്കി​ങ്ങാ​ണ് ല​ഭി​ച്ചി​രു​ന്ന​ത്. എ​ഴു​ത്തു​കാ​ര​ൻ ഡോ. ​പു​ന​ത്തി​ൽ കു​ഞ്ഞ​ബ്ദു​ള്ള​യു​ടെ​യും ഇ​ഷ്ട താ​മ​സ​കേ​ന്ദ്ര​മാ​യി​രു​ന്നു യാ​ത്രി​നി​വാ​സ്. വി​നോ​ദ​സ​ഞ്ചാ​രി​ക​ളു​ടെ ഇ​ഷ്ട കേ​ന്ദ്ര​മാ​യ ര​ണ്ട് സ്ഥാ​പ​ന​ങ്ങ​ളാ​ണ് കെ​ടു​കാ​ര്യ​സ്ഥ​ത മൂ​ലം അ​ട​ഞ്ഞു കി​ട​ക്കു​ന്ന​ത്. സ​ർ​ക്കാ​ർ ഖ​ജ​നാ​വി​ലേ​ക്ക് ല​ഭി​ക്കേ​ണ്ട വ​രു​മാ​ന​വും ന​ഷ്ട​മാ​കു​ന്നു.

കെ.​എം. മാ​ണി ബ​ജ​റ്റ് ത​യാ​റാ​ക്കി​യി​രു​ന്ന​ത്​ ഇ​വി​ടെ

പ്ര​ധാ​ന കെ​ട്ടി​ട​ത്തി​ന്‍റെ വ​ല​തു​വ​ശ​ത്ത് റോ​ഡു​വ​ക്കി​നോ​ട് ചേ​ർ​ന്ന മു​റി മ​ന്ത്രി​യാ​യി​രു​ന്ന കെ.​എം. മാ​ണി​ക്ക് പ്രി​യ​പ്പെ​ട്ട​താ​യി​രു​ന്നു. അ​ദ്ദേ​ഹം വ​ർ​ഷം​തോ​റും ബ​ജ​റ്റ് ത​യാ​റാ​ക്കു​ന്ന​തി​ന് ഇ​വി​ടെ​യാ​ണ് താ​മ​സി​ച്ചി​രു​ന്ന​ത്. ആ​ഴ്ച​ക​ളോ​ളം ഇ​വി​ടെ​യു​ണ്ടാ​കും. ബ​ജ​റ്റ്​ പൂ​ർ​ത്തി​യാ​ക്കി​യേ മാ​ണി മ​ട​ങ്ങി​യി​രു​ന്നു​ള്ളൂ. അ​തി​രാ​വി​ലെ വി​ശാ​ല​മാ​യ പൂ​ന്തോ​ട്ട​ത്തി​ലും സ​മീ​പ​വും ന​ട​ക്കു​ന്ന​തും പ​തി​വാ​യി​രു​ന്നു.