സി.പി.എം തൊടുപുഴ ഈസ്റ്റ്​ ഏരിയ സമ്മേളനം: നഗരസഭ ഭരണം മോശം; നവകേരള സദസ്സിനും വിമർശനം​​​​

തൊ​ടു​പു​ഴ: സി.​പി.​എം തൊ​ടു​പു​ഴ ഈ​സ്റ്റ് ഏ​രി​യ സ​മ്മേ​ള​ന​ത്തി​ൽ ന​വ​കേ​ര​ള സ​ദ​സ്സി​നെ​തി​രെ വി​മ​ർ​ശ​നം. സം​സ്ഥാ​ന​ത്തെ ഭ​ര​ണ​സം​വി​ധാ​നം ഉ​ദ്യോ​ഗ​സ്ഥ​രു​ടെ കൈ​യി​ലാ​യെ​ന്ന വി​മ​ർ​ശ​ന​വും പ​ല പ്ര​തി​നി​ധി​ക​ളും ഉ​യ​ർ​ത്തി. ഉ​ദ്യോ​ഗ​സ്ഥ​രെ നി​യ​ന്ത്രി​ക്കാ​ൻ പ​റ്റു​ന്നി​ല്ല. അ​തി​നാ​ൽ സാ​ധാ​ര​ണ ജ​ന​ങ്ങ​ൾ​ക്ക് നീ​തി​കി​ട്ടാ​ൻ വൈ​കു​ന്നു. പാ​ർ​ട്ടി​യും സ​ർ​ക്കാ​റും ഇ​ക്കാ​ര്യ​ത്തി​ൽ ഫ​ല​പ്ര​ദ​മാ​യി ഇ​ട​പെ​ടു​ന്നി​ല്ല. അ​ത് പ​രി​ഹ​രി​ക്ക​പ്പെ​ട​ണം. ന​വ​കേ​ര​ള​സ​ദ​സ്സ്​ സാ​ധാ​ര​ണ​ക്കാ​ർ​ക്ക് പ്ര​തീ​ക്ഷി​ച്ച പ്ര​യോ​ജ​നം ഉ​ണ്ടാ​ക്കി​യി​ല്ല. ഇ​ത് പാ​ർ​ട്ടി​ക്ക് ദോ​ഷം ചെ​യ്തു​വെ​ന്നും പ്ര​തി​നി​ധി​ക​ൾ കു​റ്റ​പ്പെ​ടു​ത്തി.

തൊ​ടു​പു​ഴ ന​ഗ​ര​സ​ഭ​യു​ടെ എ​ൽ.​ഡി.​എ​ഫ് ഭ​ര​ണ​സ​മി​തി​ക്കും ചെ​യ​ർ​പേ​ഴ്‌​സ​നു​മെ​തി​രെ നി​ശി​ത വി​മ​ർ​​ശ​ന​മാ​ണ്​ തൊ​ടു​പു​ഴ വെ​സ്റ്റ്​ ഏ​രി​യ സ​മ്മേ​ള​ന ച​ർ​ച്ച​യി​ൽ ഉ​യ​ർ​ന്ന​ത്. ചെ​യ​ർ​പേ​ഴ്‌​സ​ന്റെ ന​ട​പ​ടി​ക്കെ​തി​രെ എ​ൽ.​ഡി.​എ​ഫ്​ കൗ​ൺ​സി​ല​ർ​മാ​ർ​ത​ന്നെ രം​ഗ​ത്തെ​ത്തി​യ​ത് പ്ര​തി​നി​ധി​ക​ൾ ചൂ​ണ്ടി​ക്കാ​ട്ടി.

അ​ർ​ബ​ൻ ബാ​ങ്കി​ന്റെ പ്ര​തി​സ​ന്ധി​ക്ക് കാ​ര​ണം വ​ഴി​വി​ട്ട് വാ​യ്പ ന​ൽ​കി​യ​താ​ണെ​ന്ന വി​മ​ർ​ശ​ന​വും ചി​ല​ർ ഉ​ന്ന​യി​ച്ചു. വി​ഷ​യം ജി​ല്ല ക​മ്മി​റ്റി​യി​ൽ എ​ത്തി​യെ​ങ്കി​ലും ആ​രോ​പ​ണ വി​ധേ​യ​രെ സം​ര​ക്ഷി​ക്കു​ന്ന നി​ല​പാ​ടാ​ണ് ​ഉ​ണ്ടാ​യ​ത്. അ​ർ​ബ​ൻ​ബാ​ങ്ക്​ ഭ​ര​ണ സ​മി​തി​യു​ടെ പി​ടി​പ്പു​കേ​ടും ക്ര​മ​ക്കേ​ടും പാ​ർ​ട്ടി​​യെ ഉ​ല​ച്ചു.

പാ​ർ​ട്ടി തൊ​ടു​പു​ഴ ഈ​സ്റ്റ്​ ഏ​രി​യ ക​മ്മി​റ്റി സ​മാ​ന്ത​ര ജി​ല്ല​ക​മ്മി​റ്റി​യാ​യി പ്ര​വ​ർ​ത്തി​ക്കു​ന്നെ​ന്നും അ​ഴി​മ​തി​ക്കാ​രെ പി​ന്തു​ണ​ക്കു​ന്നെ​ന്നും തു​ട​ങ്ങി​യ ആ​രോ​പ​ണം വെ​സ്റ്റ് ഏ​രി​യ ക​മ്മി​റ്റി​യി​ലും ഉ​ന്ന​യി​ക്ക​പ്പെ​ട്ടു.

പാ​ർ​ട്ടി​യു​ടെ മാ​ധ്യ​മ പ്ര​വ​ർ​ത്ത​ക​ൻ കൂ​ടി​യാ​യ രാ​ജ്യ​സ​ഭ അം​ഗം പ്ര​മു​ഖ അ​ബ്കാ​രി​യു​മാ​യി വ​ഴി​വി​ട്ട​ബ​ന്ധം പു​ല​ർ​ത്തു​ന്ന​തും ഇ​ത്​ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​ന്ന​തും പാ​ർ​ട്ടി​യെ പ്ര​തി​രോ​ധ​ത്തി​ലാ​ക്കി​യെ​ന്ന്​ വെ​സ്റ്റ്​ ഏ​രി​യ ക​മ്മി​റ്റി​യി​ൽ അം​ഗ​ങ്ങ​ൾ ചൂ​ണ്ടി​ക്കാ​ട്ടി. മ​ണ​ക്കാ​ട്​ ലോ​ക്ക​ൽ ക​മ്മി​റ്റി​യി​ൽ​നി​ന്നു​ള്ള പ്ര​തി​നി​ധി​ക​ളാ​ണ്​ ഈ ​ആ​ക്ഷേ​പം ഉ​ന്ന​യി​ച്ച​ത്. സീ​നി​യോ​റി​റ്റി മ​റി​ക​ട​ന്ന്​ ന​ഗ​ര​സ​ഭ ചെ​യ​ർ​സ​ഭ ചെ​യ​ർ​പേ​ഴ്​​സ​നെ തീ​രു​മാ​നി​ച്ച​തി​ലെ നീ​ര​സ​വും ച​ർ​ച്ച​യി​ൽ ഉ​യ​ർ​ന്നു.

പാ​ർ​ട്ടി ജി​ല്ല നേ​തൃ​ത്വം ഈ​സ്റ്റ്​ ഏ​രി​യ​ക​മ്മി​റ്റി​ക്ക്​ മു​ന്തി​യ പ​രി​ഗ​ണ​ന ന​ൽ​കു​ന്നെ​ന്ന ആ​ക്ഷേ​പ​വും ചി​ല അം​ഗ​ങ്ങ​ൾ ഉ​യ​ർ​ത്തി. ​ഈ​സ്റ്റി​ൽ കൂ​ടു​ത​ൽ ഏ​രി​യ​ക​മ്മി​റ്റി അം​ഗ​ങ്ങ​ളെ ഉ​ൾ​​​പ്പെ​ടു​ത്തു​ന്ന​തി​ൽ താ​ൽ​പ​ര്യ​മെ​ടു​ത്ത ജി​ല്ല നേ​തൃ​ത്വം വെ​സ്റ്റ്​ ഏ​രി​യ​ക​മ്മി​റ്റി​യെ ത​ഴ​ഞ്ഞു. ഇ​തോ​ടെ വെ​സ്റ്റി​ൽ പ്ര​മു​ഖ​ക​ര​ട​ക്കം ഏ​രി​യ​ക​മ്മി​റ്റി അം​ഗ​ങ്ങ​ളാ​കു​ന്ന സാ​ഹ​ച​ര്യ​മാ​ണ്​ വെ​ട്ടി​നി​ര​ത്ത​പ്പെ​ട്ട​ത്.