തൊടുപുഴ: ഏപ്രില്‍ ഏഴ് ലോകാരോഗ്യ ദിനമായി ആചരിക്കുകയാണ്. ഇതിന്റെ ഭാഗമായി ജില്ല ആരോഗ്യ വകുപ്പ്, ആരോഗ്യകേരളം, മുട്ടം സാമൂഹിക ആരോഗ്യകേന്ദ്രം എന്നിവയുടെ ആഭിമുഖ്യത്തില്‍ ലോകാരോഗ്യ ദിനാചരണം സംഘടിപ്പിക്കും.
പൊതുജന ബോധവത്കരണത്തിനായി റാലി, ഫ്ലാഷ് മോബ്, ബോധവത്കരണ ക്ലാസുകള്‍, ബോധവത്കരണ വിഡിയോ, ഡോര്‍ ടു ഡോര്‍ ബോധവത്കരണ കാമ്പയിന്‍, ആരോഗ്യപ്രവര്‍ത്തകര്‍ക്ക് മത്സരങ്ങള്‍ എന്നിവ സംഘടിപ്പിക്കും.
ഈ വര്‍ഷത്തെ ലോകാരോഗ്യ ദിന സന്ദേശം ആരോഗ്യകരമായ തുടക്കം പ്രതീക്ഷാ നിര്‍ഭരമായ ഭാവി, കുഞ്ഞോമന ജനിക്കേണ്ടത് ഏറ്റവും സുരക്ഷിതമായ കരങ്ങളില്‍, പ്രസവം സുരക്ഷിതമാക്കാന്‍ ആശുപത്രി തെരഞ്ഞെടുക്കാം എന്നതാണ്.
മാതൃനവജാത ശിശു മരണങ്ങള്‍ പരമാവധി തടയുന്നതിനും സ്ത്രീകളുടെ ആരോഗ്യത്തിനും ക്ഷേമത്തിനും മുന്‍ഗണന നല്‍കുന്നതിനുമുള്ള ശ്രമം വേഗത്തിലാക്കാന്‍ സര്‍ക്കാറിനൊപ്പം പൊതുസമൂഹവും ഒരുമിച്ച് പ്രവര്‍ത്തിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.