റെ​യി​ൽ​വേ സ്റ്റേ​ഷ​ൻ ലിഫ്റ്റിൽ കുടുംബം കുടുങ്ങിയ സംഭവത്തിൽ റിപ്പോർട്ട് തേടി

ക​ണ്ണൂ​ർ: റെ​യി​ൽ​വേ സ്റ്റേ​ഷ​ൻ ലി​ഫ്റ്റി​ൽ സ്ത്രീ​ക​ളും കു​ഞ്ഞും പ്രാ​യ​മാ​യ​വ​രും അ​ട​ക്ക​മു​ള്ള യാ​ത്ര​ക്കാ​ർ ഒ​രു​മ​ണി​ക്കൂ​റോ​ളം കു​ടു​ങ്ങി​യ സം​ഭ​വ​ത്തി​ൽ മ​നു​ഷ്യാ​വ​കാ​ശ ക​മീ​ഷ​ൻ കേ​സെ​ടു​ത്ത് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. ക​ണ്ണൂ​ർ റെ​യി​ൽ​വേ സ്റ്റേ​ഷ​ൻ മാ​നേ​ജ​ർ അ​ന്വേ​ഷ​ണം ന​ട​ത്തി 15 ദി​വ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു. ഏ​പ്രി​ൽ 23ന് ​ക​ണ്ണൂ​ർ ഗ​വ. ഗ​സ്റ്റ് ഹൗ​സി​ൽ ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കും. മാ​ന​സി​ക​മാ​യും ശാ​രീ​രി​ക​മാ​യും സ​മ്മ​ർ​ദ​ത്തി​ലാ​യ കു​ടും​ബ​ത്തെ സ​ഹാ​യി​ക്കാ​ൻ ആ​രു​മു​ണ്ടാ​യി​രു​ന്നി​ല്ലെ​ന്ന് പ​രാ​തി​യി​ൽ പ​റ​യു​ന്നു. ലി​ഫ്റ്റി​ൽ കു​ടു​ങ്ങി​യ​ത് കാ​ര​ണം ട്രെ​യി​നി​ൽ ക​യ​റാ​നാ​യി​ല്ല. നേ​ര​ത്തെ ഒ​ന്നാ​മ​ത്തെ പ്ലാ​റ്റ് ഫോ​മി​ലും സ​മാ​ന സം​ഭ​വ​മു​ണ്ടാ​യി​ട്ടു​ണ്ടെ​ന്നും പ​രാ​തി​യി​ൽ പ​റ​യു​ന്നു.

മൂ​ന്നാം പ്ലാ​റ്റ്ഫോ​മി​ലെ ലി​ഫ്റ്റി​ൽ ചൊ​വ്വാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് അ​ഞ്ച് യാ​ത്ര​ക്കാ​ർ കു​ടു​ങ്ങി​യ​ത്. സാ​​ങ്കേ​തി​ക ത​ക​രാ​റി​നെ​ത്തു​ട​ർ​ന്ന് ലി​ഫ്റ്റ് നി​ന്നു​പോ​വു​ക​യാ​യി​രു​ന്നു. 3.30ന് ​ക​ണ്ണൂ​രി​ലെ​ത്തു​ന്ന കാ​സ​ർ​കോ​ട്-​തി​രു​വ​ന​ന്ത​പു​രം വ​ന്ദേ​ഭാ​ര​ത് എ​ക്സ്പ്ര​സി​ന് പോ​കേ​ണ്ടി​യി​രു​ന്ന യാ​ത്ര​ക്കാ​രാ​ണ് ലി​ഫ്റ്റി​ൽ കു​ടു​ങ്ങി​യ​ത്. എ​റ​ണാ​കു​ള​ത്തേ​ക്കും തി​രു​വ​ന​ന്ത​പു​ര​ത്തേ​ക്കും പോ​കേ​ണ്ടി​യി​രു​ന്ന എ​ടൂ​ർ സ്വ​ദേ​ശി​ക​ൾ​ക്കാ​ണ് ദു​ര​നു​ഭ​വ​മു​ണ്ടാ​യ​ത്. യാ​ത്ര​ക്കാ​ർ കു​ടു​ങ്ങി​യ​ത് പു​റ​ത്ത​റി​യാ​ത്ത​തി​നാ​ൽ ര​ക്ഷാ​പ്ര​വ​ർ​ത്ത​നം വൈ​കി. ലി​ഫ്റ്റി​ൽ കു​ടു​ങ്ങി​യ​വ​ർ ത​ന്നെ​യാ​ണ് ഫോ​ൺ വി​ളി​ച്ച് ക​ണ്ണൂ​ർ അ​ഗ്നി​ര​ക്ഷാ​സേ​ന​യെ വി​വ​രം അ​റി​യി​ച്ച​ത്. റെ​യി​ൽ​വേ ജീ​വ​ന​ക്കാ​രും അ​ഗ്നി​ര​ക്ഷാ​സേ​നാം​ഗ​ങ്ങ​ളും എ​ത്തി ഇ​വ​രെ പു​റ​ത്തെ​ത്തി​ച്ചു. സം​ഭ​വ​മ​റി​ഞ്ഞ് ട്ര​യി​ൻ 10 മി​നി​റ്റ് നേ​രം സ്റ്റേ​ഷ​നി​ൽ നി​ർ​ത്തി​യെ​ങ്കി​ലും ലി​ഫ്റ്റി​ന്റെ ത​ക​രാ​ർ പ​രി​ഹ​രി​ച്ച് ആ​ളു​ക​ളെ പു​റ​ത്തി​റ​ക്കാ​ൻ വൈ​കു​മെ​ന്ന​റി​യി​ച്ച​തോ​ടെ യാ​ത്ര തു​ട​ർ​ന്നു. സാ​​ങ്കേ​തി​ക വി​ദ​ഗ്ധ​രെ​ത്തി ഒ​രു​മ​ണി​ക്കൂ​റോ​ളം പ്ര​യ​ത്നി​ച്ചാ​ണ് യാ​ത്ര​ക്കാ​രെ പു​റ​ത്തി​റ​ക്കി​യ​ത്. ഇ​വ​ർ​ക്ക് അ​ടു​ത്ത ട്രെ​യി​നി​ൽ റെ​യി​ൽ​വേ യാ​ത്ര​സൗ​ക​ര്യം ഏ​ർ​പ്പെ​ടു​ത്തു​ക​യാ​യി​രു​ന്നു. സ്വ​കാ​ര്യ, പൊ​തു​മേ​ഖ​ല സ്ഥാ​പ​ന​ങ്ങ​ളി​ല​ട​ക്കം ലി​ഫ്റ്റി​ൽ ആ​ളു​ക​ൾ കു​ടു​ങ്ങു​ന്ന സം​ഭ​വ​ങ്ങ​ൾ വ​ർ​ധി​ക്കു​ക​യാ​ണ്. പ​ല​പ്പോ​ഴും പ​രാ​തി​യാ​കാ​തെ ഒ​ത്തു​തീ​ർ​ക്കു​ക​യാ​ണ്. ബു​ധ​നാ​ഴ്ച വ​ട​ക​ര മ​ത്സ്യ​മാ​ർ​ക്ക​റ്റി​ന് സ​മീ​പ​ത്തെ ജീ​പാ​സ് ബി​ൽ​ഡി​ങ്ങി​ലെ ലി​ഫ്റ്റി​ൽ കു​ടു​ങ്ങി​യ ഓ​ർ​ക്കാ​ട്ടേ​രി സ്വ​ദേ​ശി ഷാ​മി​ലി​നെ അ​ഗ്നി​ര​ക്ഷാ​സേ​ന​യെ​ത്തി​യാ​ണ് ര​ക്ഷി​ച്ച​ത്. ലി​ഫ്റ്റി​ൽ​നി​ന്ന് ഷാ​മി​ൽ ത​ന്നെ ഫ​യ​ർ ഫോ​ഴ്‌​സ് ക​ൺ​ട്രോ​ൾ റൂ​മി​ൽ വി​വ​രം അ​റി​യി​ക്കു​ക​യാ​യി​രു​ന്നു.

ലി​ഫ്റ്റി​ൽ കു​ടു​ങ്ങി​യാ​ൽ പു​റ​ത്തു​ള്ള​വ​രെ അ​റി​യി​ക്കാ​ൻ മ​തി​യാ​യ സം​വി​ധ​ന​ങ്ങ​ൾ ഇ​ല്ലെ​ന്നും പ​രാ​തി​യു​ണ്ട്. ആ​ൾ​പെ​രു​മാ​റ്റം കു​റ​ഞ്ഞ​യി​ട​ങ്ങ​ളി​ലെ ലി​ഫ്റ്റി​ൽ ആ​ളു​ക​ൾ കു​ടു​ങ്ങി​യാ​ൽ പു​റ​ത്ത​റി​യാ​ൻ വൈ​കു​മെ​ന്ന​ത് അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു​ണ്ട്. ക​ണ്ണൂ​രി​ലും വ​ട​ക​ര​യി​ലും ന​ട​ന്ന സം​ഭ​വ​ങ്ങ​ളി​ൽ കു​ടു​ങ്ങി​യ​വ​ർ ത​ന്നെ​യാ​ണ് ഫോ​ണി​ൽ അ​ഗ്നി​ര​ക്ഷാ​സേ​ന​യെ വി​വ​രം അ​റി​യി​ച്ച​ത്. പ​ത്ര​വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ പൊ​തു​പ്ര​വ​ർ​ത്ത​ക​നാ​യ അ​ഡ്വ.​വി. ദേ​വ​ദാ​സ് സ​മ​ർ​പ്പി​ച്ച പ​രാ​തി​യി​ലാ​ണ് മ​നു​ഷ്യാ​വ​കാ​ശ ക​മീ​ഷ​ൻ ന​ട​പ​ടി.