മുരളലിൽ പകച്ച് കാക്കയങ്ങാട്

ഇ​രി​ട്ടി: കാ​ക്ക​യ​ങ്ങാ​ട് ടൗ​ണി​ലെ പ്ര​കാ​ശ​ന്റെ ഭീ​തി ഇ​നി​യും മാ​ഞ്ഞി​ട്ടി​ല്ല. ക​ൺ​മു​ന്നി​ൽ ക​ണ്ട പു​ലി​യു​ടെ രൂ​പ​വും ഭയപ്പെടുത്തുന്ന മു​രള​ലും കേ​ട്ട് പ്ര​കാ​ശ​ൻ പി​ന്നെ ഒ​ന്നും നോ​ക്കി​യി​ല്ല, ജീ​വ​നും കൊ​ണ്ട് ഓ​ടി.

ശ്വാ​സം നേ​രെ വീ​ണ​ത് വീ​ട്ടി​ലെ​ത്തി​യ​പ്പോ​ഴാ​ണ്… മ​ല​യോ​ര പ​ഞ്ചാ​യ​ത്തു​ക​ളു​ടെ വി​വി​ധ ഭാ​ഗ​ങ്ങ​ളി​ൽ പു​ലി​യു​ടെ സാ​ന്നി​ധ്യം റി​പ്പോ​ർ​ട്ട്‌ ചെ​യ്തെ​ങ്കി​ലും, അ​വ​സാ​നം മു​ഴ​ക്കു​ന്ന് പ​ഞ്ചാ​യ​ത്തി​ലെ കാ​ക്ക​യ​ങ്ങാ​ട് ടൗ​ണി​ന​ടു​ത്ത് ജ​ന​വാ​സ മേ​ഖ​ല​യി​ൽ പ​ന്നി​ക്കൊ​രു​ക്കി​യ കെ​ണി​യി​ൽ കു​രു​ങ്ങു​ക​യാ​യി​രു​ന്നു.

തി​ങ്ക​ളാ​ഴ്ച രാ​വി​ലെ ആ​റോ​ടെ​യാ​ണ് ടൗ​ണി​ന​ടു​ത്ത് പി.​കെ. പ്ര​കാ​ശ​ിന്റെ​യും സ​ഹോ​ദ​രി ശ്രീ​ജ​യു​ടെ​യും ഉ​ട​മ​സ്ഥ​ത​യി​ലു​ള്ള കൃ​ഷി​യി​ട​ത്തി​ൽ പു​ലി​യെ കെ​ണി​യി​ൽ കു​ടു​ങ്ങി​യ നി​ല​യി​ൽ കാ​ണ​പ്പെ​ട്ട​ത്. പ്ര​കാ​ശ​ൻ ടാ​പ്പി​ങ് ജോ​ലി ക​ഴി​ഞ്ഞ് ത​ന്റെ തോ​ട്ട​ത്തി​ൽ പ​ച്ച​ക്ക​റി ശേ​ഖ​രി​ക്കാ​ൻ വ​ള​ർ​ത്തു പ​ട്ടി​യെ​യും കൂ​ട്ടി പോ​യ​താ​യി​രു​ന്നു.

കൃ​ഷി​യി​ട​ത്തി​ൽ എ​ത്തു​ന്ന​തി​നി​ടെ കു​റ്റി​ക്കാ​ട്ടി​ൽ​നി​ന്ന് ശ​ബ്ദം കേ​ട്ട ഭാ​ഗ​ത്തേ​ക്ക് പ​ട്ടി കു​ര​ച്ചു​ചാ​ടി. ഉ​ട​ൻ ത​ന്നെ പ​ട്ടി വീ​ട്ടി​ലേ​ക്ക് ഭ​യ​ന്നോ​ടി. സം​ശ​യം തോ​ന്നി​യ പ്ര​കാ​ശ​ൻ പ​ട്ടി കു​ര​ച്ച് ചാ​ടി​യ ഭാ​ഗ​ത്തേ​ക്ക് നോ​ക്കു​ന്ന​തി​നി​ടെ വ​ലി​യ മൃ​ഗ​ത്തി​ന്റെ മു​ര​ള​ൽ ശ​ബ്ദം കേ​ട്ട​തോ​ടെ കൃ​ഷി​യി​ട​ത്തി​ൽ​നി​ന്ന് വീ​ട്ടി​ലേ​ക്ക് ജീ​വ​നും​കൊ​ണ്ട് ഓ​ടി.

സ​മീ​പ​വാ​സി​ക​ളെ​ത്തി ന​ട​ത്തി​യ പ​രി​ശോ​ധ​ന​യി​ലാ​ണ് പു​ലി​യാ​ണെ​ന്ന് മ​ന​സ്സി​ലാ​യ​ത്. സ​ണ്ണി ജോ​സ​ഫ് എം.​എ​ൽ.​എ ഉ​ൾ​പ്പെ​ടെയു​ള്ള ജ​ന​പ്ര​തി​നി​ധി​ക​ളും സ്ഥ​ല​ത്തെ​ത്തി​യി​രു​ന്നു. പു​ലി​യെ കാ​ട്ടി​ൽ എ​വി​ടെ​യാ​ണ് തു​റ​ന്നു വി​ടു​ന്ന​തെ​ന്ന കാ​ര്യം അ​റി​യി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ജി​ല്ല പ​ഞ്ചാ​യ​ത്ത് അം​ഗം ജൂ​ബി​ലി ചാ​ക്കോ​യു​ടെ നേ​തൃ​ത്വ​ത്തി​ൽ കോ​ൺ​ഗ്ര​സ് പ്ര​വ​ർ​ത്ത​ക​ർ ഡി.​എ​ഫ്.​ഒ.​യെ ത​ട​ഞ്ഞ് പ്ര​തി​ഷേ​ധി​ച്ചു.

വനംവകുപ്പ് കേസെടുത്തു

ഇ​രി​ട്ടി: ജ​ന​വാ​സമേ​ഖ​ല​യി​ൽ പ​ന്നി​ക്കു​വെ​ച്ച കെ​ണി​യി​ൽ പു​ലി കു​ടു​ങ്ങി​യ സം​ഭ​വ​ത്തി​ൽ വ​നം​വ​കു​പ്പ് കേ​സെ​ടു​ത്തു. വ​നം വ​കു​പ്പ് കൊ​ട്ടി​യൂ​ർ റേ​ഞ്ചാ​ണ് അ​സ്വാ​ഭാ​വി​ക​മാ​യ നി​ല​യി​ൽ പു​ലി കെ​ണി​യി​ൽ കു​ടു​ങ്ങി​യ സം​ഭ​വ​ത്തി​ൽ കേ​സ് ര​ജി​സ്റ്റ​ർ ചെ​യ്ത​ത്. സം​ഭ​വ​ത്തെ​ക്കു​റി​ച്ച് അ​ന്വേ​ഷ​ണം ആ​രം​ഭി​ച്ച​താ​യി കൊ​ട്ടി​യൂ​ർ റേ​ഞ്ച​ർ അ​റി​യി​ച്ചു.