തു​ലാം പി​റ​ന്നു; അ​ത്യു​ത്ത​ര കേ​ര​ള​ത്തി​ൽ ഇ​നി ക​ളി​യാ​ട്ട​ക്കാ​ലം

പ​യ്യ​ന്നൂ​ർ: മ​ഴ​ക്കോ​ളും ക​ന്നി​ക്കൊ​യ്ത്തും ക​ഴി​ഞ്ഞ് തു​ലാം പി​റ​ന്ന​തോ​ടെ അ​ത്യു​ത്ത​ര കേ​ര​ള​ത്തി​ൽ ഇ​നി ക​ളി​യാ​ട്ട​ക്കാ​ലം. അ​മ്മ​ദൈ​വ​ങ്ങ​ൾ കു​ടി​കൊ​ള്ളു​ന്ന കാ​വു​ക​ളും ത​റ​വാ​ട്ടു മു​റ്റ​ങ്ങ​ളും കൊ​യ്തൊ​ഴി​ഞ്ഞ പാ​ട​ങ്ങ​ളും ഇ​നി തോ​റ്റം​പാ​ട്ടി​ന്‍റെ അ​ലൗ​കി​ക താ​ള​മേ​ള​വും ചി​ല​മ്പി​ന്‍റെ ക​ല​മ്പ​ലും കൊ​ണ്ട് മു​ഖ​രി​ത​മാ​വും. തെ​ക്ക​ൻ കേ​ര​ള​ത്തി​ൽ വ്യാ​ഴാ​ഴ്ച​യാ​ണ് തു​ലാം ഒ​ന്ന്. വ​ട​ക്ക​ൻ കേ​ര​ള​ത്തി​ൽ വെ​ള്ളി​യാ​ഴ്ച​യും. വ​ട​ക്കി​ന്‍റെ ഒ​ന്നി​നു ത​ന്നെ തെ​യ്യ​ക്കാ​ല​വും തു​ട​ങ്ങു​ക​യാ​ണ് പ​തി​വ്. തു​ലാം മു​ത​ൽ ഇ​ട​വ​പ്പാ​തിവ​രെ​യു​ള്ള ദി​ന​രാ​ത്ര​ങ്ങ​ളാ​ണ് തെ​യ്യ​ങ്ങ​ളു​ടെ വാ​ചാ​ലു​ക​ളാ​ൽ സ​മൃ​ദ്ധ​മാ​വു​ക. കാ​ർ​ഷി​ക പ്രാ​ധാ​ന്യ​മു​ള്ള അ​നു​ഷ്ഠാ​നം കൂ​ടി​യാ​ണ് തെ​യ്യം.

പ​ത്താ​മു​ദ​യ​മാ​യ തു​ലാം 10നാ​ണ് വ​ട​ക്ക​ൻ കേ​ര​ള​ത്തി​ൽ തെ​യ്യ​ക്കാ​ല​ത്തി​ന് ആ​രം​ഭം​കു​റി​ക്കു​ന്ന​തെ​ങ്കി​ലും പ​യ്യ​ന്നൂ​രി​ലെ ത​റ​വാ​ട്ട്‌ ക്ഷേ​ത്ര​ങ്ങ​ളി​ൽ തു​ലാം ഒ​ന്നി​നുത​ന്നെ തെ​യ്യ​ങ്ങ​ൾ അ​ര​ങ്ങി​ലെ​ത്തി​ത്തു​ട​ങ്ങും.

പ​യ്യ​ന്നൂ​ർ തെ​ക്കെ മ​മ്പ​ലം തെ​ക്ക​ട​വ​ൻ ത​റ​വാ​ട്ടി​ൽ വെ​ള്ളി​യാ​ഴ്ചത​ന്നെ പു​ത്ത​രി ക​ളി​യാ​ട്ട​ത്തി​ന് തു​ട​ക്ക​മാ​വും. ര​ണ്ടു ദി​വ​സ​ങ്ങ​ളി​ലാ​യി കു​ണ്ടോ​റ ചാ​മു​ണ്ഡി, മോ​ന്തി​ക്കോ​ലം, കു​റ​ത്തി​യ​മ്മ, കൂ​ടെ​യു​ള്ളോ​ർ എ​ന്നീ തെ​യ്യ​ങ്ങ​ൾ ത​റ​വാ​ട്ടു മു​റ്റ​ത്ത് കെ​ട്ടി​യാ​ടും. ച​ട​ങ്ങു​ക​ൾ വെ​ള്ളി​യാ​ഴ്ച വൈ​കീ​ട്ട് ആ​രം​ഭി​ക്കും. രാ​ത്രി​യോ​ടെ മോ​ന്തി​ക്കോ​ല​വും കു​റ​ത്തി​യ​മ്മ​യും ശ​നി​യാ​ഴ്ച രാ​വി​ലെ കു​ണ്ടോ​റ ചാ​മു​ണ്ഡി​യും കൂ​ടെ​യു​ള്ളോ​രും അ​ര​ങ്ങി​ലെ​ത്തും.

തു​ട​ർ ദി​വ​സ​ങ്ങ​ളി​ൽ പ​യ്യ​ന്നൂ​രി​ലെ​യും പ​രി​സ​ര​ങ്ങ​ളി​ലെ​യും ത​റ​വാ​ടു​ക​ളി​ൽ തെ​യ്യ​ങ്ങ​ൾ ആ​ട​യാ​ഭ​ര​ണ​ങ്ങ​ള​ണി​ഞ്ഞ് ഉ​റ​ഞ്ഞാ​ടും. കൊ​റ്റി ആ​ദി ക​ണ്ണ​ങ്ങാ​ടു​മാ​യി ബ​ന്ധ​പ്പെ​ട്ട പി​ലാ​ങ്കു, കൂ​ത്തൂ​ർ, പു​ളു​ക്കൂ​ൽ ത​റ​വാ​ടു​ക​ളി​ൽ അ​ടു​ത്ത​ടു​ത്ത ദി​വ​സ​ങ്ങ​ളി​ൽ ക​ളി​യാ​ട്ടം ന​ട​ക്കും. പ​യ്യ​ന്നൂ​ർ ക​ണ്ട​ങ്കാ​ളി​യി​ലെ തെ​യ്യം ക​ലാ​കാ​ര​ൻ കു​ണ്ടോ​റാ​ൻ ഉ​ണ്ണി​കൃ​ഷ്ണ​ന്റെ വീ​ട്ടി​ൽ തെ​യ്യ​ച്ച​മ​യ​ങ്ങ​ളും അ​ണി​യ​ല​ങ്ങ​ളും ഒ​രു​ങ്ങി​ക്ക​ഴി​ഞ്ഞു. ഉ​ണ്ണി​കൃ​ഷ്ണ​ന്റെ നേ​തൃ​ത്വ​ത്തി​ൽ മ​രു​മ​ക്ക​ളാ​യ പി.​പി. ഷി​ബി​ൻ ദാ​സും വി.​കെ. യാ​ദ​വ് പ്ര​കാ​ശും ചേ​ർ​ന്ന് തെ​യ്യ​ച്ച​മ​യ​ങ്ങ​ൾ ത​യാ​റാ​ക്കു​ന്ന തി​ര​ക്കി​ലാ​യി​രു​ന്നു ക​ഴി​ഞ്ഞ ദി​വ​സ​ങ്ങ​ളി​ൽ.

തെ​ക്ക​ട​വ​ൻ ത​റ​വാ​ട്ടി​ലാ​ണ് വേ​ല​ൻ സ​മു​ദാ​യ​ത്തി​ൽ​പ്പെ​ട്ട ഇ​വ​രു​ടെ ആ​ദ്യ ക​ളി​യാ​ട്ടം. തു​ട​ർ​ന്നു​വ​രു​ന്ന ത​റ​വാ​ട് ക​ളി​യാ​ട്ട​ങ്ങ​ളി​ലും ഇ​വ​ർ ത​ന്നെ​യാ​ണ് തെ​യ്യ​ക്കാ​ർ. ജാ​തി മ​ത​ത്തി​ന​തീ​ത​മാ​യി ആ​യി​ര​ങ്ങ​ൾ ഒ​ത്തു​ചേ​രു​ന്ന സ​ങ്കേ​തം കൂ​ടി​യാ​ണ് തെ​യ്യ​പ്പ​റ​മ്പു​ക​ൾ.