വെട്ടേറ്റ ജസ്റ്റിൻ
തളിപ്പറമ്പ്: പുളിമ്പറമ്പിൽ ലഹരിമാഫിയ സംഘം യുവാവിനെ വീട്ടിൽ കയറി വെട്ടി പരിക്കേൽപിച്ചു. തോട്ടാറമ്പിലെ ജസ്റ്റിൻ ഉല്ലാസിനെയാണ് ബൈക്കുകളിലെത്തിയ മൂന്നംഗ സംഘം വീട്ടിൽ കയറി വടിവാളുകൾ ഉപയോഗിച്ച് വെട്ടി പരിക്കേൽപിച്ചത്. പരിക്കേറ്റ യുവാവിനെ തളിപ്പറമ്പ് സഹകരണ ആശുപത്രിയിൽ പ്രവേശിപ്പിച്ചു.
തിങ്കളാഴ്ച പുലർച്ചെ ഒരുമണിയോടെയാണ് സംഭവം. വീട്ടിൽ അതിക്രമിച്ചുകയറിയ സംഘം യുവാവിനെ വെട്ടിയശേഷം വീട്ടുകാരെ ആയുധം കാണിച്ച് ഭീഷണിപ്പെടുത്തി തിരിച്ചുപോയെന്നാണ് പറയുന്നത്. വീടിെൻറ വാതിലും ജനലുകളും മേശയും അടിച്ചു തകർത്തു. യുവാവിെൻറ ശരീരത്തിൽ നിരവധി വെട്ടുകൾ ഏറ്റിട്ടുണ്ട്. ഉല്ലാസിെൻറ പിതാവിനും ആക്രമണത്തിൽ ചെറിയ പരിക്കേറ്റിട്ടുണ്ട്. ആക്രമിച്ച പ്രതികളുടെ കൈയിൽ വടിവാളുകൾ ഉണ്ടായതായും അതുപയോഗിച്ചാണ് മകനെ വെട്ടിയതെന്നും പിതാവ് ലോറൻസ് പറഞ്ഞു.
നേരത്തെ മയക്കുമരുന്ന് ഉപയോഗിച്ചതുമായി ബന്ധപ്പെട്ട് ഈ പ്രദേശത്ത് തർക്കങ്ങളും കേസുകളും നിലനിൽക്കുന്നുണ്ട്. ഇതിെൻറ വൈരാഗ്യമെന്നോണം ഞായറാഴ്ച വൈകീട്ടും ഇവരും ലഹരിമാഫിയ സംഘങ്ങളും വെള്ളിക്കീലിൽ വെച്ച് തർക്കമുണ്ടായിരുന്നു. ഇതിെൻറ ബാക്കിയാണ് ആക്രമണമെന്ന് സംശയിക്കുന്നുണ്ട്. റോഡിൽ നിർത്തിയിട്ട ഉല്ലാസിെൻറ ബൈക്കും ആക്രമികൾ അടിച്ചുതകർത്തിട്ടുണ്ട്. സംഭവവുമായി ബന്ധപ്പെട്ട് വീട്ടുകാർ തളിപ്പറമ്പ് പൊലീസിൽ പരാതി നൽകി. രാത്രിതന്നെ പൊലീസ് സ്ഥലത്തെത്തി പരിശോധന നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.