തളിപ്പറമ്പ്: കഞ്ചാവുമായി രണ്ടുപേരെ എക്സൈസ് സംഘം അറസ്റ്റ് ചെയ്തു. മടക്കാടുനിന്ന് കാർക്കീൽ സ്വദേശി എം. സുജിത്ത്, നാടുകാണിയിൽനിന്ന് പൂവ്വം സ്വദേശി കെ.പി. റോബിൻ എന്നിവരാണ് പിടിയിലായത്. തളിപ്പറമ്പ് എക്സൈസ് പ്രിവൻറിവ് ഓഫിസർ പി.വി. ബാലകൃഷ്ണനും സംഘവുമാണ് ഇവരെ കസ്റ്റഡിയിലെടുത്തത്.
സുജിത്തിൽനിന്ന് 15ഉം റോബിനിൽനിന്ന് 20 ഗ്രാം കഞ്ചാവും പിടിച്ചെടുത്തു. കടുത്ത നിയമ നടപടികളിൽനിന്ന് രക്ഷപ്പെടാനായി കുറഞ്ഞ അളവിൽ മാത്രം കഞ്ചാവ് കൈവശംവെച്ച് യുവാക്കൾക്ക് വിൽപന നടത്തുകയാണ് ഇവർ ചെയ്യുന്നതെന്ന് എക്സൈസ് അധികൃതർ അറിയിച്ചു. റെയ്ഡിൽ സിവിൽ എക്സൈസ് ഓഫിസർമാരായ പി.കെ. രാജീവ്, കെ.വി. ഷൈജു, എക്സൈസ് ഡ്രൈവർ പി.വി. അജിത്ത് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.