തലശ്ശേരിയിൽ ടയർ കള്ളൻ; പാർക്കിങ് ഏരിയയിൽ നിർത്തിയിട്ട കാ​റി​ന്റെ പു​തി​യ ട​യ​റു​ക​ൾ മോ​ഷ​ണം പോ​യി

ത​ല​ശ്ശേ​രി: സ്വ​കാ​ര്യ പാ​ർ​ക്കിങ് ഗ്രൗ​ണ്ടി​ൽ നി​ർ​ത്തി​യി​ട്ട കാ​റി​ന്റെ നാ​ല് പു​തി​യ ട​യ​റു​ക​ൾ മോ​ഷ​ണം പോ​യ​താ​യി പ​രാ​തി. മാ​ഹി സ്വ​ദേ​ശി മു​ഹ​മ്മ​ദ് റാ​സി​ന്‍റെ കാ​റി​ന്‍റെ ട​യ​റു​ക​ളാ​ണ് ജൂ​ബി​ലി റോ​ഡി​ലെ പാ​ർ​ക്കി​ങ്ങ് ഗ്രൗ​ണ്ടി​ൽ​നി​ന്ന് വി​ഷു​ദി​ന​ത്തി​ൽ രാ​ത്രി മോ​ഷ​ണം പോ​യ​ത്.

മാ​ഹി​യി​ൽ​നി​ന്ന് സു​ഹൃ​ത്തി​ന്‍റെ കു​ടും​ബ​ത്തോ​ടൊ​പ്പം ത​ല​ശ്ശേ​രി​യി​ലെ തി​യ​റ്റ​റി​ൽ എ​ത്തി​യ​താ​യി​രു​ന്നു മാ​ഹി പാ​റ​ക്ക​ൽ മ​നോ​ത്ത് ഹൗ​സി​ൽ മു​ഹ​മ്മ​ദ് റാ​സി​ൻ. ജൂ​ബി​ലി റോ​ഡി​ൽ ച​ന്ദ്ര​വി​ലാ​സ് ഹോ​ട്ട​ലി​ന് സ​മീ​പ​ത്തെ പാ​ർ​ക്കി​ങ് ഏ​രി​യ​യി​ൽ കാ​ർ നി​ർ​ത്തി​യി​ശേ​ഷം സി​നി​മ കാ​ണാ​ൻ പോ​യി. തി​രി​ച്ചെ​ത്തി കാ​റെ​ടു​ക്കാ​ൻ നോ​ക്കി​യ​പ്പോ​ൾ കാ​റി​ന്‍റെ നാ​ല് പു​തി​യ ട​യ​റു​ക​ളും കാ​ണാ​നി​ല്ല.

പ​ക​രം മു​ൻ​വ​ശ​ത്ത് പ​ഴ​ഞ്ച​ൻ ട​യ​റു​ക​ൾ ഘ​ടി​പ്പി​ച്ച നി​ല​യി​ലാ​യി​രു​ന്നു. സം​ഭ​വം ശ്ര​ദ്ധ​യി​ൽ​പെ​ട്ട​തോ​ടെ മു​ഹ​മ്മ​ദ് റാ​സി​ൻ ത​ല​ശ്ശേ​രി പൊ​ലീ​സി​ൽ പ​രാ​തി ന​ൽ​കി. പി​ന്നീ​ട് മ​റ്റൊ​രു വാ​ഹ​ന​ത്തി​ൽ സ്വ​ദേ​ശ​ത്തേ​ക്ക് മ​ട​ങ്ങു​ക​യാ​യി​രു​ന്നു. പാ​ർ​ക്കി​ങ് ഏ​രി​യ​യി​ൽ വെ​ളി​ച്ച​മോ നി​രീ​ക്ഷ​ണ കാ​മ​റ​യോ ഉ​ണ്ടാ​യി​രു​ന്നി​ല്ല. നേ​ര​ത്തേയും നി​ര​വ​ധി വാ​ഹ​ന​ങ്ങ​ളു​ടെ ട​യ​റു​ക​ളും മ​റ്റ് ഉ​പ​ക​ര​ണ​ങ്ങ​ളും ഇ​വി​ടെ​നി​ന്ന് മോ​ഷ​ണം പോ​യ​താ​യി പ​രാ​തി ഉ​യ​ർ​ന്നി​രു​ന്നു.