നോക്കുകുത്തിയായി ത​ല​ശ്ശേ​രിയിലെ നിരീക്ഷണ കാമറകൾ

ത​ല​ശ്ശേ​രി: ല​ക്ഷ​ങ്ങ​ൾ ചെ​ല​വി​ട്ട് ന​ഗ​ര​ത്തി​ലെ വി​വി​ധ കേ​ന്ദ്ര​ങ്ങ​ളി​ൽ സ്ഥാ​പി​ച്ച നി​രീ​ക്ഷ​ണ കാ​മ​റ​ക​ൾ പ​ല​തും നോ​ക്കു​കു​ത്തി​യാ​യി. കേ​ടാ​യ കാ​മ​റ​ക​ൾ മാ​റ്റി​സ്ഥാ​പി​ക്കു​മെ​ന്ന അ​ധി​കൃ​ത​രു​ടെ ഉ​റ​പ്പും ഫ​ല​വ​ത്താ​യി​ല്ല. ആ​റു​വ​ർ​ഷം മു​മ്പാ​ണ് ന​ഗ​ര​ത്തി​ലെ വി​വി​ധ കേ​ന്ദ്ര​ങ്ങ​ളി​ലാ​യി 40 സി.​സി.​ടി.​വി കാ​മ​റ​ക​ൾ സ്ഥാ​പി​ച്ച​ത്. തു​ട​ക്ക​ത്തി​ൽ ന​ന്നാ​യി പ്ര​വ​ർ​ത്തി​ച്ച​വ പി​ന്നീ​ട് ഒ​ന്നൊ​ന്നാ​യി ക​ണ്ണ​ട​ക്കു​ക​യാ​യി​രു​ന്നു.

ജ​ന​റ​ൽ ആ​ശു​പ​ത്രി​ക്ക് മു​ന്നി​ൽ ടാ​ക്സി കാ​റു​ക​ൾ പാ​ർ​ക്ക് ചെ​യ്യു​ന്ന സ്ഥ​ല​ത്ത് കാ​മ​റ സ്ഥാ​പി​ച്ച തൂ​ൺ വാ​ഹ​ന​മി​ടി​ച്ച് ചെ​രി​ഞ്ഞി​ട്ട്​ ഒ​രു വ​ർ​ഷ​ത്തി​ലേ​റെ​യാ​യി. ഈ ​തൂ​ണി​ലെ കാ​മ​റ പ​രി​സ​ര​ത്തെ മ​ര​ക്കൊ​മ്പു​ക​ളി​ൽ കു​രു​ങ്ങി​ക്കി​ട​ക്കു​ക​യാ​ണ്. അ​ധി​കൃ​ത​രു​ടെ ക​ൺ​വെ​ട്ട​ത്തു​ള്ള ഈ ​കാ​മ​റ പോ​ലും മാ​റ്റി സ്ഥാ​പി​ക്കാ​ൻ ന​ട​പ​ടി​യു​ണ്ടാ​യി​ല്ല. പ്ര​വ​ർ​ത്ത​ന​മി​ല്ലാ​ത്ത കാ​മ​റ​യു​ടെ അ​റ്റ​കു​റ്റ​പ്പ​ണി​ക​ൾ ന​ട​ത്താ​ൻ ന​ഗ​ര​സ​ഭ​യോ പൊ​ലീ​സോ താ​ൽ​പ​ര്യ​മെ​ടു​ക്കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.

ന​ഗ​ര​ത്തി​ൽ ക​വ​ർ​ച്ച​യും മ​റ്റ്​ കു​റ്റ​കൃ​ത്യ​ങ്ങ​ളു​മു​ണ്ടാ​കു​മ്പോ​ൾ സ്വ​കാ​ര്യ സ്ഥാ​പ​ന​ങ്ങ​ളു​ടെ സി.​സി.​ടി.​വി ദൃ​ശ്യ​മാ​ണ് പൊ​ലീ​സ് ആ​ശ്ര​യി​ക്കു​ന്ന​ത്. ന​ഗ​ര​ത്തി​ൽ സ​മ​ഗ്ര​മാ​യ സി.​സി.​ടി.​വി സ്ഥാ​പി​ക്കു​ന്ന​തി​നു​ള്ള പ​ദ്ധ​തി വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി മു​ൻ​കൈ​യെ​ടു​ത്ത് ത​യാ​റാ​ക്കി​യി​രു​ന്നു. ഇ​തു​സം​ബ​ന്ധി​ച്ച് ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തു​ക​യും കാ​മ​റ സ്ഥാ​പി​ക്കാ​ൻ തീ​രു​മാ​നി​ക്കു​ക​യും ചെ​യ്ത​താ​ണ്. പി​ന്നീ​ട് ന​ട​പ​ടി​ക​ൾ വൈ​കി. ത​ല​ശ്ശേ​രി​ക്ക് സ​മീ​പ​ത്തെ മ​റ്റു പൊ​ലീ​സ് സ്​​റ്റേ​ഷ​ൻ പ​രി​ധി​യി​ലെ​ല്ലാം സി.​സി.​ടി.​വി കാ​മ​റ​ക​ൾ സ്ഥാ​പി​ച്ച് കു​റ്റ​കൃ​ത്യ​ങ്ങ​ൾ കാ​ര്യ​മാ​യി ക​ണ്ടെ​ത്തു​ന്നു​ണ്ടെ​ങ്കി​ലും വാ​ണി​ജ്യ​മേ​ഖ​ല​യാ​യ ത​ല​ശ്ശേ​രി​യി​ൽ ഇ​ക്കാ​ര്യ​ത്തി​ൽ അ​ധി​കൃ​ത​ർ മു​ഖം തി​രി​ക്കു​ന്ന അ​നു​ഭ​വ​മാ​ണു​ള്ള​ത്.

ത​ല​ശ്ശേ​രി​യി​ലെ പ്ര​ധാ​ന റോ​ഡു​ക​ളി​ലെ​ല്ലാം വാ​ഹ​ന​ങ്ങ​ൾ മ​ണി​ക്കൂ​റു​ക​ളോ​ളം അ​ന​ധി​കൃ​ത​മാ​യി നി​ർ​ത്തി​യി​ടു​ന്ന​ത് ത​ട​യാ​ൻ പൊ​ലും പൊ​ലീ​സി​ന് ആ​വു​ന്നി​ല്ല. നോ ​പാ​ർ​ക്കി​ങ്ങ് ബോ​ർ​ഡ് സ്ഥാ​പി​ച്ച സ്ഥ​ല​ങ്ങ​ളി​ലും വാ​ഹ​ന​ങ്ങ​ൾ നി​ര​യാ​യി നി​ർ​ത്തി​യി​ടു​ന്ന​ത് പ​തി​വു​കാ​ഴ്ച​യാ​യി. സി.​സി.​ടി.​വി സം​വി​ധാ​നം കു​റ്റ​മ​റ്റ​താ​ണെ​ങ്കി​ൽ ഇ​ത് ഒ​രു പ​രി​ധി വ​രെ ത​ട​യാ​നാ​യേ​നെ.

തെ​ളി​യി​ക്ക​പ്പെ​ടാ​തെ കു​റ്റ​കൃ​ത്യ​ങ്ങ​ൾ

വ്യാ​പാ​രി​ക​ൾ അ​ട​ക്കം അ​ക്ര​മ​ത്തി​നും ക​വ​ർ​ച്ച​ക്കും കൊ​ല​ക്കും ഇ​ര​യാ​യ നി​ര​വ​ധി സം​ഭ​വ​ങ്ങ​ൾ ന​ട​ന്ന ന​ഗ​ര​മാ​ണി​ത്. മെ​യി​ൻ റോ​ഡി​ലെ സ​വി​ത ജ്വ​ല്ല​റി ഉ​ട​മ പി.​കെ. ദി​നേ​ശ​ൻ (52) ജ്വ​ല്ല​റി​ക്ക​ക​ത്ത് കു​ത്തേ​റ്റ് മ​രി​ച്ച സം​ഭ​വ​ത്തി​ലെ ഘാ​ത​ക​രെ ഇ​തു​വ​രെ ക​ണ്ടെ​ത്താ​നാ​യി​ട്ടി​ല്ല. ലോ​ക്ക​ൽ പൊ​ലീ​സും ക്രൈം​ബ്രാ​ഞ്ചും സി.​ബി.​ഐ​യും മാ​റി​മാ​റി അ​ന്വേ​ഷി​ച്ചി​ട്ടും കൊ​ല​യാ​ളി ഇ​പ്പോ​ഴും പ​രി​ധി​ക്ക് പു​റ​ത്താ​ണ്. ന​ഗ​ര​മ​ധ്യ​ത്തി​ലെ ഒ​രു സ്ഥാ​പ​ന​ത്തി​ൽ ന​ട​ന്ന കൊ​ല​പാ​ത​ക​ത്തി​നു​പി​ന്നി​ൽ പ്ര​വ​ർ​ത്തി​ച്ച​വ​രെ ക​ണ്ടെ​ത്താ​നാ​വാ​ത്ത സം​ഭ​വം പൊ​ലീ​സ് സേ​ന​ക്കാ​കെ നാ​ണ​ക്കേ​ടു​ണ്ടാ​ക്കി​യി​രു​ന്നു. ഒ​ടു​വി​ൽ കേ​സ​ന്വേ​ഷി​ച്ച സി.​ബി.​ഐ​യും ഫ​യ​ൽ പൂ​ട്ടി​ക്കെ​ട്ടി​യെ​ന്നാ​ണ് വി​വ​രം.

2019 ജൂ​ലൈ​യി​ൽ ത​ല​ശ്ശേ​രി​യി​ൽ വ്യാ​പാ​രി​യെ ആ​ക്ര​മി​ച്ച് ത​ങ്ക​ക്ക​ട്ടി ത​ട്ടി​യെ​ടു​ത്ത സം​ഭ​വ​വു​മു​ണ്ടാ​യി. അ​ന്ന് പൊ​ലീ​സി​ന് തു​ണ​യാ​യ​ത് സ്വ​കാ​ര്യ സ്ഥാ​പ​ന​ങ്ങ​ളു​ടെ സി.​സി.​ടി.​വി ദൃ​ശ്യ​ങ്ങ​ളാ​ണ്. ത​ല​ശ്ശേ​രി മെ​യി​ൻ റോ​ഡി​ലെ അ​രി മൊ​ത്ത​വ്യാ​പാ​രി എ.​കെ. സ​ക്ക​രി​യ​യു​ടെ സ്കൂ​ട്ട​റി​ൽ സൂ​ക്ഷി​ച്ച പ​ണം ന​ഷ്​​ട​പ്പെ​ട്ട സം​ഭ​വ​ത്തി​ലും പ്ര​തി​ക​ളെ ഇ​തു​വ​രെ ക​ണ്ടെ​ത്താ​നാ​യി​ല്ല. ഗു​ഡ്സ് ഷെ​ഡ് റോ​ഡി​ൽ വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ഓ​ഫി​സി​ൽ ന​ട​ന്ന യോ​ഗ​ത്തി​ൽ പ​ങ്കെ​ടു​ക്കാ​ൻ എ​ത്തി​യ​പ്പോ​ഴാ​ണ് സ​ക്ക​രി​യ​യു​ടെ പ​ണം അ​പ​ഹ​രി​ക്ക​പ്പെ​ട്ട​ത്. ഓ​ഫി​സ് കെ​ട്ടി​ട​ത്തി​െൻറ താ​ഴെ​യാ​ണ് സ്കൂ​ട്ട​ർ നി​ർ​ത്തി​യി​ട്ടി​രു​ന്ന​ത്. മ​യ​ക്കു​മ​രു​ന്ന് വ്യാ​പാ​രം ത​ഴ​ച്ചു​വ​ള​ർ​ന്നി​ട്ടും ഫ​ല​പ്ര​ദ​മാ​യ ന​ട​പ​ടി കൈ​ക്കൊ​ള്ളാ​ൻ ബ​ന്ധ​പ്പെ​ട്ട​വ​ർ​ക്ക് സാ​ധി​ക്കു​ന്നി​ല്ല. 

കാ​മ​റ​ക​ൾ പ്ര​വ​ർ​ത്ത​നസ​ജ്ജ​മാ​ക്കും

കെ.​എം. ജ​മു​നാ​റാ​ണി -ചെ​യ​ർ​പേ​ഴ്സ​ൻ, ത​ല​ശ്ശേ​രി ന​ഗ​ര​സ​ഭ

ന​ഗ​ര​ത്തി​ൽ സ്ഥാ​പി​ച് സി.​സി.​ടി.​വി കാ​മ​റ​ക​ളി​ൽ ഭൂ​രി​ഭാ​ഗ​വും പ്ര​വ​ർ​ത്ത​ന​ക്ഷ​മ​മ​ല്ലെ​ന്നാ​ണ് അ​റി​ഞ്ഞ​ത്. ഇ​വ മാ​റ്റി സ്ഥാ​പി​ക്കാ​നു​ള്ള കാ​ര്യം ആ​ലോ​ച​ന​യി​ലു​ണ്ട്.മ​റ്റെ​ല്ലാ സ്ഥ​ല​ങ്ങ​ളി​ലും പൊ​ലീ​സ് മു​ൻ​കൈ​യെ​ടു​ത്താ​ണ് കാ​മ​റ​ക​ൾ സ്ഥാ​പി​ച്ച​ത്. പൊ​ലീ​സി​ന് സാ​ധി​ക്കാ​ത്ത​താ​ണെ​ങ്കി​ൽ ന​ഗ​ര​സ​ഭ ത​ന്നെ ഇ​തി​ന് മു​ൻ​കൈ​യെ​ടു​ക്കും. പൊ​ലീ​സ് ഉ​ദ്യോ​ഗ​സ്ഥ​രു​മാ​യി യോ​ഗം ചേ​ർ​ന്ന് ഇ​തി​നു​ള്ള ന​ട​പ​ടി സ്വീ​ക​രി​ക്കും. ന​ഗ​ര​ത്തി​ലെ ട്രാ​ഫി​ക് സം​വി​ധാ​നം കു​റ്റ​മ​റ്റ​താ​ക്കാ​നും ന​ട​പ​ടി​യു​ണ്ടാ​കും.

വ്യാ​പാ​രി സ​മൂ​ഹം സ​ഹാ​യി​ക്കും

സി.​പി.​എം നൗ​ഫ​ൽ -ജ​ന​റ​ൽ സെ​ക്ര​ട്ട​റി, വ്യാ​പാ​രി വ്യ​വ​സാ​യി സ​മി​തി ത​ല​ശ്ശേ​രി യൂ​നി​റ്റ്

ന​ഗ​ര​ത്തി​ൽ സി.​സി.​ടി.​വി സം​വി​ധാ​നം പൂ​ർ​ണ സ​ജ്ജ​മാ​ക്ക​ണ​മെ​ന്നാ​ണ് വ്യാ​പാ​രി​ക​ളു​ടെ​യും ആ​വ​ശ്യം. വ്യാ​പാ​രി​ക​ൾ അ​ട​ക്ക​മു​ള്ള​വ​ർ ക​വ​ർ​ച്ച​ക്കി​ര​യാ​യ ന​ഗ​ര​മാ​ണി​ത്. അ​റ്റ​കു​റ്റ​പ്പ​ണി ന​ട​ത്താ​നു​ള്ള പ്രാ​യോ​ഗി​ക ബു​ദ്ധി​മു​ട്ടു​ക​ൾ സി.​സി.​ടി.​വി സ്ഥാ​പി​ക്കു​ന്ന കാ​ര്യ​ത്തി​ലു​ണ്ട്. ഇ​തു​കൂ​ടി ക​ണ്ടു​കൊ​ണ്ടു വേ​ണം ന​ട​പ്പി​ൽ വ​രു​ത്തേ​ണ്ട​ത്. ജ​നോ​പ​കാ​ര പ്ര​ദ​മാ​യ ഏ​തു കാ​ര്യ​ത്തി​നും വ്യാ​പാ​രി​ക​ളു​ടെ ഭാ​ഗ​ത്തു​നി​ന്നു​ള്ള സ​ഹാ​യ​മു​ണ്ടാ​കും.