കുഞ്ഞിക്കേളുവിന് ജന്മനാടിന്റെ അന്ത്യാഞ്ജലി

ചെ​റു​വ​ത്തൂ​ർ: ജീ​വി​ത​ത്തി​ന്റെ ര​ണ്ട​റ്റം കൂ​ട്ടി​മു​ട്ടി​ക്കാ​ൻ മ​ണ​ലാ​ര​ണ്യ​ത്തി​ൽ പാ​ടു​പെ​ട​വേ അ​ഗ്നി​ഗോ​ള​ങ്ങ​ൾ ജീ​വ​ൻ​ക​വ​ർ​ന്ന കേ​ളു​വി​ന് ജ​ന്മ​നാ​ടി​ന്റെ അ​ന്ത്യാ​ഞ്ജ​ലി. കു​വൈ​ത്തി​ലെ തൊ​ഴി​ലാ​ളി ക്യാ​മ്പി​ൽ തീ​പി​ടി​ച്ച് മ​രി​ച്ച പൊ​ന്മ​ലേ​രി കേ​ളു​വി​നാ​ണ് ജ​ന്മ​ഗ്രാ​മ​മാ​യ പി​ലി​ക്കോ​ട്ട് ക​ണ്ണീ​രി​ൽ കു​തി​ർ​ന്ന യാ​ത്രാ​മൊ​ഴി ന​ൽ​കി​യ​ത്. 15 വ​ർ​ഷ​ത്തെ പ്ര​വാ​സം അ​വ​സാ​നി​പ്പി​ച്ച് നാ​ട്ടി​ലേ​ക്ക് വ​രാ​നി​രി​ക്കെ​യാ​ണ് കു​ഞ്ഞി​ക്കേ​ളു​വി​നെ മ​ര​ണം ത​ട്ടി​യെ​ടു​ത്ത​ത്. ബാ​ല്യ​കൗ​മാ​ര കാ​ല​ങ്ങ​ളി​ൽ ഓ​ടി​ന​ട​ന്ന കാ​ലി​ക്ക​ട​വി​ലെ ടൗ​ണി​ലാ​ണ് മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വെ​ച്ച​ത്.

പ്രി​യ​പ്പെ​ട്ട​വ​നെ അ​വ​സാ​ന​മാ​യി ഒ​രു നോ​ക്കു​കാ​ണാ​ൻ വെ​ള്ളി​യാ​ഴ്ച ഉ​ച്ച​മു​ത​ൽ കാ​ലി​ക്ക​ട​വി​ലേ​ക്ക് ആ​ളു​ക​ൾ എ​ത്തി​ത്തു​ട​ങ്ങി​യി​രു​ന്നു. രാ​ത്രി ഏ​ഴി​നാ​ണ് പ്ര​ത്യേ​കം സ​ജ്ജീ​ക​രി​ച്ച ആം​ബു​ല​ൻ​സി​ൽ കേ​ളു​വി​ന്റെ മൃ​ത​ദേ​ഹ​മെ​ത്തി​യ​ത്. കാ​ലി​ക്ക​ട​വ് ര​മ്യ ഫൈ​ൻ ആ​ർ​ട്സ് സൊ​സൈ​റ്റി​യി​ലാ​ണ് മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വെ​ച്ച​ത്. നാ​ടി​ന്റെ നാ​നാ​തു​റ​ക​ളി​ൽ​നി​ന്ന് നി​ര​വ​ധി​യാ​ളു​ക​ൾ അ​ന്തി​മോ​പ​ചാ​രം അ​ർ​പ്പി​ക്കാ​നെ​ത്തി. ജ​ന​പ്ര​തി​നി​ധി​ക​ൾ, രാ​ഷ്ട്രീ​യ പ്ര​വ​ർ​ത്ത​ക​ർ എ​ന്നി​വ​ർ​ക്കൊ​പ്പം ബ​ന്ധു​ക്ക​ളും സു​ഹൃ​ത്തു​ക്ക​ളു​മ​ട​ങ്ങി​യ വ​ൻ ജ​നാ​വ​ലി കാ​ലി​ക്ക​ട​വി​ലെ പൊ​തു​ദ​ർ​ശ​ന ന​ഗ​രി​യി​ലെ​ത്തി. തു​ട​ർ​ന്ന് ഇ​പ്പോ​ൾ താ​മ​സി​ക്കു​ന്ന തൃ​ക്ക​രി​പ്പൂ​ർ ഇ​ള​മ്പ​ച്ചി​യി​ലെ തെ​ക്കു​മ്പാ​ട്ടെ​ത്തി​ച്ചു. തെ​ക്കു​മ്പാ​ട് വാ​യ​ന​ശാ​ല​യി​ലും പൊ​തു​ദ​ർ​ശ​ന​ത്തി​നു വെ​ച്ച​ശേ​ഷം പി​ലി​ക്കോ​ട് ആ​ണൂ​രി​ലെ മാ​രാ​ൻ കൊ​വ്വ​ൽ സ​മു​ദാ​യ ശ്മ​ശാ​ന​ത്തി​ൽ സം​സ്ക​രി​ച്ചു.

രാ​ജ്മോ​ഹ​ൻ ഉ​ണ്ണി​ത്താ​ൻ എം.​പി, എം. ​രാ​ജ​ഗോ​പാ​ല​ൻ എം.​എ​ൽ.​എ, ക​ല​ക്ട​ർ കെ. ​ഇ​മ്പ​ശേ​ഖ​ർ, ത​ഹ​സി​ൽ​ദാ​ർ മാ​യ, ഡെ​പ്യൂ​ട്ടി ത​ഹ​സി​ൽ​ദാ​ർ സൂ​ഫി​യാ​ൻ അ​ഹ​മ്മ​ദ്, പി​ലി​ക്കോ​ട് പ​ഞ്ചാ​യ​ത്ത് പ്ര​സി​ഡ​ന്റ് പി.​പി. പ്ര​സ​ന്ന​കു​മാ​രി, എം.​വി. ബാ​ല​കൃ​ഷ്ണ​ൻ, കെ.​പി. സ​തീ​ഷ് ച​ന്ദ്ര​ൻ, പി. ​ക​രു​ണാ​ക​ര​ൻ, ടി.​വി. ഗോ​വി​ന്ദ​ൻ, എം.​വി. കോ​മ​ൻ ന​മ്പ്യാ​ർ, എം. ​കു​മാ​ര​ൻ, പി. ​കു​ഞ്ഞി​കൃ​ഷ്ണ​ൻ, മാ​ധ​വ​ൻ മ​ണി​യ​റ, സി.​എ. ക​രീം ച​ന്തേ​ര, സി.​പി. ബാ​ബു, പി.​കെ. ല​ക്ഷ്മി, ഇ. ​കു​ഞ്ഞി​രാ​മ​ൻ എ​ന്നി​വ​ർ അ​ന്തി​മോ​പ​ചാ​രം അ​ർ​പ്പി​ച്ചു.