പു​ലി ഭീ​തിയിൽ ച​ക്കി​ട്ട​ടു​ക്ക​ത്ത് പ്രദേശവാസികൾ; കാ​മ​റ കെ​ണി സ്ഥാ​പി​ച്ച് അധികൃതർ

കാ​ഞ്ഞ​ങ്ങാ​ട്: ഒ​ട​യം​ചാ​ൽ ച​ക്കി​ട്ട​ടു​ക്ക​ത്ത് പ​റ​മ്പി​ൽ കെ​ട്ടി​യി​രു​ന്ന ആ​ടി​നെ പു​ലി ക​ടി​ച്ചു​കൊ​ന്ന് ഭ​ക്ഷി​ച്ച​തി​നെ​തു​ട​ർ​ന്ന് വ​ന​പാ​ല​ക​ർ കാമ​റ കെ​ണി സ്ഥാ​പി​ച്ചു. നാ​ട്ടു​കാ​ർ ഭീ​തി​യി​ലാ​ണ്. ക​ർ​ഷ​ക​ന്റെ വീ​ടി​ന് 200 മീ​റ്റ​ർ അ​ക​ലെ കെ​ട്ടി​യി​ട്ട ആ​ടി​നെ​യാ​ണ് പു​ലി പി​ടി​ച്ച​ത്. മ​ര​ത്തി​ൽ കെ​ട്ടി​യി​രു​ന്ന ആ​ടി​നെ ക​ഴി​ഞ്ഞ ദി​വ​സം പ​ട്ടാ​പ്പ​ക​ൽ പു​ലി കൊ​ന്ന് ഭൂ​രി​ഭാ​ഗ​വും ഭ​ക്ഷി​ച്ച നി​ല​യി​ലാ​യി​രു​ന്നു.

വ​നം വ​കു​പ്പി​ലെ പ​ന​ത്ത​ടി സെ​ക്ഷ​ൻ ബീ​റ്റ് ഫോ​റ​സ്റ്റ് ഓ​ഫി​സ​ർ​മാ​രാ​യ ബി​മ​ൽ​രാ​ജ്, വി​ഷ്‌​ണു കൃ​ഷ്‌​ണ​ൻ, കെ. ​ര​തീ​ഷ് എ​ന്നി​വ​രു​ടെ നേ​തൃ​ത്വ​ത്തി​ൽ നാ​ട്ടു​കാ​രും പ്ര​ദേ​ശ​ത്ത് തി​ര​ച്ചി​ൽ ന​ട​ത്തി. ആ​ടി​നെ കൊ​ന്ന് ഭ​ക്ഷി​ച്ച​ത് പു​ലി​യാ​ണെ​ന്ന് വ​നം വ​കു​പ്പ് അ​ധി​കൃ​ത​രും ക​രു​തു​ന്നു. മ​രു​തോം വ​നാ​തി​ർ​ത്തി​യോ​ട് ചേ​ർ​ന്നു​കി​ട​ക്കു​ന്ന പ്ര​ദേ​ശ​മാ​ണി​ത്.

ക​ഴി​ഞ്ഞ മാ​സ​വും ഇ​വി​ടെ പു​ലി​യെ ക​ണ്ടി​രു​ന്നു. എ​ന്നാ​ൽ, വ​ള​ർ​ത്തു മൃ​ഗ​ങ്ങ​ളെ ആ​ക്ര​മി​ച്ചി​രു​ന്നി​ല്ല. പ​ര​പ്പ, പ​ന്നി​യെ​റി​ഞ്ഞ​കൊ​ല്ലി, വീ​ട്ടി​യോ​ടി ഭാ​ഗ​ത്ത് ഒ​രു മാ​സം മു​മ്പ് പു​ലി​യി​റ​ങ്ങി ആ​ടി​നെ പി​ടി​ച്ചി​രു​ന്നു. ക​ഴി​ഞ്ഞ ദി​വ​സം പു​ല്ലൂ​ർ-​പെ​രി​യ ഗ്രാ​മ​പ​ഞ്ചാ​യ​ത്തി​ലെ ആ​യ​മ്പാ​റ, പാ​റ​പ്പ​ള്ളി ത​ട്ടു​മ്മ​ൽ എ​ന്നി​വി​ട​ങ്ങ​ളി​ലും നാ​ട്ടു​കാ​ർ പു​ലി​യെ ക​ണ്ടി​രു​ന്നു. മ​ടി​ക്കൈ, വെ​ള്ളു​ട, വാ​ഴ​ക്കാ​ട് ഭാ​ഗ​ങ്ങ​ളി​ലും പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ചു. ഇ​തോ​ടെ ഒ​ന്നി​ൽ കൂ​ടു​ത​ൽ പു​ലി​യു​ണ്ടെ​ന്ന സം​ശ​യ​വും ബ​ല​പ്പെ​ട്ടി​ട്ടു​ണ്ട്.