ട്രെയിനിൽ നിന്ന്​ വലിച്ചെറിഞ്ഞ ‘ജീവിതം’ പൊലീസ് കണ്ടെത്തി; പ്രവാസിക്കത് ഓണസമ്മാനമായി

കാ​ഞ്ഞ​ങ്ങാ​ട്: ഗ​ൾ​ഫി​ൽ നി​ന്ന് മം​ഗ​ളു​രു വി​മാ​ന​മി​റ​ങ്ങി തീ​വ​ണ്ടി​യി​ൽ നാ​ട്ടി​ലേ​ക്ക് വ​രു​ക​യാ​യി​രു​ന്ന യു​വാ​വി​ന്റെ പാ​സ്പോ​ർ​ട്ടും വി​ല​പി​ടി​പ്പു​ള്ള മ​റ്റു​രേ​ഖ​ക​ളും പ​ണ​വും അ​ട​ങ്ങി​യ ബാ​ഗ് മ​ദ്യ​പാ​നി ട്രെയിനിൽ​നി​ന്ന് പു​റ​ത്തേ​ക്ക് വ​ല​ച്ചെ​റി​ഞ്ഞു. ത​ന്റെ ‘ജീ​വി​തം’ ത​ന്നെ ഇ​ല്ലാ​താ​യി എ​ന്ന് തോ​ന്നി​യ പ്ര​വാ​സി​ക്ക് പൊ​ലീ​സി​ന്റെ അ​വ​സ​രോ​ചി​ത​മാ​യ ഇ​ട​പെ​ട​ൽ തു​ണ​യാ​യി. കോ​ഴി​ക്കോ​ട് പെ​രു​മ്പ​റ​യി​ലെ അ​ന​ൽ ഗം​ഗ​ക്കാ​ണ് ദു​ര​നു​ഭ​വ​വും പൊ​ലി​സി​​ന്റെ തു​ണ​യും ല​ഭി​ച്ച​ത്. തി​രു​വോ​ണ ദി​വ​സം ചെ​ന്നൈ മെ​യി​ലി​ലാ​ണ് സം​ഭ​വം. മം​ഗ​ളു​രു​വി​ൽ വി​മാ​ന​മി​റ​ങ്ങി ട്രെ​യി​നി​ൽ കോ​ഴി​ക്കോ​ട്ടേ​ക്ക് പോ​കു​ക​യാ​യി​രു​ന്നു അ​ന​ൽ. വി​ല​പ്പെ​ട്ട രേ​ഖ​ക​ൾ സീ​റ്റി​ൽ വെ​ച്ചി​രു​ന്നു. ഒ​രു മ​ദ്യ​പാ​നി യാ​തൊ​രു പ്ര​കോ​പ​ന​വു​മി​ല്ലാ​തെ സീ​റ്റി​ലു​ണ്ടാ​യി​രു​ന്ന ബാ​ഗ് എ​ടു​ത്ത് ട്രെ​യി​നി​ൽ​നി​ന്ന് പു​റ​ത്തേ​ക്ക് വ​ലി​ച്ചെ​റി​ഞ്ഞു.

ട്രെ​യി​ൻ ച​ന്തേ​ര സ്റ്റേ​ഷ​ൻ വി​ട്ട് ഏ​റെ മു​ന്നോ​ട്ട് നീ​ങ്ങി​യ സ​മ​യ​ത്താ​യി​രു​ന്നു സം​ഭ​വം. ഇ​തു​ക​ണ്ട് എ​ന്തു​ചെ​യ്യ​ണ​മെ​ന്ന​റി​യാ​തെ അ​ന​ൽ ഒ​രു നി​മി​ഷം പ​ക​ച്ചു. ഈ ​സ​മ​യം ട്രെ​യി​ൻ പ​യ്യ​ന്നൂ​ർ സ്റ്റേ​ഷ​നി​ലെ​ത്തി​യി​രു​ന്നു. ഇ​വി​ടെ ചാ​ടി​യി​റ​ങ്ങി​യ യു​വാ​വ് റെ​യി​ൽ​വേ പൊ​ലീ​സി​നെ ബ​ന്ധ​പ്പെ​ട്ട് ച​ന്തേ​ര പൊ​ലീ​സ് സ്റ്റേ​ഷ​നി​ലെ ഫോ​ൺ ന​മ്പ​ർ സം​ഘ​ടി​പ്പി​ച്ചു. ച​ന്തേ​ര പൊ​ലീ​സി​നോ​ട് സ​ഹാ​യം അ​ഭ്യ​ർ​ഥി​ച്ചു. ഉ​ട​ൻ എ​സ്.​ഐ എ. സ​തീ​ഷി​ന്റെ നേ​തൃ​ത്വ​ത്തി​ൽ പൊ​ലീ​സ് റെ​യി​ൽ​വേ ട്രാ​ക്കി​ലേ​ക്ക് കു​തി​ച്ചു. ഇ​തി​നി​ട​യി​ൽ സ​ന​ലും സ്ഥ​ല​ത്തെ​ത്തി. മൂ​ന്നു മ​ണി​ക്കൂ​റോ​ളം സ​മ​യ​മെ​ടു​ത്ത് കി​ലോ​മീ​റ്റ​റോ​ളം തി​ര​ച്ചീ​ൽ ന​ട​ത്തി​യ ശേ​ഷം വൈ​കീ​ട്ട് ആ​റു​മ​ണി​യോ​ടെ പാ​ള​ത്തി​ന് സ​മി​പം കു​റ്റി​ക്കാ​ട്ടി​ൽ നി​ന്നാ​ണ് ചി​ത​റിക്കി​ട​ന്ന നി​ല​യി​ൽ പാ​സ്പോ​ർ​ട്ടും വി​ല​പി​ടി​പ്പു​ള്ള രേ​ഖ​ക​ളും പ​ണ​വു​മെ​ല്ലാം തി​രി​ച്ചു​കി​ട്ടി​യ​ത്.

സു​ഹൃ​ത്തി​ന്റെ വി​വാ​ഹ​ത്തി​ൽ പ​ങ്കെ​ടു​ക്കാ​ൻ പ​ത്തു​ദി​വ​സ​ത്തെ അ​വ​ധി​ക്ക് നാ​ട്ടി​ലെ​ത്തി​യ​താ​യി​രു​ന്നു യു​വാ​വ്. പാ​സ്പോ​ർ​ട്ട് തി​രി​ച്ചു​കി​ട്ടി​യി​ല്ലാ​യി​രു​ന്നു​വെ​ങ്കി​ൽ ഗ​ൾ​ഫി​ലേ​ക്ക് മ​ട​ങ്ങാ​ൻ ക​ഴി​യി​ല്ലാ​യി​രു​ന്നു. വി​സ​യും ജോ​ലി​യും ന​ഷ്ട​പ്പെ​ടു​മാ​യി​രു​ന്നു. ഓ​ണ​ദി​വ​സം ജീ​വി​തം തി​രി​ച്ചു​ന​ൽ​കി​യ പൊ​ലീ​സ് ഉ​ദ്യോ​ഗ​സ്ഥ​ർ​ക്ക് സ​ന​ൽ ന​ന്ദി പ​റ​ഞ്ഞു.

എ​സ്.ഐ സ​തീ​ഷി​നൊ​പ്പം പൊ​ലീ​സു​ദ്യോ​ഗ​സ്ഥ​രാ​യ ഷി​ജി​ത്ത്, ദീ​പേ​ഷ്, സു​ജി​ത്ത്, റൈ​റ്റ​ർ ഷി​ജി​ത്ത് എ​ന്നി​വ​രാ​ണ് തി​ര​ച്ചി​ലി​നി​റ​ങ്ങി​യ​ത്. സ്റ്റേ​ഷ​നി​ൽ ജി.​ഡി. ചു​മ​ത​ല​യി​ലു​ണ്ടാ​യി​രു​ന്ന ല​ക്ഷ്മ​ണ​നാ​യി​രു​ന്നു ഫോ​ണി​ലെ​ത്തി​യ സ​ഹാ​യ​ാഭ്യ​ർ​ഥ​ന യ​ഥാ​സ​മ​യം മ​റ്റു​ള്ള​വ​രെ അ​റി​യി​ച്ച​ത്.