ഹാരിസ്
കാഞ്ഞങ്ങാട്: സ്‌കൂട്ടറില്‍ എം.ഡി.എം.എ വില്‍പന നടത്താന്‍ ശ്രമിച്ച യുവാവിനെ പൊലീസ് ഓടിച്ചിട്ട് പിടികൂടി. പടന്നക്കാട് ഞാണിക്കടവ് മയ്യത്ത് റോഡിലെ അഫ്‌സല്‍ മന്‍സിലില്‍ അബ്ദുല്ലയുടെ മകന്‍ ആച്ചിപ്പു എന്ന എ. ഹാരിസിനെയാണ് (30) ഹോസ്ദുര്‍ഗ് എസ്‌.ഐ കെ.പി. സതീഷും സംഘവും അറസ്റ്റ് ചെയ്തത്.
ഇയാള്‍ ഓടിച്ചിരുന്ന സ്‌കൂട്ടറും കസ്റ്റഡിയിലെടുത്തു. തിങ്കളാഴ്ച രാത്രി പട്രോളിങ് നടത്തുന്നതിനിടയില്‍ ഐങ്ങോത്ത് കുറുന്തൂര്‍ റോഡില്‍ കെ.എല്‍-60 ജി 5233 നമ്പര്‍ സ്‌കൂട്ടറില്‍ വരുകയായിരുന്ന ഹാരിസ് പൊലീസിനെ കണ്ടപ്പോള്‍ സ്കൂട്ടര് കുറുന്തൂർ ഭാഗത്തേക്ക് ഓടിച്ചുപോയി. പിന്തുടര്‍ന്നെത്തിയ പൊലീസിനെ കണ്ടപ്പോള്‍ ഇയാൾ സ്കൂട്ടര് റെയില്‍വേ പാളത്തിനുസമീപം ഉപേക്ഷിച്ച് ഓടിരക്ഷപ്പെടാന്‍ ശ്രമിച്ചെങ്കിലും എതിരെ വരുകയായിരുന്ന നാട്ടുകാര്‍ ഇയാളെ തടഞ്ഞുവെച്ച് പൊലീസിലേല്‍പിച്ചു.
തുടര്‍ന്ന് നടത്തിയ പരിശോധനയിലാണ് സ്‌കൂട്ടറിന്റെ അകത്തുനിന്നും പഴ്‌സില്‍ പൊതിഞ്ഞുവെച്ച 3.710 ഗ്രാം എം.ഡി.എം.എ മയക്കുമരുന്ന് കണ്ടെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.