ജൽജീവൻ പദ്ധതിയുടെ പേരിൽ ലക്ഷങ്ങൾ പാഴാക്കി; തുള്ളിവെള്ളമില്ലാതെ കോളനിവാസികൾ

നീ​ലേ​ശ്വ​രം: കോ​ടോം-​ബേ​ളൂ​ർ പ​ഞ്ചാ​യ​ത്തി​ൽ സ്ഥാ​പി​ച്ച ജ​ൽജീ​വ​ൻ പ​ദ്ധ​തി​ക്കാ​യി തു​ല​ച്ച് ക​ള​ഞ്ഞ​ത് ല​ക്ഷ​ങ്ങ​ൾ. ന​ട​പ്പാ​ക്കി​യ പ​ദ്ധ​തി​യി​ൽ​നി​ന്ന് ഒ​രു തു​ള്ളി വെ​ള്ളം കി​ട്ടാ​തെ ന​ട്ടംതി​രി​യു​ക​യാ​ണ് പാ​വ​പ്പെ​ട്ട കോ​ള​നി നി​വാ​സി​ക​ൾ. പ​ഞ്ചാ​യ​ത്തി​ലെ മൂ​പ്പി​ൽ, ശാ​സ്താം​പാ​റ, ആ​നപ്പെ​ട്ടി എ​ന്നീ കോ​ള​നി​ക​ളി​ലാ​ണ് കു​ടി​വെ​ള്ളം ത​രാ​മെ​ന്ന് പ​റ​ഞ്ഞ് ജ​ൽജീ​വ​ൻ പ​ദ്ധ​തി സ്ഥാ​പി​ച്ച​ത്‌. എ​ന്നാ​ൽ, ഇ​പ്പോ​ൾ ഒ​രു തു​ള്ളി വെ​ള്ള​ത്തി​നാ​യി കി​ലോ​മീ​റ്റ​ർ സ​ഞ്ച​രി​ച്ച് ത​ല​ച്ചു​മ​ടാ​യി എ​ത്തി​ക്കേ​ണ്ട ഗ​തി​കേ​ടി​ലാ​ണ് കോ​ള​നി​ക്കാ​ർ. ര​ണ്ടു വ​ർ​ഷം മു​മ്പ് ല​ക്ഷ​ങ്ങ​ൾ ചെ​ല​വി​ട്ട് പ​ദ്ധ​തി​യു​ണ്ടാ​ക്കി പൈ​പ്പ് ഇ​ടു​ക​യും ടാ​ങ്ക് സ്ഥാ​പി​ച്ച് വീ​ട്ടു​മു​റ്റ​ങ്ങ​ളി​ൽ കു​ടി​വെ​ള്ള ടാ​പ്പ് സ്ഥാ​പി​ക്കു​ക​യും ചെ​യ്തു.

തു​ട​ർ​ന്ന് പ​ദ്ധ​തി ക​മീ​ഷ​ൻ ചെ​യ്തെ​തെ​ങ്കി​ലും കോ​ള​നി നി​വാ​സി​ക​ൾ​ക്ക് കു​റ​ച്ച് ദി​വ​സ​ങ്ങ​ളി​ൽ മാ​ത്ര​മേ വെ​ള്ളം ല​ഭി​ച്ചു​ള്ളു. ഇ​തി​ന് വാ​ട്ട​ർ ബി​ൽ വ​രുക​യും കു​ടും​ബ​ങ്ങ​ൾ തു​ക അ​ട​ക്കു​ക​യും ചെ​യ്തു. വേ​ന​ൽ ക​ന​ത്ത​തോ​ടെ കോ​ള​നി​വാ​സി​ക​ളു​ടെ ദു​രി​തമറി​ഞ്ഞ് പ്ര​വാ​സി​യാ​യ മേ​ല​ത്ത് മ​ണി​ക​ണ്ഠ​ൻ ഒ​രു കു​ഴ​ൽ​ക്കി​ണ​ർ സ്ഥാ​പി​ച്ച് ന​ൽ​കി​യ​ത് ഇ​വ​ർ​ക്ക് ആ​ശ്വാ​സ​മാ​യി. പ​ഞ്ചാ​യ​ത്ത് അ​ധി​കൃ​ത​ർ ഇ​ട​പെ​ട്ട് ജ​ൽജീ​വ​ൻ പ​ദ്ധ​തി​യു​ടെ ത​ട​സ്സ​ങ്ങ​ൾ നീ​ക്ക​ണ​മെ​ന്നാ​ണ് കോ​ള​നി നി​വാ​സി​ക​ളു​ടെ ആ​വ​ശ്യം.