തീ​പി​ടി​ത്ത​ത്തി​ൽ ക​ത്തി​ന​ശി​ച്ച ഷീ​ബ-​ഉ​ണ്ണി ദ​മ്പ​തി​ക​ളു​ടെ വീ​ട്

മരടിൽ വീടിന് തീപിടിച്ച് ഒരാൾക്ക്​ പരിക്കേറ്റു

മ​ര​ട്: വീ​ടി​ന് തീ​പി​ടി​ച്ച് പൂ​ർ​ണ​മാ​യും ക​ത്തി​ന​ശി​ച്ചു. മ​ര​ട് ന​ഗ​ര​സ​ഭ​യി​ലെ അ​ഞ്ചാം ഡി​വി​ഷ​നി​ലെ തു​രു​ത്തി ടെ​മ്പി​ൾ റോ​ഡി​ൽ പ​റ​പ്പി​ള്ളി​പ​റ​മ്പ് ഷീ​ബ-​ഉ​ണ്ണി ദ​മ്പ​തി​ക​ളു​ടെ വീ​ടി​നാ​ണ് തീ​പി​ടി​ച്ച​ത്. തീ​പി​ടി​ത്ത​ത്തി​ൽ പ​രി​ക്കേ​റ്റ അ​യ​ൽ​വാ​സി തു​രു​ത്തി​പ്പി​ള്ളി​ൽ സ​ജീ​വ​ൻ (52) എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. തീ ​കെ​ടു​ത്താ​ൻ ശ്ര​മി​ക്കു​ന്ന​തി​നി​ടെ ഫ്രി​ഡ്ജി​ന്‍റെ കം​പ്ര​സ്സ​ർ പൊ​ട്ടി​ത്തെ​റി​ച്ച് തീ ​ആ​ളി​യാ​ണ് ഇ​യാ​ൾ​ക്ക് പൊ​ള്ള​ലേ​റ്റ​ത്. തി​ങ്ക​ളാ​ഴ്ച രാ​ത്രി 10.30ഓ​ടെ​യാ​യി​രു​ന്നു സം​ഭ​വം. വീ​ട്ടി​ൽ ആ​രു​മി​ല്ലാ​തി​രു​ന്ന​തു​മൂ​ലം വ​ൻ ദു​ര​ന്തം ഒ​ഴി​വാ​യി. നാ​ട്ടു​കാ​രും പ്ര​ദേ​ശ​വാ​സി​ക​ളും അ​ഗ്​​നി​ര​ക്ഷാ​സേ​ന​യും ചേ​ർ​ന്നാ​ണ് തീ​യ​ണ​ച്ച​ത്. കാ​ര​ണം വ്യ​ക്ത​മ​ല്ല.

ര​ണ്ടു​മാ​സ​മാ​യി താ​മ​സ​മി​ല്ലാ​തി​രു​ന്ന വീ​ട്ടി​ൽ തി​ങ്ക​ളാ​ഴ്ച​യാ​ണ് ഷീ​ബ എ​ത്തി​യ​ത്. വീ​ടി​ന് ക​ത്തു​പി​ടി​ക്കു​മ്പോ​ൾ ഷീ​ബ റോ​ഡി​ലാ​യി​രു​ന്നു​വെ​ന്നാ​ണ് വി​വ​രം. ര​ണ്ട് കൊ​തു​കു​തി​രി ക​ത്തി​ച്ചു​വെ​ച്ചു​വെ​ന്നാ​ണ് പ​റ​യ​പ്പെ​ടു​ന്ന​ത്. തൊ​ട്ട​പ്പു​റ​ത്തെ വീ​ടി​ന്‍റെ വ​ർ​ക്ക് ഏ​രി​യ​യും തീ​പി​ടി​ത്ത​ത്തി​ൽ ക​ത്തി​ന​ശി​ച്ചു. സ​മീ​പ​ത്തെ അം​ഗ​ൻ​വാ​ടി​യു​ടെ പൈ​പ്പു​ക​ൾ​ക്ക് നാ​ശ​ന​ഷ്ട​മു​ണ്ടാ​യ​താ​യി കൗ​ൺ​സി​ല​ർ ഷീ​ജ സാ​ൻ​കു​മാ​ർ പ​റ​ഞ്ഞു.

Tags:    
News Summary - one injured in fire break out in Maradu

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.