കൊല്ലം കലക്ടറുടെ ഓഫീസിന് തീപിടുത്തം;​ നശിച്ചത് 13 ലക്ഷത്തിന്‍റെ ടി.വി, വ്യക്തമാകാതെ ഫയലുകളുടെ വിവരങ്ങൾ

കൊ​ല്ലം: മേ​യ​റു​ടെ ഓ​ഫി​സി​ലു​ണ്ടാ​യ തീ​പി​ടി​ത്ത​ത്തി​ൽ വി​ല​കൂ​ടി​യ ടെ​ലി​വി​ഷ​ൻ ന​ശി​ച്ച​താ​ണ്​ ന​ഷ്ട​ക്ക​ണ​ക്കി​ന്‍റെ വ്യാ​പ്തി കൂ​ട്ടി​യ​ത്. സി.​സി.​ടി.​വി ദൃ​ശ്യ​ങ്ങ​ൾ കാ​ണാ​നും വി​ഡി​യോ കോ​ൺ​ഫ​റ​ൻ​സി​ങ്​ ന​ട​ത്താ​നു​മെ​ല്ലാം സൗ​ക​ര്യം ഒ​രു​ക്കു​ന്ന അ​നു​ബ​ന്ധ ഉ​പ​ക​ര​ണ​ങ്ങ​ളും കൂ​ടി ചേ​രു​മ്പോ​ൾ 13 ല​ക്ഷ​ത്തോ​ളം ചെ​ല​വാ​യ ​ടി.​വി​യാ​ണ്​ ഉ​പ​യോ​ഗ​ശൂ​ന്യ​മാ​യി മാ​റി​യ​ത്. തീ ​നേ​രി​ട്ട്​ പ​ട​ർ​ന്നി​ല്ലെ​ങ്കി​ലും ക​ടു​ത്ത ചൂ​ടി​ൽ ​ടി.​വി പൊ​ട്ടി​ത്ത​ക​രു​ക​യാ​യി​രു​ന്നു. ഏ​താ​നും നാ​ൾ മു​മ്പ്​ ഊ​രാ​ളു​ങ്ക​ൽ സൊ​സൈ​റ്റി​യാ​ണ്​ റൂ​മി​ൽ ഈ ​ടി.​വി​യും അ​നു​ബ​ന്ധ സം​വി​ധാ​ന​ങ്ങ​ളും സ്ഥാ​പി​ച്ച​ത്. ടി.​വി​ക്ക്​ പു​റ​മെ മു​റി​യി​ലു​ണ്ടാ​യി​രു​ന്ന ര​ണ്ട്​ എ.​സി​ക​ളും പൂ​ർ​ണ​മാ​യും ന​ശി​ച്ചു. വൈ​ദ്യു​തി വ​യ​റി​ങ്ങും വാ​ൾ പാ​ന​ലു​ക​ളും ജ​ന​ലും ഫാ​നു​​മെ​ല്ലാം ന​ശി​ച്ച​വ​യു​ടെ കൂ​ട്ട​ത്തി​ലു​ണ്ട്.

തീ​പി​ടി​ത്ത​ത്തി​ൽ വ​ശ​ത്തെ മേ​ശ​യി​ലു​ണ്ടാ​യി​രു​ന്ന ഏ​തൊ​ക്കെ ഫ​യ​ലു​ക​ൾ ന​ശി​ച്ചു എ​ന്ന കാ​ര്യ​ത്തി​ൽ വ്യ​ക്ത​ത വ​ന്നി​ട്ടി​ല്ല. ന​ഗ​ര​സ​ഭ ഓ​ഫി​സി​ലെ വി​വി​ധ സെ​ക്​​ഷ​നു​ക​ളി​ൽ​നി​ന്ന്​ മേ​യ​റു​ടെ അ​നു​മ​തി​ക്കാ​യി ​എ​ത്തി​ച്ച ഫ​യ​ലു​ക​ളു​ടെ​യും മ​റ്റും വി​വ​ര​ങ്ങ​ൾ ക്ല​ർ​ക്കു​മാ​രു​ടെ നേ​തൃ​ത്വ​ത്തി​ൽ ക​ണ​ക്ക്​ എ​ടു​ത്താ​ലേ ഏ​തൊ​ക്കെ ന​ശി​ച്ചു എ​ന്ന്​ അ​റി​യാ​നാ​കൂ. ഭാ​ഗി​ക​മാ​യി ക​ത്തി​യ ഫ​യ​ലു​ക​ൾ റൂ​മി​ൽ​നി​ന്ന്​ മാ​റ്റി. ഇ​വ​യി​ൽ പ​ല ബി​ല്ലു​ക​ളും ഉ​ണ്ടാ​യി​രു​ന്നു. പ്ര​ധാ​ന ഫ​യ​ലു​ക​ൾ സ​മീ​പ​ത്തെ ലോ​ക്ക​ർ റൂ​മി​ലാ​ണ്​ സൂ​ക്ഷി​ച്ചി​രി​ക്കു​ന്ന​തെ​ന്നും ഇ​തി​നാ​ൽ വ​ലി​യ ന​ഷ്ട​മി​ല്ലെ​ന്നു​മാ​ണ്​ ഔ​ദ്യോ​ഗി​ക വി​ശ​ദീ​ക​ര​ണം. 

തീപിടിത്തത്തിന് പിന്നിൽ ദുരൂഹതയെന്ന്​ ആരോപണം

മേ​യ​റു​ടെ ഓ​ഫി​സി​ലു​ണ്ടാ​യ തീ​പി​ടി​ത്ത​ത്തി​ന്​ പി​ന്നി​ൽ ദു​രൂ​ഹ​ത​യെ​ന്ന ആ​രോ​പ​ണ​വു​മാ​യി കോ​ൺ​ഗ്ര​സും ബി.​ജെ.​പി​യും രം​ഗ​ത്ത്. സു​പ്ര​ധാ​ന​മാ​യ പ​ല ഫ​യ​ലു​ക​ളും ന​ശി​ച്ചു എ​ന്നാ​ണ്​ ആ​രോ​പ​ണം. അ​ന​ധി​കൃ​ത കെ​ട്ടി​ട നി​ർ​മാ​ണ​ങ്ങ​ൾ​ക്കെ​തി​രെ​യു​ള്ള ഫ​യ​ലു​ക​ൾ പ​ല​തും മേ​യ​റു​ടെ ഓ​ഫി​സി​ൽ പി​ടി​ച്ചു​െ​വ​ച്ചി​രു​ന്ന​താ​യും ക​ഴി​ഞ്ഞ​ദി​വ​സം വി​ജി​ല​ൻ​സ് പ​രി​ശോ​ധ​ന ന​ട​ത്തി​യ​തി​ന് പി​ന്നാ​ലെ​യു​ള്ള തീ​പി​ടി​ത്തം ദു​രൂ​ഹ​ത വ​ർ​ധി​പ്പി​ക്കു​ന്ന​താ​യും ആ​രോ​പ​ണ​മു​യ​രു​ന്നു. സെ​ക്ര​ട്ടേ​റി​യ​റ്റി​ലെ തീ​പി​ടി​ത്ത​ത്തി​ന് സ​മാ​ന​മാ​യ സം​ഭ​വ​മാ​ണ് ന​ഗ​ര​സ​ഭ​യി​ലു​ണ്ടാ​യി​രി​ക്കു​ന്ന​തെ​ന്നാ​ണ്​ കോ​ൺ​ഗ്ര​സ്​ കു​റ്റ​പ്പെ​ടു​ത്തു​ന്ന​ത്. വി​വ​ര​ങ്ങ​ൾ പു​റ​ത്തു​വ​രു​മെ​ന്ന ഘ​ട്ടം വ​രു​മ്പോ​ൾ സി.​പി.​എം പു​റ​ത്തെ​ടു​ക്കു​ന്ന പ​തി​നെ​ട്ടാ​മ​ത്തെ അ​ട​വാ​ണ് തീ​പി​ടി​ത്ത​മെ​ന്നും വ്യ​ക്ത​മാ​യ അ​ന്വേ​ഷ​ണം ന​ട​ത്താ​ൻ വി​ജി​ല​ൻ​സ് ത​യാ​റാ​ക​ണ​മെ​ന്നും കോ​ൺ​ഗ്ര​സ്​ നേ​താ​വ്​ ബി​ന്ദു​കൃ​ഷ്ണ ആ​വ​ശ്യ​പ്പെ​ട്ടു.

മു​ന്‍കാ​ല​ങ്ങ​ളി​ലെ എ.​ജി​യു​ടെ ഓ​ഡി​റ്റ് റി​പ്പോ​ര്‍ട്ടി​ലു​ള്ള പ​രാ​മ​ര്‍ശ​ത്തെ​കു​റി​ച്ച്​ ഉ​ൾ​​പ്പെ​ടെ അ​ന്വേ​ഷ​ണം ന​ട​ക്കു​ന്ന​തി​നി​ട​യി​ലാ​ണ് തീ​പി​ടി​ത്തം ഉ​ണ്ടാ​യി​രി​ക്കു​ന്ന​തെ​ന്നും ഇ​തി​ന്‍റെ ഫ​യ​ലു​ക​ള്‍ ക​ത്തി ന​ശി​ക്കാ​നി​ട​യാ​യ സം​ഭ​വ​ത്തി​ൽ ഉ​ന്ന​ത​ത​ല അ​ന്വേ​ഷ​ണം ആ​വ​ശ്യ​മാ​ണെ​ന്നും ബി.​ജെ.​പി ജി​ല്ല പ്ര​സി​ഡ​ന്‍റ് ബി.​ബി. ഗോ​പ​കു​മാ​റും ആ​വ​ശ്യ​മു​യ​ർ​ത്തി​ക്ക​ഴി​ഞ്ഞു.