തഴവ ഗവ. കോളജ്; തകർന്നുവീഴാറായ കെട്ടിടത്തിൽ അധ്യയനം തുടരുന്നു

ക​രു​നാ​ഗ​പ്പ​ള്ളി: ത​ക​ർ​ന്നു​വീ​ഴാ​റാ​യ കെ​ട്ടി​ട​ത്തി​ൽ അ​ധ്യ​യ​നം ന​ട​ത്തു​ക​യാ​ണ് ത​ഴ​വ​യി​ലു​ള്ള ക​രു​നാ​ഗ​പ്പ​ള്ളി ഗ​വ. ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജ് അ​ധി​കൃ​ത​ര്‍. പി.​ഡ​ബ്ല്യു.​ഡി എ​ൻ​ജി​നീ​യ​റി​ങ് വി​ഭാ​ഗം പ്രി​ന്‍സി​പ്പ​ലി​ന് ന​ല്‍കി​യ അ​പ​ക​ട മു​ന്ന​റി​യി​പ്പ് ലം​ഘി​ച്ചാണിത്​.

285 ഓ​ളം കോ​ള​ജ് വി​ദ്യാ​ർ​ഥി​ക​ളാ​ണ് ഭീ​തി​യു​ടെ നി​ഴ​ലി​ൽ കോ​ള​ജി​ൽ പ​ഠി​ക്കു​ന്ന​ത്. കോ​ള​ജ് കെ​ട്ടി​ടം അ​ധ്യ​യ​ന​ത്തി​ന് അ​നു​യോ​ജ്യ​മ​ല്ലെ​ന്നു​കാ​ട്ടി പി.​ഡ​ബ്ല്യു.​ഡി അ​സി.​എ​ക്സി​ക്യൂ​ട്ടി​വ് എ​ൻ​ജി​നീ​യ​റും അ​സി.​എ​ൻ​ജി​നീ​യ​റും ചേ​ർ​ന്ന് ന​ട​ത്തി​യ പ​രി​ശോ​ധ​ന റി​പ്പോ​ർ​ട്ടും അ​ൺ​ഫി​റ്റ് സ​ർ​ട്ടി​ഫി​ക്ക​റ്റും കോ​ള​ജ് പ്രി​ൻ​സി​പ്പ​ലി​നും കെ​ട്ടി​ട ഉ​ട​മ​ക്കും ന​ൽ​കി​യെ​ങ്കി​ലും നി​യ​മ​ങ്ങ​ൾ കാ​റ്റി​ൽ​പ​റ​ത്തി കെ​ട്ടി​ട​ത്തി​ൽ ക്ലാ​സു​ക​ൾ തു​ട​രു​ക​യാ​ണ്.

വി​വ​രം അ​ന്വേ​ഷി​ച്ചെ​ത്തി​യ ‘മാ​ധ്യ​മം’ ലേ​ഖ​ക​നെ​തി​രെ പ്രി​ൻ​സി​പ്പ​ല്‍ ഭീ​ഷ​ണി മു​ഴ​ക്കു​ക​യും അ​പ​മ​ര്യാ​ദ​യാ​യി പെ​രു​മാ​റു​ക​യും കാ​മ്പ​സി​ൽ​നി​ന്ന് പു​റ​ത്താ​ക്കു​ക​യും ചെ​യ്തു. ഫോ​ണി​ല്‍ വി​വ​രം അ​ന്വേ​ഷി​ച്ച​പ്പോ​ൾ ആ​വ​ശ്യ​പ്പെ​ട്ട​തി​നെ തു​ട​ർ​ന്നാ​ണ് കോ​ള​ജി​ൽ ലേ​ഖ​ക​ന്‍ നേ​രി​ട്ടെ​ത്തി​യ​ത്. പൊ​ളി​ഞ്ഞു​വീ​ഴാ​റാ​യ മേ​ൽ​ക്കൂ​ര​യും വെ​ള്ളം ക​യ​റു​ന്ന ക്ലാ​സ് മു​റി​ക​ളും നി​റ​ഞ്ഞു​ക​വി​ഞ്ഞ ടോ​യ്‌​ല​റ്റു​ക​ളു​മാ​ണ് കോ​ള​ജി​ലു​ള്ള​തെ​ന്ന് സോ​ഷ്യോ​ള​ജി വി​ദ്യാ​ർ​ഥി​നി അ​ഞ്ജ​ന രാ​ജു പ​റ​ഞ്ഞു. കെ​ട്ടി​ട​ത്തി​ന്‍റെ ശോ​ച്യാ​വ​സ്ഥ​യെ തു​ട​ർ​ന്ന് ദീ​ർ​ഘ​നാ​ള​ത്തെ വി​ദ്യാ​ർ​ഥി​സ​മ​ര​ത്തി​ന് ശേ​ഷം സ്ഥ​ലം എം.​എ​ൽ.​എ​യും ക​ല​ക്ട​റും ന​ൽ​കി​യ ഉ​റ​പ്പു​പാ​ലി​ക്ക​ണ​മെ​ന്ന് ര​ണ്ടാം​വ​ർ​ഷ ബി.​എ വി​ദ്യാ​ർ​ഥി​നി സു​മ​യ്യ പ​റ​ഞ്ഞു. കോ​ള​ജ് ഫി​റ്റ്ന​സ് ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​തെ​ന്നു​കാ​ട്ടി ഉ​ന്ന​ത വി​ദ്യാ​ഭ്യാ​സ അ​ധി​കൃ​ത​ർ​ക്കും ക​ല​ക്ട​ർ​ക്കും പ​രാ​തി​ക​ൾ ന​ൽ​കി​യി​ട്ടും പ​രി​ഹാ​ര​മി​ല്ലെ​ന്ന് മൂ​ന്നാം വ​ർ​ഷ ബി.​എ വി​ദ്യാ​ർ​ഥി സു​ഹാ​സും പ​രാ​തി​പ്പെ​ടു​ന്നു. കോ​ള​ജി​ൽ ദീ​ർ​ഘ​നാ​ളാ​യി വി​ദ്യാ​ർ​ഥി​ക​ൾ ന​ട​ത്തി​യ സ​മ​രം സി.​ആ​ർ. മ​ഹേ​ഷ് എം.​എ​ൽ.​എ ഇ​ട​പെ​ട്ട് നി​ർ​ത്തി​വെ​പ്പി​ക്കു​ക​യും ജി​ല്ല ക​ല​ക്ട​റു​ടെ സാ​ന്നി​ധ്യ​ത്തി​ൽ ന​ട​ന്ന ച​ർ​ച്ച​യി​ൽ ക​രു​നാ​ഗ​പ്പ​ള്ളി ഐ.​എ​ച്ച്.​ആ​ർ.​ഡി​യി​ലേ​ക്ക് കോ​ള​ജ് മാ​റ്റാ​മെ​ന്ന്​ ധാ​ര​ണ​യാ​കു​ക​യും കെ​ട്ടി​ടം പ​ണി​യു​ന്ന​തി​ന് അ​നു​മ​തി ല​ഭ്യ​മാ​ക്കു​ക​യും ചെ​യ്തി​രു​ന്നു.

ഇ​തി​നെ​തി​രെ നി​ല​വി​ലു​ള്ള കെ​ട്ടി​ട ഉ​ട​മ കോ​ട​തി​യെ സ​മീ​പി​ച്ച​തി​നെ തു​ട​ർ​ന്നാ​ണ് കോ​ള​ജ് മാ​റ്റം അ​നി​ശ്ചി​ത​ത്വ​ത്തി​ലാ​യ​തെ​ന്ന് വി​ദ്യാ​ര്‍ഥി​ക​ള്‍ പ​റ​ഞ്ഞു. ഉ​ന്ന​ത വി​ദ്യാ​ഭ്യാ​സ സെ​ക്ര​ട്ട​റി ഉ​ള്‍പ്പെ​ടെ​യു​ള്ള​വ​രെ വി​ഷ​യ​ത്തി​ന്‍റെ ഗൗ​ര​വം ധ​രി​പ്പി​ച്ചി​ട്ടു​ണ്ടെ​ന്നും അ​പ​ക​ട​സ്ഥി​തി​യി​ലു​ള്ള കെ​ട്ടി​ട​ത്തി​ല്‍നി​ന്ന്​ കോ​ള​ജ് മാ​റ്റി​സ്ഥാ​പി​ക്കാ​ന്‍ വ​കു​പ്പു​ത​ല ന​ട​പ​ടി വേ​ണ​മെ​ന്നും സി.​ആ​ര്‍. മ​ഹേ​ഷ്‌ എം.​എ​ല്‍.​എ പ​റ​ഞ്ഞു.