പൊതുമരാമത്ത് വകുപ്പിന്‍റെ അനാസ്ഥ: പഴയ മുസാവരി ബംഗ്ലാവ് തകർച്ചയിൽ

കൊ​ട്ടാ​ര​ക്ക​ര: പൊ​തു​മ​രാ​മ​ത്ത് വ​കു​പ്പി​ന്റെ ഉ​ട​മ​സ്ഥ​ത​യി​ലു​ള്ള കൊ​ട്ടാ​ര​ക്ക​ര​യി​ലെ പ​ഴ​യ മു​സാ​വ​രി ബം​ഗ്ലാ​വ് ത​ക​ർ​ച്ച​യി​ൽ. പൊ​ട്ടി​യ ഓ​ടു​ക​ൾ​ക്കും ക​ഴു​ക്കോ​ലി​നും മു​ക​ളി​ൽ വി​രി​ച്ച പ്ളാ​സ്റ്റി​ക് ഷീ​റ്റു​ക​ളും വി​ണ്ടു​കീ​റി. മ​ഴ​വെ​ള്ളം ഭി​ത്തി​യി​ലും അ​ക​ത്തു​മി​റ​ങ്ങി കെ​ട്ടി​ടം തീ​ർ​ത്തും അ​പ​ക​ടാ​വ​സ്ഥ​യി​ലാ​ണ്.

പൈ​തൃ​ക​സ്മാ​ര​ക​മാ​യി സം​ര​ക്ഷി​ക്കേ​ണ്ട കെ​ട്ടി​ട​മാ​ണ് അ​ധി​കൃ​ത​രു​ടെ അ​വ​ഗ​ണ​ന​യി​ൽ ന​ശി​ക്കു​ന്ന​ത്. നാ​ട്ടി​ലാ​കെ അ​പ​ക​ടാ​വ​സ്ഥ​യി​ലു​ള്ള കെ​ട്ടി​ട​ങ്ങ​ളെ​പ്പ​റ്റി പ​രി​ശോ​ധി​ച്ച് റി​പ്പോ​ർ​ട്ട് കൊ​ടു​ക്കേ​ണ്ട​വ​രും അ​റ്റ​കു​റ്റ​പ്പ​ണി ന​ട​ത്തു​ക​യോ പു​തി​യ കെ​ട്ടി​ടം നി​ർ​മി​ക്കു​ക​യോ ചെ​യ്യേ​ണ്ട​വ​രും ജോ​ലി ചെ​യ്യു​ന്ന പൊ​തു​മ​രാ​മ​ത്ത് വ​കു​പ്പ് ഓ​ഫി​സ് വ​ള​പ്പി​ലാ​ണ് ഈ ​നാ​ണ​ക്കേ​ടെ​ന്ന​താ​ണ് വി​രോ​ധാ​ഭാ​സം. നേ​ര​ത്തെ റൂ​റ​ൽ ജി​ല്ല പൊ​ലീ​സി​ന്റെ ടെ​ലി ക​മ്യൂ​ണി​ക്കേ​ഷ​ൻ വി​ഭാ​ഗ​ത്തി​നാ​യി മു​സാ​വ​രി ബം​ഗ്ലാ​വ് വി​ട്ടു​ന​ൽ​കി​യി​രു​ന്നു. റൂ​റ​ൽ പൊ​ലീ​സി​ന് സ്വ​ന്ത​മാ​യി ആ​സ്ഥാ​ന​മാ​യ​തോ​ടെ ഈ ​കെ​ട്ടി​ടം ഉ​പേ​ക്ഷി​ച്ചു.

പൊ​തു​മ​രാ​മ​ത്ത് വ​കു​പ്പി​ന് വേ​ണ്ടു​വോ​ളം ഫ​ണ്ടു​ണ്ടാ​യി​ട്ടും ഈ ​കെ​ട്ടി​ട​ത്തി​ന്റെ അ​റ്റ​കു​റ്റ​പ്പ​ണി​ക​ൾ ന​ട​ത്തു​ന്നി​ല്ലെ​ന്ന ആ​ക്ഷേ​പ​മാ​ണ്​ ഉ​യ​രു​ന്ന​ത്. ക​ട​ലാ​യ്മ​ന​മ​ഠം വ​ക​യാ​യി​രു​ന്ന കൊ​ട്ടാ​ര​ക്ക​ര തൃ​ക്ക​ണ്ണ​മം​ഗ​ൽ ക്ഷേ​ത്രം പൊ​തു​ജ​ന​ങ്ങ​ൾ​ക്കാ​യി തു​റ​ന്നു​ന​ൽ​കാ​ൻ മ​ഹാ​ത്മാ​ഗാ​ന്ധി​യെ​ത്തി​യ​പ്പോ​ൾ വി​ശ്ര​മി​ച്ച​ത് മു​സാ​വ​രി ബം​ഗ്ലാ​വി​ലാ​ണ്.

1937 ജ​നു​വ​രി 21ന് ​പു​ല​ർ​ച്ച ഇ​വി​ടെ​നി​ന്ന്​ പു​റ​പ്പെ​ട്ട ഗാ​ന്ധി​ജി കാ​ൽ​ന​ട​യാ​യി​ട്ടാ​ണ് ക്ഷേ​ത്ര​ത്തി​ലെ​ത്തി​യ​തും പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്ത​തും. മു​സാ​വ​രി ബം​ഗ്ലാ​വി​നോ​ട് ചേ​ർ​ന്നാ​ണ് പൊ​തു​മ​രാ​മ​ത്തു​വ​കു​പ്പി​ന്റെ​ത​ന്നെ റ​സ്റ്റ് ഹൗ​സും. മു​ൻ രാ​ഷ്ട്ര​പ​തി ഡോ. ​എ.​പി.​ജെ. അ​ബ്ദു​ൾ ക​ലാം ഇ​വി​ടം സ​ന്ദ​ർ​ശി​ച്ചി​രു​ന്നു.