യു​വ​തി​യു​ടെ കല്യാണം മുടക്കിയ യുവാവ് അറസ്​റ്റിൽ

ഓ​യൂ​ർ: സ​ഹ​പാ​ഠി​യും നാ​ട്ടു​കാ​രി​യു​മാ​യ യു​വ​തി​യു​ടെ വി​വാ​ഹാ​ലോ​ച​ന​ക​ൾ മു​ട​ക്കി​യ യു​വാ​വി​നെ പൂ​യ​പ്പ​ള്ളി പൊ​ലീ​സ് അ​റ​സ്​​റ്റ്​ ചെ​യ്തു. ഓ​ട​നാ​വ​ട്ടം വാ​പ്പാ​ല പു​ര​മ്പി​ൽ സ്വ​ദേ​ശി അ​രു​ൺ (24) ആ​ണ് അ​റ​സ്​​റ്റി​ലാ​യ​ത്. ഇ​യാ​ൾ​ക്കൊ​പ്പം പ​ഠി​ച്ചി​രു​ന്ന യു​വ​തി​യു​ടെ ര​ണ്ടു വി​വാ​ഹാ​ലോ​ച​ന​ക​ളാ​ണ് മു​ട​ക്കി​യ​ത്. വീ​ട്ടു​കാ​ർ​ക്ക് സം​ശ​യം തോ​ന്നി അ​ന്വേ​ഷി​ച്ച​തി​നെ തു​ട​ർ​ന്നാ​ണ്​ അ​രു​ണി​െൻറ ഇ​ട​പെ​ട​ൽ വ്യ​ക്ത​മാ​യ​ത്.

തു​ട​ർ​ന്ന്, ര​ക്ഷാ​ക​ർ​ത്താ​ക്ക​ൾ പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. ഒ​ന്നി​ച്ച്​ പ​ഠി​ച്ചി​ട്ടു​ണ്ടെ​ങ്കി​ലും ത​മ്മി​ൽ ഒ​രു ബ​ന്ധ​വു​മി​ല്ലെ​ന്നാ​ണ്​ യു​വ​തി പ​റ​ഞ്ഞ​ത്. യു​വ​തി​ക്ക്​ വി​വാ​ഹാ​ലോ​ച​ന​ക​ൾ ന​ട​ക്കു​ന്ന​താ​യ​റി​ഞ്ഞ് അ​രു​ൺ കാ​ണാ​നെ​ത്തു​ന്ന​വ​രു​ടെ വീ​ട് തേ​ടി​യെ​ത്തും. പെ​ൺ​കു​ട്ടി​യു​മാ​യി കു​റെ നാ​ളു​ക​ളാ​യി പ്ര​ണ​യ​ത്തി​ലാ​ണെ​ന്നും യു​വ​തി​യു​ടെ ഫോ​ട്ടോ​ക​ൾ ത​െൻറ കൈ​വ​ശ​മു​ണ്ടെ​ന്നും പ​റ​ഞ്ഞ് തെ​റ്റി​ദ്ധ​രി​പ്പി​ച്ച് വി​വാ​ഹാ​ലോ​ലോ​ച​ന മു​ട​ക്കു​ക​യാ​യി​രു​ന്നു.

കൂ​ടാ​തെ, പ​ല ത​വ​ണ പെ​ൺ​കു​ട്ടി​യെ അ​പാ​യ​പ്പെ​ടു​ത്തു​മെ​ന്ന് ഭീ​ഷ​ണി​പ്പെ​ടു​ത്തി​യി​ട്ടു​ള്ള​താ​യും പ​രാ​തി​യി​ൽ പ​റ​യു​ന്നു. ഇ​യാ​ളു​ടെ ശ​ല്യം സ​ഹി​ക്കാ​നാ​കാ​തെ വ​ന്ന​തോ​ടെ​യാ​ണ് പെ​ൺ​കു​ട്ടി​യു​ടെ ര​ക്ഷാ​ക​ർ​ത്താ​ക്ക​ൾ പൂ​യ​പ്പ​ള്ളി പൊ​ലീ​സി​ൽ പ​രാ​തി ന​ൽ​കി​യ​ത്. അ​റ​സ്​​റ്റ്​ ചെ​യ്ത അ​രു​ണി​നെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു.