പത്തനാപുരം: അച്ചന്‍കോവിലില്‍ വാഹനപരിശോധനക്കിടെ ബൈക്കിൽ വ്യാജചാരായവുമായി രണ്ടുപേര്‍ പിടിയിൽ. എറണാകുളം വേങ്ങോല പെരുമ്പാവൂർ അല്ലപ്ര മംഗ്ലായിൽ പറമ്പിൽ വീട്ടിൽ ദിലീപ് (34), ആര്യങ്കാവ് പ്രിയ എസ്റ്റേറ്റിൽ 50ാം നമ്പർ ലയത്തിൽ താമസിക്കുന്ന തങ്കരാജ്‌ (41) എന്നിവരാണ് പിടിയിലായത്.
അച്ചന്‍കോവില്‍ ചെമ്പനരുവി പാതയില്‍ കഴിഞ്ഞദിവസം രാത്രി 8.30 ഓടെ നടന്ന വാഹനപരിശോധനയിലാണ് വ്യാജചാരായം കണ്ടെത്തിയത്. രണ്ടുപേരുടെയും ബൈക്കുകളിൽ കന്നാസുകളില്‍ നിറച്ച നിലയിലായിരുന്നു ചാരായം.
വനത്തിനുള്ളില്‍ വ്യാജചാരായനിര്‍മാണവും കോടനിര്‍മാണവും വ്യാപകമായി നടക്കുന്നുണ്ടെന്ന പരാതിയെ തുടർന്ന് വനംവകുപ്പും എക്സൈസും ചേർന്ന് പരിശോധന ശക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.