ചെങ്കോട്ട-കൊല്ലം റെയിൽപാത; മണ്ണിടിച്ചിൽ തടയാനും പ്ലാറ്റ്​ഫോം ഉയരം കൂട്ടാനും നടപടി

പു​ന​ലൂ​ർ: ചെ​ങ്കോ​ട്ട-​പു​ന​ലൂ​ർ-​കൊ​ല്ലം റെ​യി​ൽ​പാ​ത​യി​ൽ മ​ണ്ണി​ടി​ച്ചി​ൽ ത​ട​യാ​നും പ്ലാ​റ്റ്ഫോ​മു​ക​ളു​ടെ ഉ​യ​രം കു​റ​വു​ള്ള സ്റ്റേ​ഷ​നു​ക​ളി​ൽ ഉ​യ​രം കൂ​ട്ടു​ന്ന​തി​നും ടെ​ൻ​ഡ​ർ ന​ട​പ​ടി​ക​ൾ റെ​യി​ൽ​വേ ആ​രം​ഭി​ച്ചു.

ചെ​ങ്കോ​ട്ട​ക്കും പു​ന​ലൂ​രി​നും ഇ​ട​യി​ൽ പ​ല​യി​ട​ത്തും മ​ണ്ണി​ടി​ഞ്ഞ് വീ​ഴാ​നും മ​ണ്ണൊ​ലി​ച്ചു​പോ​കാ​നും സാ​ധ്യ​ത​യു​ള്ള മേ​ഖ​ല​ക​ൾ കൃ​ത്യ​മാ​യി പ​രി​പാ​ലി​ക്കും.

ജൂ​ലൈ 10ന് ​മ​ഴ​ക്കി​ടെ തെ​ന്മ​ല റെ​യി​ൽ​വേ സ്റ്റേ​ഷ​ന് സ​മീ​പം പാ​റ​യും കു​ന്നും പാ​ള​ത്തോ​ട് ചേ​ർ​ന്ന് ഇ​ടി​ഞ്ഞു​വീ​ണ് ഗു​രു​വാ​യൂ​ർ-​മ​ധു​ര എക്സ്​പ്രസിന്​ യാ​ത്രാ​ത​ട​സ്സം നേ​രി​ട്ടി​രു​ന്നു. ക​ഴി​ഞ്ഞ​വ​ർ​ഷ​വും സ​മാ​ന സം​ഭ​വം ഒ​റ്റ​ക്ക​ൽ ഭാ​ഗ​ത്തു​ണ്ടാ​യി. ഒ​റ്റ​ക്ക​ൽ, ഇ​ട​പാ​ള​യം, കു​ണ്ട​റ ഈ​സ്റ്റ് എ​ന്നീ റെ​യി​ൽ​വേ സ്റ്റേ​ഷ​നു​ക​ളി​ലു​ള്ള ഏ​ക പ്ലാ​റ്റ്ഫോ​മു​ക​ൾ​ക്ക് ഉ​യ​രം കു​റ​വാ​ണ്.

ഇ​വ​യു​ടെ​യും ഇ​ട​മ​ൺ റെ​യി​ൽ​വേ സ്റ്റേ​ഷ​നി​ലെ ഒ​ന്നും ര​ണ്ടും പ്ലാ​റ്റ്ഫോ​മു​ക​ളു​ടെ​യും ഉ​യ​രം വ​ർ​ധി​പ്പി​ക്കാ​നു​ള്ള ടെ​ൻ​ഡ​റാ​ണ് വി​ളി​ച്ചി​രി​ക്കു​ന്ന​ത്. പ്ലാ​റ്റ്ഫോ​മി​ന്‍റെ ഉ​യ​ര​ക്കു​റ​വ്​ യാ​ത്ര​ക്കാ​ർ​ക്ക് ക​യ​റി​യി​റ​ങ്ങു​ന്ന​തി​ന്​ വ​ലി​യ ബു​ദ്ധി​മു​ട്ട് സൃ​ഷ്ടി​ച്ചി​രു​ന്നു. യാ​ത്ര​ക്കാ​രു​ടെ സം​ഘ​ട​ന​ക​ൾ എം.​പി​യെ ബ​ന്ധ​പ്പെ​ട്ട് നി​വേ​ദ​ന​ങ്ങ​ൾ റെ​യി​ൽ​വേ ഉ​ദ്യോ​ഗ​സ്ഥ​ർ​ക്ക് സ​മ​ർ​പ്പി​ച്ച​തി​നെ​ത്തു​ട​ർ​ന്നാ​ണ് ന​ട​പ​ടി​യാ​യ​ത്.

തെ​ന്മ​ല, കു​ണ്ട​റ സ്റ്റേ​ഷ​നു​ക​ളി​ൽ ട്രാ​ക്ക് മെ​ഷീ​ൻ നി​ർ​ത്തി​യി​ടു​ന്ന​തി​നു​ള്ള സൈ​ഡ് റെ​യി​ൽ​വേ ലൈ​നു​ക​ൾ സ്ഥാ​പി​ക്കു​ന്ന​തി​ന്​ ടെ​ൻ​ഡ​ർ ന​ട​പ​ടി​ക​ൾ റെ​യി​ൽ​വേ നേ​ര​ത്തേ ആ​രം​ഭി​ച്ചി​രു​ന്നു. ഇ​തി​ന്റെ ഭാ​ഗ​മാ​യി സി​ഗ്ന​ൽ ജോ​ലി​ക​ൾ​ക്കു​ള്ള ടെ​ൻ​ഡ​ർ ന​ട​പ​ടി​ക​ളും തു​ട​ങ്ങി.