എം.പി ഇടപെട്ടിട്ടും രക്ഷയില്ല, ക​ല്ല​ടയിലെ ഏ​ക എ.​ടി.​എം ഇപ്പോഴും അടഞ്ഞ് തന്നെ

ശാ​സ്താം​കോ​ട്ട: പ​ടിഞ്ഞാറെ ക​ല്ല​ട ഗ്രാ​മ​പ​ഞ്ചാ​യ​ത്തി​ലെ ഏ​ക എ.​ടി.​എം ഇ​പ്പോ​ഴും അ​ട​ഞ്ഞു​ത​ന്നെ.  ഒ​രു വ​ർ​ഷ​ത്തി​ല​ധി​ക​മാ​യി എ.​ടി.​എം പ്ര​വ​ർ​ത്ത​ന​ര​ഹി​ത​മാ​യ​ത് സം​ബ​ന്ധി​ച്ച് മാ​ധ്യ​മം വാ​ർ​ത്ത പ്ര​സി​ദ്ധീ​ക​രി​ക്കു​ക​യും വി​ഷ​യം ശ്ര​ദ്ധ​യി​ൽ​പ്പെ​ട്ട കൊ​ടി​ക്കു​ന്നി​ൽ സു​രേ​ഷ് എം.​പി അ​ടി​യ​ന്തി​ര​മാ​യി എ.​ടി.​എം തു​റ​ന്ന് പ്ര​വ​ർ​ത്തി​പ്പി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് എ​സ്.​ബി.​ഐ കൊ​ല്ലം റീ​ജ​നൽ മാ​നേ​ജ​ർ​ക്ക് നി​ർ​ദ്ദേ​ശം ന​ൽ​കു​ക​യും ചെ​യ്തി​രു​ന്നു. പൊ​തു​പ്ര​വ​ർ​ത്ത​ക​നാ​യ കെ.​സി. സു​ബ്ര​ഹ്മ​ണ്യ​നും പ​രാ​തി ന​ൽ​കി​യി​രു​ന്നു. പു​തി​യ എ.​ടി.​എം ഒ​രു മാ​സ​ത്തി​നു​ള്ളി​ൽ എ​ത്തി​ച്ച് പ്ര​ശ്നം പ​രി​ഹ​രി​ക്കാ​മെ​ന്ന്​ അ​ധി​കൃ​ത​ർ ഉ​റ​പ്പു​ന​ൽ​കി​യി​രു​ന്ന​ങ്കി​ലും ന​ട​പ​ടി ഇ​നി​യും ഉ​ണ്ടാ​യി​ട്ടി​ല്ല.

ബാ​ങ്കി​ങ്​ സൗ​ക​ര്യം പ​രി​മി​ത​മാ​യ പ​ടി. ക​ല്ല​ട​യി​ൽ വി​വി​ധ സം​ഘ​ട​ന​ക​ളു​ടെ നി​ര​ന്ത​ര പ​രി​ശ്ര​മ​ത്തെ​തു​ട​ർ​ന്നാ​ണ് മൂ​ന്നു​വ​ർ​ഷം മു​മ്പാ​ണ്​ എ​സ്.​ബി.​ഐ എ.​ടി.​എം തു​റ​ക്കാ​ൻ ത​യാ​റാ​യ​ത്. യാ​ത്രാ സൗ​ക​ര്യം പ​രി​മി​ത​മാ​യ പ​ടിഞ്ഞാറെ ക​ല്ല​ട​യി​ൽ നി​ന്ന് 200 രൂ​പ​വ​രെ ഓ​ട്ടോ​കൂ​ലി കൊ​ടു​ത്ത് കാ​രാ​ളി​മു​ക്കി​ലോ ഭ​ര​ണി​ക്കാ​വി​ലോ കി​ഴ​ക്കേ ക​ല്ല​ട​യി​ലോ പോ​യി വേ​ണം പണം എ​ടു​ക്കാ​ൻ.