ശാസ്താംകോട്ട റെയിൽവേ സ്റ്റേഷൻ റോഡരികിൽ മാലിന്യം നിറയുന്നു

റെ​യി​ൽ​വേ സ്റ്റേ​ഷ​ന് റോ​ഡി​ന് സ​മീ​പ​ത്തെ വ​യ​ലി​ൽ മാ​ലി​ന്യം ത​ള്ളി​യി​രി​ക്ക​ന്നു

ശാസ്താംകോട്ട റെയിൽവേ സ്റ്റേഷൻ റോഡരികിൽ മാലിന്യം നിറയുന്നു

ശാ​സ്താം​കോ​ട്ട: കാ​രാ​ളി​മു​ക്ക്-​ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ൻ റോ​ഡ് മാ​ലി​ന്യ​ക്കൂമ്പാ​ര​മാ​കു​ന്നു. ​െ​ട്രയിൻ യാ​ത്ര​ക്കാ​രു​ൾ​പ്പെ​ടെ നൂ​റു​ക​ണ​ക്കി​ന് ആ​ളു​ക​ൾ യാ​ത്ര ചെ​യ്യു​ന്ന റോ​ഡി​ൽ മൂ​ക്കു​പൊ​ത്താ​തെ ന​ട​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. കാ​രാ​ളി​മു​ക്കി​ൽ നി​ന്ന്​ റെ​യി​ൽ​വേ സ്റ്റേ​ഷ​ൻ വ​രെ​യു​ള്ള ര​ണ്ട് കി​ലോ​മീ​റ്റ​റോ​ളം റോ​ഡി​ന്‍റെ ഒ​രു ഭാ​ഗം റെ​യി​ൽ​വേ ട്രാ​ക്കാ​ണ്. ഇ​വി​ടെ കാ​ട് പി​ടി​ച്ച് കി​ട​ക്കു​ക​യാ​ണ്. മ​റു​ഭാ​ഗ​ത്ത് ഒ​റ്റ​പ്പെ​ട്ട ചി​ല വീ​ടു​ക​ൾ മാ​ത്ര​മാ​ണു​ള്ള​ത്.

ഇ​ത് മാ​ലി​ന്യം ത​ള്ളാ​നെ​ത്തു​ന്ന​വ​ർ​ക്ക് ഏ​റെ സൗ​ക​ര്യ​മാ​ണ്. രാ​ത്രി​കാ​ല​ങ്ങ​ളി​ലാ​ണ് ഇ​വി​ടെ മാ​ലി​ന്യം ത​ള്ളു​ന്ന​ത്. കോ​ഴി​ഫാ​മു​ക​ൾ, വീ​ടു​ക​ൾ, ഹോ​ട്ട​ലു​ക​ൾ തു​ട​ങ്ങി​യ ഇ​ട​ങ്ങ​ളി​ൽ നി​ന്നു​ള്ള അ​വ​ശി​ഷ്ട​ങ്ങ​ൾ, ബാ​ർ​ബ​ർ ഷാ​പ്പു​ക​ളി​ൽ നി​ന്ന് ചാ​ക്കു ക​ണ​ക്കി​ന് മു​ടി, അ​പ്ഹോ​ൾ​സ്റ്റ​റി ക​ട​ക​ളി​ൽ നി​ന്നു​ള്ള വേ​സ്റ്റ്, പ​ഴ​യ തു​ണി​ക​ൾ, ചെ​രു​പ്പു​ക​ൾ തു​ട​ങ്ങി എ​ല്ലാം കൊ​ണ്ടു​വ​ന്ന് ത​ള്ളു​ന്ന​ത് ഇ​വി​ടെ​യാ​ണ്.

നേ​ര​ത്തേ റെ​യി​ൽ​വേ ട്രാ​ക്കി​നോ​ട് ചേ​ർ​ന്നു​ള്ള ഭാ​ഗ​ത്താ​യി​രു​ന്നു മാ​ലി​ന്യം ത​ള്ളി​യി​രു​ന്ന​തെ​ങ്കി​ൽ ഇ​പ്പോ​ൾ എ​തി​ർ ഭാ​ഗ​ത്തു​ള്ള വ​യ​ലി​ലും സ​മീ​പ​ത്തെ വ​ലി​യ ക​ലു​ങ്കി​ന് കീ​ഴി​ലും വ്യാ​പ​ക​മാ​യി മാ​ലി​നും ത​ള്ളു​ന്നു. ഇ​തു​മൂ​ലം ഈ ​ഭാ​ഗ​ത്ത് തെ​രു​വ് നാ​യ്ക്ക​ളു​ടെ ശ​ല്യം രൂ​ക്ഷ​മാ​ണ്. തെ​രു​വ് നാ​യ്ക്ക​ൾ മാ​ലി​ന്യം റോ​ഡി​ലേ​ക്ക് വ​ലി​ച്ചി​ട്ടു​ന്ന​തു​മൂ​ലം കാ​ൽ ന​ട​യാ​യി പോ​ലും പോ​കാ​ൻ പ​റ്റാ​ത്ത അ​വ​സ്ഥ​യാ​ണ്.

താ​ലൂ​ക്കി​ലെ പ്ര​ധാ​ന മാ​ലി​ന്യ​നി​ക്ഷേ​പ കേ​ന്ദ്ര​ങ്ങ​ളി​ൽ കാ​മ​റ സ്ഥാ​പി​ക്കാ​ൻ 14 ല​ക്ഷം രൂ​പ​യു​ടെ പ​ദ്ധ​തി ശാ​സ്താം​കോ​ട്ട ബ്ലോ​ക്ക് പ​ഞ്ചാ​യ​ത്ത് ത​യ്യാ​റാ​ക്കു​ക​യും ചി​ല സ്ഥ​ല​ങ്ങ​ളി​ൽ കാ​മ​റ സ്ഥാ​പി​ക്കു​ക​യും ചെ​യ്തി​രു​ന്നു. റെ​യി​ൽ​വേ സ്റ്റേ​ഷ​ൻ റോ​ഡി​ൽ കാ​മ​റക്കായി തൂ​ൺ സ്ഥാ​പി​ച്ച​ങ്കി​ലും നടപ്പായി​ല്ല. അ​ടി​യ​ന്ത​ര​മാ​യി ഈ ​ഭാ​ഗ​ത്ത് കാ​മ​റ സ്ഥാ​പി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ​യും യാ​ത്ര​ക്കാ​രു​ടെ​യും ആ​വ​ശ്യം.

Tags:    
News Summary - Garbage is filling up the roadside of Sasthamkotta railway station

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.