മാലിന്യം നീക്കി; കാരാളിമുക്ക്-ശാസ്താംകോട്ട റെയിൽവേ സ്റ്റേഷൻ റോഡിലൂടെ ഇനി സുഗമ യാത്ര

ശാ​സ്താം​കോ​ട്ട: കാ​രാ​ളി​മു​ക്ക്-​ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ൻ റോ​ഡി​ലെ മാ​ലി​ന്യ​ക്കൂ​മ്പാ​രം നീ​ക്കി. മാ​ലി​ന്യ​മു​ക്തം ന​വ​കേ​ര​ളം പ​ദ്ധ​തി​പ്ര​കാ​രം പ​ഞ്ചാ​യ​ത്തം​ഗം ബി. ​സേ​തു​ല​ക്ഷ്മി​യു​ടെ നേ​തൃ​ത്വ​ത്തി​ലാ​യി​രു​ന്നു പ്ര​വൃ​ത്തി.ക​ഴി​ഞ്ഞ​ദി​വ​സം തൊ​ഴി​ലു​റ​പ്പ് തൊ​ഴി​ലാ​ളി​ക​ളെ ഉ​പ​യോ​ഗി​ച്ച് കാ​ട് വെ​ട്ടി​ത്തെ​ളി​ക്കു​ക​യും ഞാ​യ​റാ​ഴ്ച മ​ണ്ണു​മാ​ന്തി​യ​ന്ത്ര​വും ടി​പ്പ​ർ​ലോ​റി​യും ഉ​പ​യോ​ഗി​ച്ച് മാ​ലി​ന്യം നീ​ക്കു​ക​യു​മാ​യി​രു​ന്നു. 14 ലോ​ഡ് മാ​ലി​ന്യ​മാ​ണ് നീ​ക്കി​യ​ത്. കാ​രാ​ളി​മു​ക്ക്-​ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ൻ റോ​ഡി​ൽ മാ​ലി​ന്യം കു​ന്നു​കൂ​ടു​ന്ന​ത് സം​ബ​ന്ധി​ച്ച് ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു

റെ​യി​ൽ​വേ സ്റ്റേ​ഷ​നി​ലേ​ക്കു​ള്ള യാ​ത്ര​ക്കാ​രു​ൾ​പ്പെ​ടെ നൂ​റു​ക​ണ​ക്കി​നാ​ളു​ക​ൾ യാ​ത്ര ചെ​യ്യു​ന്ന റോ​ഡി​ൽ മൂ​ക്ക് പൊ​ത്താ​തെ ന​ട​ക്കാ​ൻ ക​ഴി​യി​ല്ലാ​യി​രു​ന്നു. കാ​രാ​ളി​മു​ക്കി​ൽ​നി​ന്ന്​ റെ​യി​ൽ​വേ സ്റ്റേ​ഷ​ൻ വ​രെ ര​ണ്ട് കി​ലോ​മീ​റ്റ​റോ​ള​മു​ള്ള റോ​ഡി​ന്‍റെ ഒ​രു​ഭാ​ഗം റെ​യി​ൽ​വേ ട്രാ​ക്കാ​ണ്. പ്ര​ദേ​ശം കാ​ടു​പി​ടി​ച്ച​തും മ​റു​ഭാ​ഗ​ത്ത്​ ഒ​റ്റ​പ്പെ​ട്ട വീ​ടു​ക​ളും മാ​ത്ര​മു​ള്ള​തും മാ​ലി​ന്യ​നി​ക്ഷേ​പ​ക​ർ​ക്ക്​ അ​നു​കൂ​ല​മാ​യി​രു​ന്നു. രാ​ത്രി​കാ​ല​ങ്ങ​ളി​ലാ​ണ് ഇ​വി​ടെ മാ​ലി​ന്യ​നി​ക്ഷേ​പം.

കോ​ഴി ഫാ​മു​ക​ൾ, വീ​ടു​ക​ൾ, ഹോ​ട്ട​ലു​ക​ൾ തു​ട​ങ്ങി​യ​യി​ട​ങ്ങ​ളി​ൽ നി​ന്നു​ള്ള അ​വ​ശി​ഷ്ട​ങ്ങ​ൾ, ബാ​ർ​ബ​ർ ഷാ​പ്പു​ക​ളി​ൽ നി​ന്ന് ചാ​ക്ക് ക​ണ​ക്കി​ന് മു​ടി, അ​പ്ഹോ​ൾ​സ്റ്റ​റി ക​ട​ക​ളി​ൽ​നി​ന്നു​ള്ള മാ​ലി​ന്യം, പ​ഴ​യ തു​ണി​ക​ൾ, ചെ​രി​പ്പു​ക​ൾ തു​ട​ങ്ങി​യ​വ​യെ​ല്ലാം ഇ​വി​ടെ​യാ​ണ് ത​ള്ളി​യി​രു​ന്ന​ത്. ഇ​തു​മൂ​ലം നാ​യ്ശ​ല്യ​വും വ്യാപകമായിരുന്നു. നാ​യ്ക്ക​ൾ മാ​ലി​ന്യം റോ​ഡി​ലേ​ക്ക് വ​ലി​ച്ചി​ട്ട്​ കാ​ൽ​ന​ട പോ​ലും പ്ര​യാ​സ​മാ​യി​രു​ന്നു. വ്യാ​പ​ക പ്ര​തി​ഷേ​ധം ഉ​യ​ർ​ന്ന സാ​ഹ​ച​ര്യ​ത്തി​ലാ​ണ് മാ​ലി​ന്യം നീ​ക്കം ചെ​യ്യാ​ൻ ഗ്രാ​മ പ​ഞ്ചാ​യ​ത്തം​ഗം തീ​രു​മാ​നി​ച്ച​ത്.

താ​ലൂ​ക്കി​ലെ പ്ര​ധാ​ന മാ​ലി​ന്യ​നി​ക്ഷേ​പ​കേ​ന്ദ്ര​ങ്ങ​ളി​ൽ കാ​മ​റ സ്ഥാ​പി​ക്കാ​ൻ 14 ല​ക്ഷം രൂ​പ​യു​ടെ പ​ദ്ധ​തി ശാ​സ്താം​കോ​ട്ട ബ്ലോ​ക്ക് പ​ഞ്ചാ​യ​ത്ത് ത​യാ​റാ​ക്കു​ക​യും ചി​ല സ്ഥ​ല​ങ്ങ​ളി​ൽ കാ​മ​റ സ്ഥാ​പി​ക്കു​ക​യും ചെ​യ്തി​രു​ന്നു. റെ​യി​ൽ​വേ സ്റ്റേ​ഷ​ൻ റോ​ഡി​ൽ തൂ​ൺ സ്ഥാ​പി​ച്ച​ങ്കി​ലും കാ​മ​റ സ്ഥാ​പി​ച്ചി​രു​ന്നി​ല്ല. ഇ​താ​ണ് ഇ​വി​ടെ വ​ലി​യ തോ​തി​ൽ മാ​ലി​ന്യം നി​ക്ഷേ​പി​ക്കാ​ൻ കാ​ര​ണ​മാ​യ​ത്. മൈ​നാ​ഗ​പ്പ​ള്ളി ഗ്രാ​മ​പ​ഞ്ചാ​യ​ത്ത് വി​ഹി​തം ഉ​പ​യോ​ഗി​ച്ച് മാ​ർ​ച്ചി​ൽ​ത​ന്നെ റെ​യി​ൽ​വേ സ്റ്റേ​ഷ​ൻ റോ​ഡി​ൽ നാ​ല്​ കാ​മ​റ സ്ഥാ​പി​ക്കു​മെ​ന്നും ഗ്രാ​മ പ​ഞ്ചാ​യ​ത്ത് അം​ഗം ബി. ​സേ​തു​ല​ക്ഷ്മി പ​റ​ഞ്ഞു.