കാഴ്‌ചപരിമിതർക്ക് വെളിച്ചമാകാൻ ‘വിജ്ഞാനദീപം’

കൊ​ല്ലം: ഇ​രു​ൾ വീ​ഴാ​ത്ത വാ​യ​ന​ലോ​ക​ത്ത്​ പു​സ്ത​ക​ങ്ങ​ൾ വാ​യി​ച്ചു​കേ​ൾ​ക്കാ​ൻ കാ​ഴ്ച​പ​രി​മി​ത​ർ​ക്കാ​യി ശ​ബ്ദം​കൊ​ണ്ട് വാ​യ​ന​യെ അ​നു​ഭ​വ​വേ​ദ്യ​മാ​ക്കു​ക​യാ​ണ്​ വ​ജ്ഞാ​ന​ദീ​പം ഓ​ഡി​യോ ലൈ​ബ്ര​റി എ​ന്ന കൂ​ട്ടാ​യ്​​മ. സം​സ്ഥാ​ന​ത്തെ മൂ​ന്നു​ല​ക്ഷ​ത്തോ​ളം വ​രു​ന്ന കാ​ഴ്ച​പ​രി​മി​ത​ർ​ക്ക് വാ​യ​ന​യി​ലൂ​ടെ വി​ജ്ഞാ​ന​സ​മ്പാ​ദ​ന​ത്തി​നു​ള്ള വാ​താ​യ​ന​ങ്ങ​ൾ തു​റ​ന്നി​ടു​ക​യാ​ണ് നാ​നൂ​റോ​ളം സ​ന്ന​ദ്ധ​സേ​വ​ക​രു​ള്ള ഈ ​വാ​യ​ന കൂ​ട്ടാ​യ്മ.

ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലി​രു​ന്ന്​ പു​സ്ത​ക​ങ്ങ​ൾ വാ​യി​ച്ച്​ ഓ​ഡി​യോ നോ​ട്ടു​ക​ളാ​യാ​ണ്​ കാ​ഴ്ച​പ​രി​മി​ത​ർ​ക്കാ​യി അ​യ​ച്ചു​ന​ൽ​കു​ന്ന​ത്. വി​ജ്ഞാ​ന​ദീ​പം ഇം​ഗ്ലീ​ഷ് ലൈ​ബ്ര​റി, മ​ല​യാ​ളം ലൈ​ബ്ര​റി, പ​ള്ളി​ക്കൂ​ടം ലൈ​ബ്ര​റി, ടീ​ച്ചേ​ഴ്സ് ലൈ​ബ്ര​റി എ​ന്നി​ങ്ങ​നെ നി​ര​വ​ധി ടെ​ല​ഗ്രാം ചാ​ന​ലു​ക​ൾ വ​ഴി​യാ​ണ്​ ഇ​വ​യെ​ല്ലാം കാ​ഴ്ച​പ​രി​മി​ത​രി​ലേ​ക്ക്​ എ​ത്തു​ന്ന​ത്.

മ​ല​യാ​ള​ത്തി​ൽ ഇ​തു​വ​രെ നാ​ലാ​യി​ര​ത്തി​ല​ധി​കം പു​സ്ത​ക​ങ്ങ​ളും ഇം​ഗ്ലീ​ഷി​ൽ 1500 ലേ​റെ പു​സ്​​ത​ക​ങ്ങ​ളും ഓ​ഡി​യോ ലൈ​ബ്ര​റി​യി​ൽ ല​ഭി​ക്കും. കൂ​ടാ​തെ കാ​ഴ്ച​പ​രി​മി​ത​രാ​യ അ​ധ്യാ​പ​ക​ർ​ക്കാ​യി ടീ​ച്ചി​ങ് ​നോ​ട്ടു​ക​ൾ, സ്റ്റ​ഡി മെ​റ്റീ​രി​യ​ലു​ക​ൾ, പ്രോ​ജ​ക്ടു​ക​ൾ, സ്കൂ​ൾ വി​ദ്യാ​ർ​ഥി​ക​ൾ​ക്കാ​യി ഒ​ന്നാം ക്ലാ​സ്​ മു​ത​ലു​ള്ള പു​സ്ത​ങ്ങ​ൾ എ​ന്നി​വ​യു​ടെ ശേ​ഖ​ര​വും ല​ഭ്യ​മാ​ണ്.

എ​ല്ലാ ദി​വ​സ​വും രാ​വി​ലെ അ​ഞ്ചി​നു​മു​മ്പ്​ മ​ല​യാ​ള​ത്തി​ലും ഇം​ഗ്ലീ​ഷി​ലു​മാ​യി നി​ര​വ​ധി പ​ത്ര​ങ്ങ​ൾ വാ​യി​ച്ച്​ ഓ​ഡി​യോ രൂ​പ​ത്തി​ലാ​ക്കി വി​ജ്ഞാ​ന​ദീ​പം ന്യൂ​സ് റൂം ​ചാ​ന​ലി​ൽ പോ​സ്റ്റ്​​ചെ​യ്യു​ന്ന​തും പ​തി​വാ​ണ്.

ഇ​തി​നു​പു​റ​മേ ക​രി​യ​ർ ഗൈ​ഡ​ൻ​സ്, ഇം​ഗ്ലീ​ഷ് ലേ​ണി​ങ്, ടെ​ക് വി​ഷ​ൻ എ​ന്നീ ചാ​ന​ലു​ക​ളും കൂ​ട്ടാ​യ്മ​ക്കു​ണ്ട്. സ​മൂ​ഹ​മാ​ധ്യ​മ​ങ്ങ​ളാ​യ ടെ​ല​ഗ്രാം, വാ​ട്സ്ആ​പ് എ​ന്നി​വ​യു​ടെ സാ​ധ്യ​ത​ക​ൾ പ​ര​മാ​വ​ധി പ്ര​യോ​ജ​ന​പ്പെ​ടു​ത്തി കാ​ഴ്ച​പ​രി​മി​ത​രു​ടെ സ​മ​സ്ത​മേ​ഖ​ല​യി​ലു​മു​ള്ള വി​ക​സ​നം ല​ക്ഷ്യ​മി​ട്ട് വ്യ​ത്യ​സ്ത​ങ്ങ​ളാ​യ പ്ര​വ​ർ​ത്ത​ന​ങ്ങ​ൾ ആ​വി​ഷ്ക​രി​ച്ച് ന​ട​പ്പാ​ക്കി​വ​രു​ക​യാ​ണി​വ​ർ.

വേ​ൾ​ഡ് ഓ​ഫ് ലൈ​റ്റ് എ​ന്ന പേ​രി​ൽ ഏ​ഴു​പേ​രെ ഉ​ൾ​പ്പെ​ടു​ത്തി കാ​സ​ർ​കോ​ട്​ സ്വ​ദേ​ശി റൗ​ഫ് മാ​ണി​ക്കോ​ത്ത് വാ​ട്സ്ആ​പ്പി​ൽ തു​ട​ങ്ങി​യ ഗ്രൂ​പ്പി​ൽ ആ​ദ്യം ചെ​റു​ക​ഥ​ക​ളും ലേ​ഖ​ന​ങ്ങ​ളും ശ​ബ്ദ​രൂ​പ​ത്തി​ലാ​ക്കി പോ​സ്റ്റ് ചെ​യ്യു​ക​യാ​യി​രു​ന്നു. എ​ന്നാ​ൽ, വാ​ട്​​സ്​​ആ​പ്പി​ലെ പ​രി​മി​തി​ക​ളാ​ൽ വ​ലി​യ പു​സ്ത​ക​ങ്ങ​ൾ പൂ​ർ​ണ​രൂ​പ​ത്തി​ൽ അ​യ​ക്കാ​ൻ സാ​ധി​ച്ചി​രു​ന്നി​ല്ല. തു​ട​ർ​ന്ന് ടെ​ല​ഗ്രാ​മി​ലൂ​ടെ ഈ ​ചെ​റി​യ ഓ​ഡി​യോ ക്ലി​പ്പു​ക​ൾ ഒ​രു​മി​ച്ചു​ചേ​ർ​ത്ത് പൂ​ർ​ണ​ത​യു​ള്ള ഓ​ഡി​യോ ബു​ക്കാ​യി ലൈ​ബ്ര​റി രൂ​പ​വ​ത്​​ക​രി​ക്കു​ക​യാ​യി​രു​ന്നു. നി​ല​വി​ൽ കേ​ര​ള​ത്തി​ലെ കാ​ഴ്ച​പ​രി​മി​ത​രു​ടെ ഇ​ട​യി​ൽ പ്ര​വ​ർ​ത്തി​ക്കു​ന്ന ഏ​റ്റ​വും വ​ലി​യ ഓ​ഡി​യോ/​ടോ​ക്കി​ങ് ബു​ക്ക് ലൈ​ബ്ര​റി​യാ​ണ് വി​ജ്ഞാ​ന​ദീ​പം.

ഇ​ന്ത്യ​ൻ കോ​പ്പി​റൈ​റ്റ് ആ​ക്ട്, 2012ൽ ​ഭേ​ദ​ഗ​തി ചെ​യ്ത​തു​പ്ര​കാ​രം എ​ല്ലാ​വി​ധ പു​സ്ത​ക​ങ്ങ​ളും പ്ര​സാ​ധ​ക​രു​ടെ​യോ എ​ഴു​ത്തു​കാ​രു​ടെ​യോ അ​നു​വാ​ദം കൂ​ടാ​തെ സൗ​ജ​ന്യ​മാ​യി, നി​യ​മ​ത​ട​സ്സ​മി​ല്ലാ​തെ കാ​ഴ്ച​പ​രി​മി​ത​ർ​ക്കാ​യി റെ​ക്കോ​ഡ് ചെ​യ്യാം എ​ന്ന വ്യ​വ​സ്ഥ​യി​ലാ​ണ് കൂ​ട്ടാ​യ്മ​യു​ടെ പ്ര​വ​ർ​ത്ത​നം.