റോഡ് കുളമായി: പുളിമൂട് - പായിക്കാട് റോഡിൽ കാൽനടയാത്ര ദുസ്സഹം

ഏറ്റുമാനൂർ: പേരൂർ പുളിമൂട് - പായിക്കാട് റോഡിൽ യാത്ര തീർത്തും ദുസ്സഹമായി. പാറമ്പുഴ, സംക്രാന്തി ഭാഗങ്ങളിൽനിന്നും ഏറ്റുമാനൂരിലെ ഗതാഗതക്കുരുക്ക് ഒഴിവാക്കി പാലാ റോഡിൽ എത്താനുള്ള എളുപ്പവഴിയാണ് കാൽനട യാത്ര പോലും ദുസ്സഹമായി തകർന്നു കിടക്കുന്നത്. പായിക്കാട്, പാറെക്കടവ് വഴി പേരൂരിലെ പ്രധാന ജങ്​ഷൻ ആയ കണ്ടൻചിറയിലെത്തുന്ന റോഡി​ൻെറ ഒരു കിലോമീറ്ററിലധികം വരുന്ന ഭാഗമാണ് കുണ്ടും കുഴിയുമായത്. പുളിമൂട് - പായിക്കാട് കവല പാറേക്കടവ് - കണ്ടൻചിറ കവല തുടങ്ങിയ സ്ഥലങ്ങളിൽ കൂടി കോട്ടയം - ഏറ്റുമാനൂർ റൂട്ടിൽ ബസ് സർവിസ് നടന്നിരുന്നതാണ്. ഈ പ്രദേശത്തുള്ള സ്കൂൾ-കോളജ് വിദ്യാർഥികൾ, സർക്കാർ, പ്രൈവറ്റ് സ്ഥാപനങ്ങളിൽ ജോലിക്ക് പോകുന്നവർ രണ്ട് ബസുകളെ ആശ്രയിച്ചും, മറ്റു വാഹനങ്ങളെയും ആശ്രയിച്ചാണ് യാത്ര ചെയ്തുകൊണ്ടിരിക്കുന്നത്. എന്നാൽ, റോഡി​ൻെറ ശോച്യാവസ്ഥയെ തുടർന്ന് ബസുകൾ സർവിസ് നിർത്തി​െവച്ചിരിക്കുകയാണ്. നൂറുകണക്കിന് കുടുംബങ്ങൾക്ക് മറ്റു സ്ഥലങ്ങളിലേക്ക് പോകാൻ മാർഗമില്ലാത്ത അവസ്ഥയാണ്. ഓട്ടോറിക്ഷകൾ ഓട്ടം വരാൻ മടിക്കുന്നു. ചെളിയിൽ പുതഞ്ഞാണ് വിദ്യാർഥികളും മറ്റും സ്കൂളിൽ പോകുന്നത്. സ്കൂൾ ബസുകൾ ഈ റൂട്ടിൽ ഇല്ലാത്തതിനാൽ സ്വകാര്യ ബസുകളായിരുന്നു വിദ്യാർഥികൾക്ക് ആശ്രയം. റോഡിൽ വൻ കുഴികളാണ്. വെള്ളപ്പൊക്കത്തിൽ പലയിടത്തും റോഡി​ൻെറ ഭാഗങ്ങൾ ഒലിച്ചുപോയ നിലയിലാണ്. ഇരുചക്രവാഹനങ്ങൾ അപകടത്തിൽപെടുന്നത് പതിവാണ്. പല തവണ തങ്ങളുടെ ദുരവസ്ഥ അധികൃതരെ അറിയിച്ചിട്ടും തിരിഞ്ഞുനോക്കുന്നി​െല്ലന്നാണ് നാട്ടുകാരുടെ പരാതി. നഗരസഭയുടെ മൂന്ന് വാർഡുകൾ ഉൾപ്പെടുന്ന പ്രദേശമാണിത്. അതേസമയം, റോഡി​ൻെറ റീടാറിങ്ങിന്​ 59 ലക്ഷം കരാർ ആയിട്ടുണ്ടെന്നും പണികൾ ഉടൻ ആരംഭിക്കുമെന്നും നഗരസഭ കൗൺസിലർ രാധിക രമേശ്‌ മാധ്യമത്തോട് പറഞ്ഞു. ചിത്രം - കുണ്ടും കുഴിയുമായ പേരൂർ പുളിമൂട് - പായിക്കാട് റോഡ്