ഉപതെരഞ്ഞെടുപ്പ്: കാൻഡിഡേറ്റ് സെറ്റിങ്ങിന് ഇന്ന് തുടക്കം

കോ​ട്ട​യം: പു​തു​പ്പ​ള്ളി നി​യ​മ​സ​ഭ ഉ​പ​തെ​ര​ഞ്ഞെ​ടു​പ്പി​ൽ ഉ​പ​യോ​ഗി​ക്കു​ന്ന വോ​ട്ടു​യ​ന്ത്ര​ങ്ങ​ളു​ടെ കാ​ൻ​ഡി​ഡേ​റ്റ് സെ​റ്റി​ങ്​ വെ​ള്ളി​യാ​ഴ്ച തു​ട​ങ്ങും. രാ​വി​ലെ എ​ട്ടു മു​ത​ൽ വൈ​കീ​ട്ട് ആ​റു​മ​ണി വ​രെ​യാ​ണ് സെ​റ്റി​ങ് ന​ട​ക്കു​ക. ബ​സേ​ലി​യ​സ് കോ​ള​ജി​ലെ സ്ട്രോ​ങ്​ മു​റി​ക​ളി​ൽ സൂ​ക്ഷി​ച്ചി​രി​ക്കു​ന്ന യ​ന്ത്ര​ങ്ങ​ളി​ൽ കേ​ന്ദ്ര നി​രീ​ക്ഷ​ക​ന്റെ​യും രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളു​ടെ​യും സാ​ന്നി​ധ്യ​ത്തി​ലാ​ണ് കാ​ൻ​ഡി​ഡേ​റ്റ് സെ​റ്റി​ങ്​ ന​ട​ത്തു​ന്ന​ത്. വ​ര​ണാ​ധി​കാ​രി​ക്കാ​ണ് ചു​മ​ത​ല.

പോ​ളി​ങ് ബൂ​ത്തു​ക​ളി​ലേ​ക്ക് യ​ന്ത്ര​ങ്ങ​ൾ വി​ത​ര​ണം ചെ​യ്യു​ന്ന​തി​നു​മു​മ്പു​ള്ള അ​വ​സാ​ന സ​ജ്ജീ​ക​ര​ണ​ങ്ങ​ളാ​ണ് കാ​ൻ​ഡി​ഡേ​റ്റ് സെ​റ്റി​ങ്ങി​ലു​ള്ള​ത്. സ്ഥാ​നാ​ർ​ഥി​ക​ളു​ടെ പേ​രും ഫോ​ട്ടോ​യും ചി​ഹ്ന​വു​മു​ള്ള ലേ​ബ​ൽ ബാ​ല​റ്റ് യൂ​നി​റ്റി​ൽ വെ​ച്ച് സീ​ൽ ചെ​യ്യും. വോ​ട്ടു​ചെ​യ്യു​മ്പോ​ൾ സ്ലി​പ്പ് പ്രി​ന്റ് ചെ​യ്യു​ന്ന വി​ധ​ത്തി​ൽ വി​വി​പാ​റ്റ് യ​ന്ത്ര​ങ്ങ​ൾ ബാ​റ്റ​റി ഇ​ട്ട് സ​ജ്ജ​മാ​ക്കും. മൂ​ന്നു യൂ​നി​റ്റു​ക​ളും ബ​ന്ധി​പ്പി​ച്ച​ശേ​ഷം ഓ​രോ സ്ഥാ​നാ​ർ​ഥി​ക്കും നോ​ട്ട​ക്കും ഓ​രോ വോ​ട്ടു​വീ​തം ചെ​യ്ത് ക​ൺ​ട്രോ​ൾ യൂ​നി​റ്റി​ലെ ഫ​ല​വും വി​വി​പാ​റ്റി​ന്റെ പ്ര​വ​ർ​ത്ത​ന​വും കൃ​ത്യ​മെ​ന്ന് ഉ​റ​പ്പാ​ക്കും. പ​രി​ശോ​ധ​ന​ക്കു​ശേ​ഷം ഈ ​വോ​ട്ടു​ക​ൾ നീ​ക്കും. പ​രി​ശോ​ധ​ന വേ​ള​യി​ൽ പ്ര​വ​ർ​ത്ത​ന​ക്ഷ​മ​മ​ല്ലെ​ന്ന് ക​ണ്ടെ​ത്തു​ന്ന യ​ന്ത്ര​ങ്ങ​ൾ​ക്കു​പ​ക​രം പു​തി​യ യ​ന്ത്ര​ങ്ങ​ൾ വെ​ക്കും. ഓ​രോ പോ​ളി​ങ്​ ബൂ​ത്തി​ലേ​ക്കു​മു​ള്ള ക​ൺ​ട്രോ​ൾ, ബാ​ല​റ്റ് യൂ​നി​റ്റു​ക​ളും വി​വി​പാ​റ്റും ഒ​ന്നി​ച്ച് സ്ട്രോ​ങ്​ മു​റി​യി​ലേ​ക്ക് മാ​റ്റും. 18 ടേ​ബി​ളു​ക​ളി​ലാ​യാ​ണ് സെ​റ്റി​ങ് ന​ട​ത്തു​ന്ന​ത്.