ചങ്ങനാശ്ശേരി: നായർ സർവിസ് സൊസൈറ്റി സമുദായാചാര്യൻ മന്നത്ത് പത്മനാഭന്റെ 146ാമത് ജയന്തി ആഘോഷം പെരുന്നയിലെ എൻ.എസ്.എസ് ആസ്ഥാനത്ത് ജനുവരി ഒന്ന്, രണ്ട് തീയതികളിൽ നടക്കും. ജനുവരി ഒന്നിന് രാവിലെ ഏഴുമുതൽ മന്നം സമാധിയിൽ പുഷ്പാർച്ചന നടക്കും. 10.15ന് നടക്കുന്ന അഖില കേരള നായർ പ്രതിനിധി സമ്മേളനത്തിൽ ജനറൽ സെക്രട്ടറി ജി. സുകുമാരൻ നായർ വിശദീകരണം നടത്തും.
രണ്ടിന് രാവിലെ ഏഴുമുതൽ മന്നം സമാധിയിൽ പുഷ്പാർച്ചന നടക്കും. 10.45ന് നടക്കുന്ന മന്നം ജയന്തി സമ്മേളനം ഡോ. ശശി തരൂർ എം.പി ഉദ്ഘാടനം ചെയ്യും. എൻ.എസ്.എസ് കൺവെൻഷൻ സെന്ററിന്റെയും ഗെസ്റ്റ് ഹൗസിന്റെയും ഉദ്ഘാടനം ജനറൽ സെക്രട്ടറി ജി. സുകുമാരൻ നായർ നിർവഹിക്കും.
മന്നം ജയന്തി: പെരുന്ന എൻ.എസ്.എസ് ആസ്ഥാനത്ത് ഒരുക്കമായി
ചങ്ങനാശ്ശേരി: മന്നത്ത് പത്മനാഭന്റെ ജയന്തി ആഘോഷത്തിനായി പെരുന്ന എന്‍.എസ്.എസ് ആസ്ഥാനത്ത് ഒരുക്കം പൂര്‍ത്തിയായി. 50,000 ചതുരശ്രയടിയുള്ള പന്തല്‍ നിര്‍മാണം എന്‍.എസ്.എസ് വിദ്യാഭ്യാസ സമുച്ചയത്തിനു മധ്യത്തിലുള്ള മൈതാനിയില്‍ പൂര്‍ത്തിയായി. പന്തലിന്റെ അവസാനവട്ട അലങ്കാരപ്പണിയും പൂര്‍ത്തീകരിച്ചു. മന്നം സമാധിമണ്ഡപവും സമീപമുള്ള പാർക്കും കെട്ടിട സമുച്ചയങ്ങളും വർണാഭമാക്കുന്ന പ്രവൃത്തികൾ പൂർത്തിയായി വരുന്നു.
കൂറ്റൻ പന്തലിൽ 40,000 പേർക്കാണ് ഇരിപ്പിട സൗകര്യം. ആഘോഷങ്ങളിൽ പങ്കെടുക്കുന്ന മുഴുവൻ പേർക്കും ഭക്ഷണ സൗകര്യം ഒരുക്കിയിട്ടുണ്ട്. സംസ്ഥാനത്തിന്റെ വിവിധ ഭാഗങ്ങളിൽനിന്ന് എത്തുന്ന സമുദായ പ്രവർത്തകർക്കുള്ള താമസ സൗകര്യവും എൻ.എസ്.എസ് ആസ്ഥാനത്തെ വിദ്യാഭ്യാസ സമുച്ചയങ്ങളിൽ ക്രമീകരിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.