ഗോ​ഡൗ​ണി​ന്​ തീ​പി​ടി​ച്ചു

കോ​ട്ട​യം: പ​ല​ച​ര​ക്കു​സാ​ധ​ന​ങ്ങ​ളു​ടെ മൊ​ത്ത​വ്യാ​പാ​ര കേ​ന്ദ്ര​ത്തി​ന്​​ തീ​പി​ടി​ച്ച്​ വ​ൻ​ന​ഷ്ടം. എം.​എ​ൽ റോ​ഡി​ൽ ബി​വ​റേ​ജ​സ് കോ​ർ​പ​റേ​ഷ​ന്റെ ഔ​ട്ട്​​ല​റ്റി​ന് എ​തി​ർ​വ​ശ​ത്ത ഗോ​ഡൗ​ണി​നാ​ണ് ബു​ധ​നാ​ഴ്ച പു​ല​ർ​ച്ച 1.15ന് ​തീ​പി​ടി​ച്ച​ത്. തീ ​ആ​ളി​ക്ക​ത്തി​യ​തോ​ടെ കെ​ട്ടി​ട​ത്തി​ൽ ഉ​ണ്ടാ​യി​രു​ന്ന സാ​ധ​ന​ങ്ങ​ളി​ൽ ഏ​റി​യ പ​ങ്കും ക​ത്തി​ന​ശി​ച്ചു.

കോ​ട്ട​യം, ച​ങ്ങ​നാ​ശ്ശേ​രി, പാ​മ്പാ​ടി, ക​ടു​ത്തു​രു​ത്തി എ​ന്നി​വി​ട​ങ്ങ​ളി​ൽ​നി​ന്ന്​ അ​ഗ്​​നി​ര​ക്ഷാ​സേ​ന​യെ​ത്തി പു​ല​ർ​ച്ച അ​ഞ്ചോ​ടെ​യാ​ണ്​ തീ​പൂ​ർ​ണ​മാ​യി അ​ണ​ച്ച​ത്. തീ ​ആ​ളി​പ്പ​ട​ർ​ന്ന​തി​നാ​ൽ അ​ക​ത്തു​ക​യ​റാ​ൻ സാ​ധി​ച്ചി​ല്ല. തു​ട​ർ​ന്നു പു​റ​ത്തു​നി​ന്ന്​ വെ​ള്ളം അ​ക​ത്തേ​ക്ക് ഒ​ഴി​ച്ച്​ തീ​യ​ണ​ക്കു​ക​യാ​യി​രു​ന്നു.

പ​ല​ച​ര​ക്കു​സാ​ധ​ന​ങ്ങ​ളു​ടെ മൊ​ത്ത​വ്യാ​പാ​ര​ത്തി​നാ​യി മാ​ങ്ങാ​നം സ്വ​ദേ​ശി സു​നി​ൽ വാ​ട​ക​ക്കെ​ടു​ത്ത​ കെ​ട്ടി​ടം ഗോ​ഡൗ​ണാ​യി ഉ​പ​യോ​ഗി​ച്ചു​വ​രു​ക​യാ​യി​രു​ന്നു. ഷോ​ർ​ട്ട്​ സ​ർ​ക്യൂ​ട്ടാ​ണ്​ അ​പ​ക​ട​കാ​ര​ണ​മെ​ന്നാ​ണ്​ പ്രാ​ഥ​മി​ക നി​ഗ​മ​നം. കെ​ട്ടി​ട​ത്തി​ലു​ണ്ടാ​യി​രു​ന്ന സാ​ധ​ന​ങ്ങ​ളെ​ല്ലാം ന​ശി​ച്ചു. ന​ഷ്ടം ക​ണ​ക്കാ​ക്കി വ​രു​ന്നു.