'വിലത്തീ'; പൊള്ളും വില എങ്ങോട്ട്

കോ​ട്ട​യം: പു​തു​വ​ർ​ഷ​ത്തോ​ട​ടു​ക്കു​മ്പോ​ൾ ക​ടു​ത്ത സാ​മ്പ​ത്തി​ക​പ്ര​തി​സ​ന്ധി​യി​ൽ ഞെ​രി​ഞ്ഞ​മ​രു​ക​യാ​ണ്​ മി​ക്ക കു​ടും​ബ​ങ്ങ​ളും. തു​ച്ഛ​മാ​യ ശ​മ്പ​ള​ത്തി​ന്‍റെ സിം​ഹ​ഭാ​ഗ​വും അ​ടി​സ്ഥാ​ന ആ​വ​ശ്യ​ങ്ങ​ൾ​ക്കാ​യി ചെ​ല​വ​ഴി​ക്കേ​ണ്ട അ​വ​സ്ഥ​യാ​ണ്.

350 രൂ​പ ദി​വ​സ​ക്കൂ​ലി വാ​ങ്ങു​ന്ന സാ​ധാ​ര​ണ​ക്കാ​ര​ൻ പ​ല​തി​നു​മാ​യി ചെ​ല​വ​ഴി​ച്ച്​ കീ​ശ​യി​ലേ​ക്ക്​ നോ​ക്കു​മ്പോ​ൾ ഒ​ന്നും അ​വ​ശേ​ഷി​ക്കാ​റി​ല്ല. ക്രി​സ്മ​സ്​-​പു​തു​വ​ത്സ​ര ആ​ഘോ​ഷ​ങ്ങ​ൾ​ക്കാ​യി ക​ട​ക​ളി​ലേ​ക്ക്​ ചെ​ല്ലു​ന്ന​ത്​ ഹൃ​ദ​യ​മി​ടി​പ്പോ​ടെ​യാ​ണ്.

വൈ​ദ്യു​തി, പ​ച്ച​ക്ക​റി, പ​ല​വ്യ​ഞ്ജ​നം, ഭ​ക്ഷ്യ​വ​സ്തു​ക്ക​ൾ, പാ​ച​ക​വാ​ത​കം, വ​സ്ത്രം തു​ട​ങ്ങി ഉ​പ്പ്​ തൊ​ട്ട്​ ക​ർ​പ്പൂ​രം വ​രെ​യു​ള്ള അ​വ​ശ്യ​സാ​ധ​ന​ങ്ങ​ൾ​ക്ക്​​ തീ​വി​ല​യാ​ണ്. വി​ല​ക്ക​യ​റ്റം പ​ല​രും ചൂ​ഷ​ണം ചെ​യ്യു​ന്ന സാ​ഹ​ച​ര്യ​വു​മു​ണ്ട്. വി​ല​ക്ക​യ​റ്റ​ത്തി​ന്‍റെ പേ​രി​ൽ മി​ക്ക​യി​ട​ങ്ങ​ളി​ലും അ​നി​യ​ന്ത്രി​ത​മാ​യി വി​ല കൂ​ട്ടു​ന്ന വ്യാ​പാ​രി​ക​ൾ സാ​ധാ​ര​ണ​ക്കാ​ര​ന്​ വെ​ല്ലു​വി​ളി ഉ​യ​ർ​ത്തു​ക​യാ​ണ്. ദി​വ​സ​ങ്ങ​ളു​ടെ ഇ​ട​വേ​ള​ക​ളി​ലാ​ണ്​ വി​ല​ക്ക​യ​റ്റം മ​റ​യാ​ക്കി കൊ​ള്ള​ലാ​ഭ​വും പൂ​ഴ്ത്തി​വെ​പ്പും ന​ട​ത്തു​ന്ന​ത്.

വീ​ട്ട​മ്മ​മാ​രി​ൽ ആ​കു​ല​ത

പ​ച്ച​ക്ക​റി, പ​ല​വ്യ​ഞ്ജ​നം, പാ​ച​ക​വാ​ത​കം തു​ട​ങ്ങി അ​വ​ശ്യ​സാ​ധ​ന​ങ്ങ​ളു​ടെ പൊ​ള്ളും​വി​ല​യി​ൽ വീ​ട്ട​മ്മ​മാ​രു​ടെ നെ​ഞ്ചി​ടി​പ്പ്​ കൂ​ടു​ക​യാ​ണ്. വീ​ട്ടാ​വ​ശ്യ​ങ്ങ​ൾ​ക്കാ​യു​ള്ള​ നീ​ക്കി​യി​രി​പ്പ്​ പ​ല​പ്പോ​ഴും തി​ക​യാ​ത്ത അ​വ​സ്ഥ​യാ​ണ്. ഗാ​ർ​ഹി​കാ​വ​ശ്യ​ങ്ങ​ൾ​ക്കാ​യു​ള്ള പാ​ച​വാ​ത​ക​ത്തി​ന്‍റെ നി​ര​ക്ക്​ ഏ​റി​യും കു​റ​ഞ്ഞും തു​ട​രു​ക​യാ​ണ്. മ​ണ്ണെ​ണ്ണ കി​ട്ടാ​ക്ക​നി​യും. പെ​ട്രോ​ളി​യും ഉ​ൽ​​പ​ന്ന​ങ്ങ​ൾ​ക്കും തീ​വി​ല​യാ​ണ്. കു​ടും​ബ ബ​ജ​റ്റി​ന്‍റെ പ​കു​തി​യി​ല​ധി​ക​വും വി​ല​ക്ക​യ​റ്റം അ​പ​ഹ​രി​ക്കു​ക​യാ​ണ്. ക​ഷ്ട​പ്പെ​ട്ട്​ മി​ച്ചം പി​ടി​ക്കു​ന്ന​തി​നി​ടെ അ​പ്ര​തീ​ക്ഷി​ത​മാ​യി വ​രു​ന്ന ആ​ശു​പ​ത്രി​ചി​ല​വു​ക​ൾ ഇ​ട​ത്ത​രം കു​ടും​ബ​ത്തി​ന്‍റെ പ്ര​തീ​ക്ഷ​ക​ൾ ത​കി​ടം​മ​റി​ക്കു​ന്നു.

യു​വ​ത​യും അസ്വസ്ഥരാ​ണ്​

കു​റ​ഞ്ഞ വേ​ത​ന​ത്തി​ൽ ജോ​ലി ചെ​യ്യു​ന്ന​വ​രും വി​ദ്യാ​ർ​ഥി​ക​ളു​മ​ട​ങ്ങു​ന്ന യു​വ​സ​മൂ​ഹ​വും വി​ല​ക്ക​യ​റ്റ​ത്തി​ൽ അ​തൃ​പ്ത​രാ​ണ്. മി​നി​മം വേ​ത​നം ല​ഭി​ക്കു​ന്ന ഉ​ദ്യോ​ഗാ​ർ​ഥി​ക​ളു​ടെ ശ​മ്പ​ള​ത്തി​ന്‍റെ പ​കു​തി​യി​ലേ​റെ​യും വി​ല​ക്ക​യ​റ്റം അ​പ​ഹ​രി​ക്കു​ക​യാ​ണ്. മാ​ന​സി​കോ​ല്ലാ​സ​ത്തി​നാ​യി ഒ​രു യാ​ത്ര​പോ​കാ​നോ സി​നി​മ കാ​ണാ​നോ ശ​മ്പ​ള​ത്തി​ൽ​നി​ന്ന്​ നീ​ക്കി​യി​രി​പ്പ്​ ന​ട​ക്കാ​നാ​വാ​ത്ത അ​വ​സ്ഥ​യാ​ണ്. മൊ​ബൈ​ൽ റീ​ചാ​ർ​ജ്, യാ​ത്രാ​ച്ചെ​ല​വ്, ഭ​ക്ഷ​ണം, ഇ.​എം.​ഐ തു​ട​ങ്ങി​യ ത​ട​സ്സ​ങ്ങ​ൾ യു​വ​ത​യെ പി​​ന്നോ​ട്ട​ടി​പ്പി​ക്കു​ക​യാ​ണ്. മി​ക​ച്ച വേ​ത​ന​മി​ല്ലാ​തെ കി​ട്ടി​യ ജോ​ലി ചെ​യ്ത്​ തൃ​പ്​തി​പ്പെ​ടു​ന്ന​വ​രാ​ണ്​ മി​ക്ക യു​വാ​ക്ക​ളും. മാ​സാ​വ​സാ​നം അ​ക്കൗ​ണ്ടി​ൽ ഒ​രു രൂ​പ പോ​ലും അ​വ​ശേ​ഷി​ക്കാ​ത്ത അ​വ​സ്ഥ​യി​ലാ​ണ്​ ഭൂ​രി​ഭാ​ഗം ഉ​ദ്യോ​ഗാ​ർ​ഥി​ക​ളും.

കേ​ര​ളം ക​ട​ക്കെ​ണി​യി​ലേ​ക്ക്എ  ​ത്തു​മെ​ന്ന​തി​ൽ സം​ശ​യ​മി​ല്ല’

അ​വ​ശ്യ​സാ​ധ​ന വി​ല​ക്ക​യ​റ്റം​ മൂ​ലം സാ​ധാ​ര​ണ​ക്കാ​രാ​യ ജ​ന​ങ്ങ​ൾ​ക്ക്‌ ജീ​വി​ക്കാ​ൻ പ​റ്റാ​ത്ത ഈ ​സാ​ഹ​ച​ര്യ​ത്തി​ൽ വൈ​ദ്യു​തി നി​ര​ക്ക്​ വ​ർ​ധ​ന താ​ങ്ങാ​ൻ പ​റ്റാ​ത്ത​താ​ണ്. അ​രി മു​ത​ൽ മ​ണ്ണെ​ണ്ണ വ​രെ​യു​ള്ള വീ​ട്ടി​ലെ നി​ത്യോ​പ​യോ​ഗ സാ​ധ​ന​ങ്ങ​ൾ​ക്ക് വി​ല കൂ​ട്ടി. അ​ഞ്ച്​ വ​ർ​ഷം വി​ല കൂ​ടി​ല്ല എ​ന്ന പ്ര​ഖ്യാ​പ​ന​വു​മാ​യി ഭ​ര​ണ​ത്തി​ൽ വ​ന്ന സ​ർ​ക്കാ​ർ അ​ഞ്ച്​ വ​ർ​ഷം തി​ക​യു​ന്ന​തി​നു മു​ന്നേ വി​ല​കൂ​ട്ട​ൽ മാ​മാ​ങ്കം തു​ട​ങ്ങി. പ​ച്ച​ക്ക​റി​ക​ൾ, പാ​ല്, എ​ണ്ണ, പെ​ട്രോ​ൾ, ഡീ​സ​ൽ എ​ന്നി​വ​ക്കും വി​ല കൂ​ടി, കൂ​ടാ​തെ വീ​ട്ടു​ക​രം, വെ​ള്ള​ക്ക​രം, തൊ​ഴി​ൽ​നി​കു​തി എ​ന്നി​വ​ക്കും അ​മി​ത​നി​കു​തി ഏ​ർ​പ്പെ​ടു​ത്തി. ഇ​തൊ​ക്കെ ന​ട​ക്കു​മ്പോ​ഴും സ​ർ​ക്കാ​റി​ന്‍റെ ദൂ​ർ​ത്തി​നും ധാ​രാ​ളി​ത​ത്തി​നും ഒ​രു കു​റ​വു​മി​ല്ല. പ​ശു​തൊ​ഴു​ത്ത്​ പ​ണി​യാ​ൻ വ​രെ പ​ണം വ​ക​മാ​റ്റി​യ സ​ർ​ക്കാ​റാ​ണ് ഇ​ന്ന് കേ​ര​ളം ഭ​രി​ക്കു​ന്ന​ത്‌. ഇ​ത് ഇ​ങ്ങ​നെ തു​ട​ർ​ന്നാ​ൽ കേ​ര​ളം വ​ലി​യ ക​ട​ക്കെ​ണി​യി​ലേ​ക്ക് ചെ​ന്നെ​ത്തും എ​ന്ന​തി​ൽ സം​ശ​യ​മി​ല്ല.

- വി​നി​ത അ​ന്ന തോ​മ​സ്​

(യൂ​ത്ത്​ കോ​ൺ​ഗ്ര​സ്​ നാ​ട്ട​കം മ​ണ്ഡ​ലം പ്ര​സി​ഡ​ന്‍റ്)

‘വി​ല​ക്ക​യ​റ്റം ബാ​ധി​ക്കു​ന്ന​ത്

സാ​ധാ​ര​ണ​ക്കാ​രെ’

നാ​ട്ടി​ൽ എ​ന്ത് പ്ര​ശ്നം വ​ന്നാ​ലും ബാ​ധി​ക്കു​ന്ന​ത്‌ സാ​ധാ​ര​ണ ജ​ന​ങ്ങ​ളെ​യാ​ണ്. വി​ല​ക്ക​യ​റ്റം ഏ​റെ ബാ​ധി​ച്ചി​രി​ക്കു​ന്ന​ത് സാ​ധാ​ര​ണ​ക്കാ​രെ​യാ​ണ്. നി​ശ്ചി​ത വ​രു​മാ​ന​ത്തി​ൽ ഒ​തു​ങ്ങി​ക്കൂ​ടു​ന്ന സാ​ധാ​ര​ണ​ക്കാ​ര​ന് ചെ​ല​വ് ചു​രു​ക്ക​ലി​ന്‍റെ ഭാ​ഗ​മാ​യി അ​വ​ന്‍റെ ഭ​ക്ഷ​ണ​ക്ര​മ​ത്തി​ൽ പോ​ലും മാ​റ്റം വ​രു​ത്തേ​ണ്ടി​വ​രു​ന്നു. വി​ല​ക്ക​യ​റ്റം എ​ന്ന​ത് ഒ​ന്നി​ൽ മാ​ത്രം ഒ​തു​ങ്ങി നി​ൽ​ക്കു​ന്നി​ല്ല.

പ​ല​ച​ര​ക്ക് സാ​ധ​ന​ങ്ങ​ൾ, പ​ച്ച​ക്ക​റി​ക​ൾ, മ​രു​ന്നു​ക​ൾ, വൈ​ദ്യു​തി എ​ന്നു​വേ​ണ്ട നി​ത്യോ​പ​യോ​ഗ സാ​ധ​ന​ങ്ങ​ൾ എ​ല്ലാ​ത്തി​ലും വി​ല​ക്ക​യ​റ്റം ഉ​ണ്ടാ​കും. വി​ല​ക്ക​യ​റ്റം ത​ട​യാ​നാ​യി സ്വ​ന്ത​മാ​യി എ​ല്ലാം ഉ​ണ്ടാ​ക്കു​ക എ​ന്ന​ത് പ്ര​ായോ​ഗി​ക​വു​മ​ല്ല.

അ​ല്ലെ​ങ്കി​ൽ ശ​മ്പ​ളം വ​ർ​ധി​ക്ക​ണം.​ അ​ത് സ്വ​കാ​ര്യ ക​മ്പ​നി​ക​ളി​ൽ ജോ​ലി ചെ​യ്യുന്ന​വ​ർ​ക്കും ദി​വ​സ​വേ​ത​നം വാ​ങ്ങി​ക്കു​ന്ന​വ​ർ​ക്കും സാ​ധ്യ​മാ​കു​ന്നി​ല്ല. വ​രു​മാ​ന​ത്തി​ൽ​നി​ന്ന്​ മി​ച്ചം പി​ടി​ക്കാ​നാ​യി വീ​ട്ട​മ്മ​മാ​ർ​ക്ക്​ ഇ​പ്പൊ​ൾ സാ​ധി​ക്കു​ന്നി​ല്ല. 

((തു​ട​രും))