കുതിരവട്ടത്തുനിന്ന്​ ചാടിപ്പോയ രണ്ടുപേരെ കണ്ടെത്തിയില്ല

കോഴിക്കോട്​: കുതിരവട്ടം മാനസികാരോഗ്യ കേന്ദ്രത്തിൽനിന്ന്​ ചാടി​പ്പോയ അന്തേവാസികളിൽ രണ്ടുപേരെ കണ്ടെത്താനായില്ല. വിവിധ ദിവസങ്ങളിലായി ചാടിപ്പോയ നാലുപേരിൽ മലപ്പുറം സ്വദേശികളായ രണ്ടുപേർ തിരിച്ചെത്തിച്ചിരുന്നു. മഹാരാഷ്ട്ര സ്വദേശിനിയായ 17കാരിയെയും നടക്കാവ്​ സ്വദേശിയായ 39കാരനെയുമാണ്​ കണ്ടെത്താത്തത്​. ഇരുവർക്കുമായി മെഡിക്കൽ കോളജ്​ പൊലീസിന്‍റെ നേതൃത്വത്തിൽ അന്വേഷണം പുരോഗമിക്കുകയാണ്​. ഞായറാഴ്ച പുലർച്ചയോടെയാണ്​ മഹാരാഷ്ട്ര സ്വദേശിനി മേൽക്കൂരയിലെ ഓട്​ പൊളിച്ച്​ രക്ഷപ്പെട്ടത്​. മാനസിക വിഭ്രാന്തി കാണിച്ചതിനെ തുടർന്ന്​ ​വെള്ളിമാട്​കുന്ന്​ ബാലമന്ദിരത്തിൽനിന്ന്​ ജനുവരി 22നാണ്​ യുവതിയെ​ ഇവിടെയെത്തിച്ചത്​. കഴിഞ്ഞ തിങ്കളാഴ്ചയാണ്​ നടക്കാവ്​ സ്വദേശി രക്ഷപ്പെട്ടത്​. വാർഡിൽനിന്ന്​ കുളിക്കാൻ പുറത്തിറങ്ങിയശേഷം ഇയാൾ കടന്നുകളയുകയായിരുന്നു.