എച്ച്.പി.സി.എൽ ഡിപ്പോയിൽനിന്ന് വീണ്ടും ഡീസൽ പുറത്തേക്ക്; ആശങ്കയിൽ പ്രദേശവാസികൾ

കോഴിക്കോട്: ദേ​ശീ​യ​പാ​ത​ക്ക​രി​കി​ലെ ഹി​ന്ദു​സ്ഥാ​ന്‍ പെ​ട്രോ​ളി​യം കോ​ര്‍പ​റേ​ഷ​ന്‍ ലി​മി​റ്റ​ഡി​ന്റെ ഡി​പ്പോ​യി​ല്‍നി​ന്ന് വീണ്ടും ഡീസൽ പുറത്തേക്ക് ഒഴുകുന്നതായി നാട്ടുകാർ.  ഇന്നലെ വൈകീട്ടാണ് നൂ​റു​ക​ണ​ക്കി​ന് ലി​റ്റ​ർ ഡീ​സ​ല്‍ ഓ​വു​ചാ​ലി​ലേ​ക്ക് പ​ര​ന്നൊ​ഴു​കി​യ​ത്. ഇതവസാനിച്ചുവെന്നാണ് നാട്ടുകാർ കരുതിയത്. ഇതിനിടെലാണ് വീണ്ടും ഡീസൽ പുറത്തേക്ക് ഒഴുകുന്നതായി കണ്ടെത്തിയത്. ഈ സാഹചര്യത്തിൽ കടുത്ത പ്രതിഷേധമാണ് പ്രദേശവാസികളിൽ നിന്നുള്ളത്.

നിലവിൽ, പ്രദേശവാസികൾ ആശങ്കയിലാണ്. ബു​ധ​നാ​ഴ്ച വൈ​കീ​ട്ട് നാ​ല​ര​യോ​ടെ​യാ​ണ് ഡി​പ്പോ​ക്ക് സ​മീ​പ​ത്തെ ഓ​വു​ചാ​ലു​ക​ളി​ൽ ഡീ​സ​ൽ ഒ​ഴു​കു​ന്ന​ത് ജ​ന​ങ്ങ​ളു​ടെ ശ്ര​ദ്ധ​യി​ൽ​പെ​ട്ട​ത്. ടാ​ങ്കി​ൽ​നി​ന്ന് ക​വി​ഞ്ഞൊ​ഴു​കി​യ ഡീ​സ​ൽ ഓ​വു​ചാ​ലി​ലൂ​ടെ പു​റ​ത്തേ​ക്ക് ഒ​ഴു​ക്കി​വി​ടു​ക​യാ​യി​രു​ന്നു​വെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. ഡി​പ്പോ കോ​മ്പൗ​ണ്ടി​നു​ള്ളി​ൽ ത​ളം​കെ​ട്ടി​യ ഡീ​സ​ലാ​ണ് അ​ധി​കൃ​ത​ർ പു​റ​ത്തേ​ക്ക് ഒ​ഴു​ക്കി​യ​തെ​ന്നാ​ണ് ആ​രോ​പ​ണം.

ഓ​വു​ചാ​ലി​ലൂ​ടെ ഡീ​സ​ൽ ഒ​ഴു​കി​യ​തു​മൂ​ലം സ​മീ​പ​ത്തെ പു​ഴ​ക​ളി​ലും ക​ട​ലി​ലും ഡീ​സ​ൽ എ​ത്തി. തോ​ടു​ക​ളി​ൽ മ​ത്സ്യ​ങ്ങ​ൾ ച​ത്തു​പൊ​ന്തി. സ​മീ​പ​ത്തെ കി​ണ​റു​ക​ള്‍ മ​ലി​ന​മാ​യി. ഡീ​സ​ലി​ന്റെ ഗ​ന്ധം​മൂ​ലം പ​ട​ന്ന​യി​ൽ, മാ​ട്ടു​വ​യ​ൽ ഭാ​ഗ​ങ്ങ​ളി​ലെ കു​ടും​ബ​ങ്ങ​ൾ​ക്ക് ശാ​രീ​രി​കാ​സ്വാ​സ്ഥ്യം അ​നു​ഭ​വ​പ്പെ​ട്ട​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു. ഡി​പ്പോ​യി​ൽ അ​റ്റ​കു​റ്റ​പ്പ​ണി ന​ട​ക്കു​ന്ന​തി​നി​ടെ ഡീ​സ​ല്‍ പു​റ​ത്തേ​ക്ക് ഒ​ഴു​കി​യ​താ​ണെ​ന്നും അ​റി​ഞ്ഞ ഉ​ട​ൻ​ത​ന്നെ അ​റ്റ​കു​റ്റ​പ്പ​ണി​ക​ൾ ന​ട​ത്തി​യി​ട്ടു​ണ്ടെ​ന്നു​മാ​ണ് ഡി​പ്പോ മാ​നേ​ജ​ർ സി. ​വി​ന​യ​ൻ പൊ​ലീ​സി​നെ അ​റി​യി​ച്ച​ത്.

ഓ​വു​ചാ​ലു​ക​ളി​ലേ​ക്ക് ഒ​ഴു​കി​യെ​ത്തി​യ ഡീ​സ​ല്‍ നാ​ട്ടു​കാ​ർ കു​പ്പി​ക​ളി​ലും ക​ന്നാ​സു​ക​ളി​ലും ശേ​ഖ​രി​ച്ചു തു​ട​ങ്ങ​വെ​യാ​ണ് ലി​റ്റ​റു​ക​ണ​ക്കി​ന് ഒ​ഴു​കി​യെ​ത്തി​യ​ത്. ഇ​തോ​ടെ ഏ​തു നി​മി​ഷ​വും വ​ൻ അ​പ​ക​ടം ഉ​ണ്ടാ​കു​മെ​ന്ന അ​വ​സ്ഥ​യി​ൽ സ​മീ​പ​വാ​സി​ക​ൾ ആ​ശ​ങ്ക​യി​ലാ​യി. ജ​ന​ങ്ങ​ള്‍ സ്ഥ​ല​ത്ത് പ്ര​തി​ഷേ​ധ​വു​മാ​യി എ​ത്തി. നാ​ട്ടു​കാ​ര്‍ എ​ല​ത്തൂ​ർ പൊ​ലീ​സി​ലും ബി​ച്ച് ഫ​യ​ർ യൂ​നി​റ്റി​ലും വി​വ​ര​മ​റി​യി​ച്ച​തി​നെ​ത്തു​ട​ർ​ന്ന് സേ​ന​ക​ളും സ്ഥ​ല​ത്തെ​ത്തി. പൊ​ലീ​സ് ആ​വ​ശ്യ​പ്പെ​ട്ട​തി​നെ​ത്തു​ട​ർ​ന്ന് ഡി​പ്പോ ജീ​വ​ന​ക്കാ​ർ ദേ​ശീ​യ​പാ​ത​ക്ക​രി​കി​ലെ ഓ​ട​യി​ൽ​നി​ന്ന് ബ​ക്ക​റ്റു​പ​യോ​ഗി​ച്ച് ഡീ​സ​ൽ ബാ​ര​ലു​ക​ളി​ൽ നി​റ​ച്ചു.

200 ലി​റ്റ​റി​ന്റെ പ​ത്തോ​ളം ബാ​ര​ലു​ക​ളി​ൽ ശേ​ഖ​രി​ച്ചെ​ങ്കി​ലും റെ​യി​ൽ​ഭാ​ഗ​ത്തേ​ക്കു​ള്ള ഓ​ട​യി​ൽ ലി​റ്റ​റു​ക​ണ​ക്കി​ന് ഡീ​സ​ൽ നി​റ​ഞ്ഞി​രി​ക്കു​ക​യാ​ണ്. സ്ലാ​ബു​ക​ൾ നീ​ക്കി ജീ​വ​ന​ക്കാ​ർ ഡീ​സ​ൽ രാ​ത്രി​യി​ലും മു​ക്കി മാ​റ്റു​ക​യാ​യി​രു​ന്നു. മു​മ്പും ഇ​ത്ത​ര​ത്തി​ല്‍ ഇ​ന്ധ​ന​ച്ചോ​ര്‍ച്ച ഉ​ണ്ടാ​യി​ട്ടു​ണ്ടെ​ന്ന് പ്ര​ദേ​ശ​വാ​സി​ക​ള്‍ പ​റ​യു​ന്നു.