നിഴൽനാടകത്തിൽ പുതിയ പരീക്ഷണങ്ങളുമായി പ്രശാന്ത്

കൊടിയത്തൂർ: പ്രകാശത്തി​െൻറയും നിഴലി​െൻറയും സമന്വയ കലാരൂപമായ നിഴൽനാടകത്തിൽ പുതിയ പരീക്ഷണങ്ങൾ തീർക്കുകയാണ് പ്രശാന്ത് കൊടിയത്തൂർ. അന്യംനിന്നുകൊണ്ടിരിക്കുന്ന കലാരൂപത്തിന് പുതിയ രൂപവും ഭാവവും നൽകി ജനകീയവത്കരിക്കാനുള്ള ശ്രമത്തിലാണ് കലാകാരൻ. പ്രശസ്ത സിനിമ താരം മാമുക്കോയയുടെ അനുഗ്രഹത്തോട പുതിയ നിഴൽ നാടകം യൂട്യൂബ് റിലീസിങ്​ നടത്തി.

ധന ആസക്തി നല്ലതല്ലെന്നും കാർഷിക സംസ്കാരം തിരിച്ചുപിടിക്കേണ്ടതി​െൻറ ആവശ്യകതയും കോവിഡ് കാലത്തെ സ്വയംപര്യാപ്തതയുടെ പ്രാധാന്യവും വിളിച്ചുപറയുന്നതാണ്​ ഈ നാടകം.

കഴിഞ്ഞ രണ്ടു മാസത്തെ പരിശ്രമഫലമായാണ് നിഴൽനാടകത്തിൽ പുതിയ പരീക്ഷണം തീർക്കാനായത്​. കഥാപാത്രങ്ങളുടെ രൂപകൽപന നടത്തിയതും പ്രശാന്താണ്. ശബ്​ദാവതരണവും ഛായാഗ്രഹണവും ഭാര്യ ശൈലജയാണ് നിർവഹിച്ചത്. മക്കളായ നീരജ് പ്രശാന്ത്, കാർത്തിക് പ്രശാന്ത് എന്നിവരും സഹായത്തിനുണ്ട്. 2016ൽ സംസ്ഥാന അധ്യാപക അവാർഡും 2017ൽ ദേശീയ അധ്യാപക അവാർഡും നേടിയിട്ടുണ്ട്​ പ്രശാന്ത്​.