അ​പ​ക​ട​ാവ​സ്ഥ​യി​ൽ വ​രി​യ​ട്ട്യാ​ക്ക് ബ​സ് കാ​ത്തി​രി​പ്പ് കേ​ന്ദ്രം

കു​ന്ദ​മം​ഗ​ലം: പൊ​ളി​ഞ്ഞു വീ​ഴാ​റാ​യ വ​രി​യ​ട്ട്യാ​ക്കി​ലെ ബ​സ് കാ​ത്തി​രി​പ്പു കേ​ന്ദ്രം അ​പ​ക​ട ഭീ​ഷ​ണി​യി​ൽ. കു​ന്ദ​മം​ഗ​ലം ഭാ​ഗ​ത്തേ​ക്ക് വ​രു​ന്നി​ട​ത്തെ ബ​സ് കാ​ത്തി​രി​പ്പ് കേ​ന്ദ്ര​മാ​ണ് അ​പ​ക​ടാ​വ​സ്ഥ​യി​ൽ ആ​യ​ത്. വ​ർ​ഷ​ങ്ങ​ൾ​ക്ക് മു​മ്പ് ത​ന്നെ പൊ​ളി​ഞ്ഞു വീ​ഴാ​റാ​യ ബ​സ് കാ​ത്തി​രി​പ്പു കേ​ന്ദ്ര​മാ​ണ് ക​ഴി​ഞ്ഞ ദി​വ​സം വീ​ണ്ടും ത​ക​ർ​ന്ന​ത്. ബ​സ് കാ​ത്തി​രി​പ്പ് കേ​ന്ദ്ര​ത്തി​ന്റെ പി​ൻ​ഭാ​ഗ​മാ​ണ് പൊ​ളി​ഞ്ഞു വീ​ണ​ത്.

നേ​ര​ത്തെ ഇ​തി​ന്റെ മു​ക​ൾ ഭാ​ഗ​ത്തു​ള്ള പ​ഴ​കി​യ സി​മ​ന്റ് ഭാ​ഗ​ങ്ങ​ൾ അ​ട​ർ​ന്നു വീ​ണി​രു​ന്നു. ബ​സ് കാ​ത്തി​രി​പ്പ് കേ​ന്ദ്ര​ത്തി​ന്റെ ഉ​ൾ​ഭാ​ഗ​ത്ത് ന​ടു​വി​ലു​ള്ള മ​തി​ലും മാ​സ​ങ്ങ​ൾ​ക്ക് മു​മ്പ് പൊ​ളി​ഞ്ഞു വീ​ണി​രു​ന്നു. തി​ര​ക്കേ​റി​യ റോ​ഡി​ലൂ​ടെ നി​ര​വ​ധി വാ​ഹ​ന​ങ്ങ​ളും യാ​ത്ര​ക്കാ​രും പോ​കു​മ്പോ​ൾ പ​ഴ​കി​യ ബാ​ക്കി ഭാ​ഗം റോ​ഡി​ലേ​ക്ക് വീ​ഴു​മോ എ​ന്നു​ള്ള ആ​ശ​ങ്ക​യി​ലാ​ണ് നാ​ട്ടു​കാ​ർ. ബ​സ് കാ​ത്തി​രി​പ്പ്‌ കേ​ന്ദ്ര​ത്തി​ന്റെ പ​ഴ​ക്ക​വും അ​പ​ക​ട​വും അ​റി​യാ​ത്ത യാ​ത്ര​ക്കാ​ർ ക​ഴി​ഞ്ഞ ദി​വ​സം വ​രെ അ​തി​നു​ളി​ൽ ക​യ​റി​യി​ട്ടു​ണ്ട് എ​ന്നും പൊ​ളി​ച്ചു മാ​റ്റാ​ൻ നി​ര​വ​ധി ത​വ​ണ പ​രാ​തി ന​ൽ​കി​യെ​ങ്കി​ലും ന​ട​പ​ടി​യൊ​ന്നും ഉ​ണ്ടാ​യി​ട്ടി​ല്ല എ​ന്നും നാ​ട്ടു​കാ​ർ പ​റ​ഞ്ഞു.

കു​ന്ദ​മം​ഗ​ലം പ​ഞ്ചാ​യ​ത്ത് 13ാം വാ​ർ​ഡ് കോ​ൺ​ഗ്ര​സ് ക​മ്മി​റ്റി നാ​ട്ടു​കാ​ർ​ക്ക് അ​പ​ക​ട മു​ന്ന​റി​യി​പ്പ് ന​ൽ​കി ബ​സ് കാ​ത്തി​രി​പ്പ് കേ​ന്ദ്ര​ത്തി​ൽ ബാ​ന​ർ സ്ഥാ​പി​ച്ചു. ക​മ്മി​റ്റി​യു​ടെ നേ​തൃ​ത്വ​ത്തി​ൽ നി​ലം പൊ​ത്താ​റാ​യ ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു മാ​റ്റ​ണ​മെ​ന്ന് ആ​വ​ശ്യ​പ്പെ​ട്ട് പ​ഞ്ചാ​യ​ത്ത് സെ​ക്ര​ട്ട​റി​ക്ക് മാ​സ​ങ്ങ​ൾ​ക്ക് മു​മ്പ് പ​രാ​തി ന​ൽ​കി​യി​രു​ന്നു. ഇ​നി​യും ജ​ന​ങ്ങ​ളു​ടെ ജീ​വ​ന് വി​ല ക​ല്പി​ക്കാ​തെ ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു മാ​റ്റാ​തി​രു​ന്നാ​ൽ പ​ഞ്ചാ​യ​ത്ത് സെ​ക്ര​ട്ട​റി​യെ വാ​ർ​ഡ് കോ​ൺ​ഗ്ര​സ് ക​മ്മി​റ്റി​യു​ടെ നേ​തൃ​ത്വ​ത്തി​ൽ ഉ​പ​രോ​ധി​ക്കു​മെ​ന്ന് പ്ര​സി​ഡ​ന്റ് ടി. ​ഷ​നോ​ജ് പ​റ​ഞ്ഞു.

എ​ന്നാ​ൽ, മൂ​ന്ന് മാ​സ​ങ്ങ​ൾ​ക്ക് മു​മ്പ് അ​പ​ക​ട ഭീ​ഷ​ണി​യി​ൽ ഉ​ള്ള ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു മാ​റ്റാ​ൻ ബോ​ർ​ഡ് മീ​റ്റി​ങി​ൽ ആ​വ​ശ്യ​പെ​ട്ടി​രു​ന്നു എ​ന്നും അ​ന്ന് ത​ന്നെ അ​സി. എ​ൻ​ജി​നീ​യ​ർ സ്ഥ​ലം സ​ന്ദ​ർ​ശി​ച്ചു പൊ​ളി​ച്ചു മാ​റ്റാ​ൻ തീ​രു​മാ​നം എ​ടു​ത്തി​രു​ന്നു എ​ന്നും വാ​ർ​ഡ് മെം​ബ​ർ സി.​എം. ബൈ​ജു പ​റ​ഞ്ഞു. വ്യാ​ഴാ​ഴ്ച എ.​ഇ, ഓ​വ​ർ​സി​യ​ർ എ​ന്നി​വ​രു​ടെ നേ​തൃ​ത്വ​ത്തി​ൽ വീ​ണ്ടും സ്ഥ​ലം സ​ന്ദ​ർ​ശി​ക്കു​ക​യും ര​ണ്ട് ദി​വ​സ​ത്തി​നു​ള്ളി​ൽ അ​പ​ക​ടാ​വ​സ്ഥ​യി​ലാ​യ ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു മാ​റ്റു​മെ​ന്നും വാ​ർ​ഡ് മെം​ബ​ർ ബൈ​ജു പ​റ​ഞ്ഞു. അ​പ​ക​ടം ഉ​ണ്ടാ​കു​ന്ന​തി​നു​മു​മ്പ് ബ​സ് കാ​ത്തി​രി​പ്പ് കേ​ന്ദ്രം പൊ​ളി​ച്ചു മാ​റ്റി പു​തി​യ കേ​ന്ദ്രം പ​ണി​യ​ണ​മെ​ന്നാ​ണ് നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ആ​വ​ശ്യം.