വിദേശത്തുപോയ അംഗത്തിന് അവധി; മുക്കം നഗരസഭ യോഗത്തിൽ സംഘർഷം

മു​ക്കം: വി​ദേ​ശ​ത്തേ​ക്കു​പോ​യ കൗ​ൺ​സി​ല​ർ​ക്ക് അ​വ​ധി അ​നു​വ​ദി​ക്കു​ന്ന​തു​മാ​യി ബ​ന്ധ​പ്പെ​ട്ട് ന​ട​ന്ന ച​ർ​ച്ച​യി​ൽ മു​ക്കം ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ ത​മ്മി​ൽ വാ​ക്കേ​റ്റ​വും കൈ​യാ​ങ്ക​ളി​യും.13 കൗ​ൺ​സി​ല​ർ​മാ​ർ​ക്ക് പ​രി​​​ക്കേ​റ്റെ​ന്ന്. വി​ദേ​ശ​ത്തു​പോ​യ ഏ​ഴാം വാ​ർ​ഡ് കൗ​ൺ​സി​ല​ർ അ​നി​ത​കു​മാ​രി​യു​ടെ അ​വ​ധി അ​പേ​ക്ഷ​യു​മാ​യി ബ​ന്ധ​പ്പെ​ട്ടു ന​ട​ന്ന ച​ർ​ച്ച​യാ​ണ് ഏ​റ്റു​മു​ട്ട​ലി​ലെ​ത്തി​യ​ത്. ന​ഗ​ര​സ​ഭ ചെ​യ​ർ​മാ​ൻ ഉ​ൾ​പ്പെ​ടെ ഭ​ര​ണ​പ​ക്ഷ​ത്തെ ആ​റും പ്ര​തി​പ​ക്ഷ​ത്തെ ഏ​ഴും കൗ​ൺ​സി​ല​ർ​മാ​രാ​ണ് മു​ക്കം ഗ​വ. ആ​ശു​പ​ത്രി​യി​ൽ ചി​കി​ത്സ തേ​ടി​യ​ത്.

കൗ​ൺ​സി​ല​റു​ടെ ലെ​റ്റ​ർ ഹെ​ഡി​ൽ ഭ​ര​ണ​പ​ക്ഷം വ്യാ​ജ അ​വ​ധി അ​പേ​ക്ഷ ഉ​ണ്ടാ​ക്കി യോ​ഗ​ത്തി​ൽ വെ​ച്ചു​വെ​ന്ന് യു.​ഡി.​എ​ഫ്, വെ​ൽ​ഫെ​യ​ർ പാ​ർ​ട്ടി, ബി.​ജെ.​പി കൗ​ൺ​സി​ല​ർ​മാ​ർ ആ​രോ​പി​ക്കു​ക​യും പ്ര​തി​ഷേ​ധം ഉ​യ​ർ​ത്തു​ക​യും ചെ​യ്തു. ഇ​തി​നി​ടെ ന​ഗ​ര​സ​ഭ ചെ​യ​ർ​മാ​ൻ പി.​ടി. ബാ​ബു യോ​ഗം അ​വ​സാ​നി​പ്പി​ച്ച് പോ​കാ​ൻ തു​നി​ഞ്ഞ​തോ​ടെ​യാ​ണ് പ്ര​ശ്നം തു​ട​ങ്ങി​യ​ത്. യോ​ഗം അ​വ​സാ​നി​പ്പി​ക്കാ​ൻ പ​റ്റി​ല്ലെ​ന്നു​പ​റ​ഞ്ഞ് പ്ര​തി​പ​ക്ഷ അം​ഗ​ങ്ങ​ൾ ചെ​യ​ർ​മാ​നെ ത​ട​ഞ്ഞു. ഇ​തോ​ടെ പ​ര​സ്പ​രം പോ​ർ​വി​ളി​യി​ലും ഏ​റ്റു​മു​ട്ട​ലു​മെ​ത്തി.

അ​വ​ധി അ​പേ​ക്ഷ വ്യാ​ജ​മാ​യി ഭ​ര​ണ​പ​ക്ഷം ത​യാ​റാ​ക്കി​യ​താ​ണെ​ന്ന് സം​ശ​യ​മു​ണ്ടെ​ന്നു​പ​റ​ഞ്ഞ് പ്ര​തി​പ​ക്ഷ​ത്തെ 17 കൗ​ൺ​സി​ല​ർ​മാ​ർ ഒ​ന്നി​ച്ചെ​തി​ർ​ത്ത​തോ​ടെ 33 അം​ഗ കൗ​ൺ​സി​ലി​ൽ ഭൂ​രി​പ​ക്ഷ​മി​ല്ലെ​ന്ന് ക​ണ്ട ചെ​യ​ർ​മാ​ൻ ധി​റു​തി​യി​ൽ യോ​ഗ ന​ട​പ​ടി​ക​ൾ അ​വ​സാ​നി​പ്പി​ച്ച് ഇ​റ​ങ്ങി​പ്പോ​വാ​ൻ ശ്ര​മി​ക്കു​ക​യാ​യി​രു​ന്നു​വെ​ന്നും, ഇ​ത് ചോ​ദ്യം ചെ​യ്ത ത​ങ്ങ​ളെ ​കൈ​യേ​റ്റം ചെ​യ്യു​ക​യാ​യി​രു​ന്നു​വെ​ന്നു​മാ​ണ് യു.​ഡി.​എ​ഫ് അം​ഗ​ങ്ങ​ൾ പ​റ​യു​ന്ന​ത്.

എ​ന്നാ​ൽ, ച​ട്ട​പ്ര​കാ​രം യോ​ഗം അ​വ​സാ​നി​പ്പി​ച്ച് പു​റ​ത്തു​പോ​കു​ന്ന ചെ​യ​ർ​മാ​നെ യു.​ഡി.​എ​ഫ്, വെ​ൽ​ഫെ​യ​ർ പാ​ർ​ട്ടി, ബി.​ജെ.​പി കൗ​ൺ​സി​ല​ർ​മാ​ർ ത​ട​ഞ്ഞു​വെ​ച്ച് ആ​ക്ര​മി​ക്കു​ക​യും യോ​ഗ ഹാ​ളി​ൽ ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും ചെ​യ്തെ​ന്നാ​ണ് ഭ​ര​ണ​പ​ക്ഷം ആ​രോ​പി​ക്കു​ന്ന​ത്. പ്ര​ശ്ന​ങ്ങ​ൾ​ക്കി​ട​യി​ൽ ചെ​യ​ർ​മാ​ൻ യോ​ഗം അ​വ​സാ​നി​പ്പി​ച്ച് പോ​യെ​ങ്കി​ലും പ്ര​തി​പ​ക്ഷ ക​ക്ഷി​ക​ളി​ലെ 17 അം​ഗ​ങ്ങ​ൾ സ്ഥി​രം സ​മി​തി ചെ​യ​ർ​പേ​ഴ്സ​ൻ കെ.​കെ. റു​ബീ​ന​യു​ടെ അ​ധ്യ​ക്ഷ​ത​യി​ൽ യോ​ഗ​ന​ട​പ​ടി​ക​ളു​മാ​യി മു​ന്നോ​ട്ടു​പോ​യി.

സം​ഘ​ർ​ഷ​ത്തി​ൽ പ​രി​ക്കേ​റ്റ ന​ഗ​ര​സ​ഭ ചെ​യ​ർ​മാ​ൻ പി.​ടി. ബാ​ബു, പൊ​തു​മ​രാ​മ​ത്ത് സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ അ​ബ്ദു​ൽ മ​ജീ​ദ്, സി.​പി.​എം കൗ​ൺ​സി​ല​ർ​മാ​രാ​യ നൗ​ഫ​ൽ മ​ല്ല​ശ്ശേ​രി, എം.​വി. ര​ജ​നി, വ​സ​ന്ത കു​മാ​രി, കെ. ​ബി​ന്ദു, യു.​ഡി.​എ​ഫ് കൗ​ൺ​സി​ല​ർ​മാ​രാ​യ വേ​ണു ക​ല്ലു​രു​ട്ടി, എം.​കെ. യാ​സ​ർ, വ​ട​ക്ക​യി​ൽ കൃ​ഷ്‍ണ​ൻ, ഗ​ഫൂ​ർ ക​ല്ലു​രു​ട്ടി, റം​ല ഗ​ഫൂ​ർ, ബി​ന്നി മ​നോ​ജ്, കെ.​കെ. റു​ബീ​ന എ​ന്നി​വ​ർ മു​ക്കം സി.​എ​ച്ച്.​സി​യി​ൽ ചി​കി​ത്സ തേ​ടി. സം​ഭ​വ​വു​മാ​യി ബ​ന്ധ​പ്പെ​ട്ട് എ​ൽ.​ഡി.​എ​ഫ് കൗ​ൺ​സി​ല​ർ​മാ​രും യു.​ഡി.​എ​ഫ് പ്ര​വ​ർ​ത്ത​ക​രും മു​ക്കം അ​ങ്ങാ​ടി​യി​ൽ പ്ര​തി​ഷേ​ധ പ്ര​ക​ട​ന​വും യോ​ഗ​വും ന​ട​ത്തി.