ആ​റ​ര പ​തി​റ്റാ​ണ്ടി​ലേ​റെ​യാ​യി ഖ​ദ​ർ വ​സ്ത്രം മാ​ത്രം; വേ​റി​ട്ട് മാ​മ്പൊ​യി​ൽ രാ​ഘ​വ​ൻ നാ​യ​ർ

മു​ക്കം: കാ​ല​ത്തി​ന​നു​സ​രി​ച്ച് രൂ​പ​വും വ​സ്ത്ര​ധാ​ര​ണ​രീ​തി​യു​മൊ​ക്കെ മാ​റ്റി​ക്കൊ​ണ്ടി​രി​ക്കു​ന്ന​വ​ർ​ക്കി​ട​യി​ൽ വ​സ്ത്ര​ധാ​ര​ണം​കൊ​ണ്ട് വേ​റി​ട്ടു​നി​ൽ​ക്കു​ക​യാ​ണ് മു​ക്കം കു​റ്റി​പ്പാ​ല സ്വ​ദേ​ശി 88കാ​ര​ൻ മാ​മ്പെ​യി​ൽ രാ​ഘ​വ​ൻ നാ​യ​ർ. 68 വ​ർ​ഷ​മാ​യി ഖ​ദ​ർ വ​സ്ത്ര​ധാ​രി​യാ​യി​ട്ട​ല്ലാ​തെ രാ​ഘ​വ​ൻ നാ​യ​രെ മു​ക്ക​ത്തു​കാ​ർ ക​ണ്ടി​ട്ടു​ണ്ടാ​വി​ല്ല. സ്കൂ​ൾ പ​ഠ​ന​കാ​ല​ത്തു​ത​ന്നെ സ്വാ​ത​ന്ത്ര്യ​സ​മ​ര​വു​മാ​യി ബ​ന്ധ​പ്പെ​ട്ട പ്ര​ക്ഷോ​ഭ​ങ്ങ​ളി​ലും ഗാ​ന്ധി​ജി​യു​ടെ സ്വ​ദേ​ശി പ്ര​സ്ഥാ​ന​ത്തി​ലു​മൊ​ക്കെ ആ​കൃ​ഷ്ട​നാ​യ രാ​ഘ​വ​ൻ നാ​യ​ർ, 1947ൽ ​ഇ​ന്ത്യ​ക്കു സ്വാ​ത​ന്ത്ര്യം ല​ഭി​ച്ച​പ്പോ​ൾ അ​തി​ന്റെ ആ​ഘോ​ഷം കാ​ണാ​ൻ ചാ​ത്ത​മം​ഗ​ല​ത്തെ സ്കൂ​ളി​ൽ​നി​ന്ന് കോ​ഴി​ക്കോ​ട്ടേ​ക്ക് സ​ഹ​പാ​ഠി​ക​ളോ​ടൊ​പ്പം ന​ട​ന്നു​പോ​യ​ത് ഇ​ന്നും ഓ​ർ​ക്കു​ന്നു.

സ്കൂ​ൾ പ​ഠ​ന​ത്തി​ന് ശേ​ഷം ന​ടു​വ​ണ്ണൂ​രി​ൽ പോ​ട്ട​റി ട്രെ​യി​നി​ങ്ങി​നു ചേ​ർ​ന്ന​തോ​ടെ​യാ​ണ് ഖാ​ദി വ​സ്ത്രം ത​ന്റെ ശ​രീ​ര​ത്തോ​ട് ചേ​ർ​ത്ത​ത്. പി​ന്നീ​ട​ത് ഇ​ന്നേ​വ​രെ മാ​റ്റി​ച്ചി​ന്തി​ക്കേ​ണ്ടി വ​ന്നി​ട്ടി​ല്ല രാ​ഘ​വ​ൻ നാ​യ​ർ​ക്ക്. 1974ൽ ​കൊ​യി​ലാ​ണ്ടി സ്വ​ദേ​ശി​നി ശൈ​ല​ജ​യു​ടെ ക​ഴു​ത്തി​ൽ ര​വി​പു​രം ക്ഷേ​ത്ര​ത്തി​ൽ​വെ​ച്ച് താ​ലി​കെ​ട്ടി കൂ​ടെ കൂ​ട്ടു​മ്പോ​ഴും രാ​ഘ​വ​ൻ നാ​യ​രു​ടെ മ​ണ​വാ​ള​വേ​ഷം ഖ​ദ​ർ​ത​ന്നെ​യാ​യി​രു​ന്നു. വ​സ്ത്ര​ധാ​ര​ണ​ത്തി​ൽ ഈ ​ലാ​ളി​ത്യം കൈ​വി​ടാ​തെ സൂ​ക്ഷി​ച്ച ഇ​ദ്ദേ​ഹം ഈ​യ​ടു​ത്ത​കാ​ലം വ​രെ പാ​ദ​ര​ക്ഷ​ക​ളും ധ​രി​ക്കാ​റി​ല്ലാ​യി​രു​ന്നു. ഭ​ക്ഷ​ണം അ​ന്നും ഇ​ന്നും സ​സ്യാ​ഹാ​രം മാ​ത്രം. ത​ന്റെ വ​സ്ത്ര​ങ്ങ​ൾ ഇ​സ്തി​രി​യി​ടു​ന്ന​തും രാ​ഘ​വ​ൻ നാ​യ​ർ​ത​ന്നെ. മു​ക്കം സ​ർ​വി​സ് സ​ഹ​ക​ര​ണ ബാ​ങ്കി​ൽ​നി​ന്ന് സെ​ക്ര​ട്ട​റി​യാ​യി വി​ര​മി​ച്ച ഇ​ദ്ദേ​ഹം ഇ​ന്ന് വീ​ട്ടി​ൽ കു​ടും​ബ​ത്തോ​ടൊ​പ്പം വി​ശ്ര​മ​ത്തി​ലാ​ണ്. ചെ​റു​പ്പ​ത്തി​ലു​ണ്ടാ​യി​രു​ന്ന ശീ​ലം പ​ല​തും, മ​ന​സ്സി​ൽ കൊ​ണ്ടു​ന​ട​ന്ന രാ​ഷ്ട്രീ​യം വ​രെ മാ​റി​യി​ട്ടു​ണ്ടെ​ങ്കി​ലും, ശ​രീ​ര​ത്തി​ൽ​നി​ന്ന് മാ​റാ​തെ ഖാ​ദി ഇ​പ്പോ​ഴും രാ​ഘ​വ​ൻ നാ​യ​രു​ടെ കൂ​ട്ടി​നു​ണ്ട്.