വടകര റെയിൽവേ സ്റ്റേഷനിൽ അനധികൃത പാർക്കിങ്ങിന് ചങ്ങലപ്പൂട്ട്

വ​ട​ക​ര: റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് വാ​ഹ​ന​ങ്ങ​ൾ അ​ന​ധി​കൃ​ത​മാ​യി പാ​ർ​ക്ക് ചെ​യ്താ​ൽ ച​ങ്ങ​ല​പ്പൂ​ട്ട് വീ​ഴും. ആ​ർ.​പി.​എ​ഫ് റെ​യി​ൽ​വേ സ്റ്റേ​ഷ​ന്റെ ചു​റ്റു​പാ​ടു​മു​ള്ള റോ​ഡി​ൽ അ​ന​ധി​കൃ​ത പാ​ർ​ക്കി​ങ് നി​രോ​ധി​ച്ച് ബോ​ർ​ഡു​ക​ൾ സ്ഥാ​പി​ച്ചി​ട്ടു​ണ്ട്. ബോ​ർ​ഡു​ക​ൾ അ​വ​ഗ​ണി​ച്ച് വാ​ഹ​ന​ങ്ങ​ൾ പാ​ർ​ക്ക് ചെ​യ്താ​ൽ വാ​ഹ​ന​ങ്ങ​ൾ ച​ങ്ങ​ല​യി​ൽ കോ​ർ​ത്ത് പൂ​ട്ടി​യി​ടും.

വാ​ഹ​ന ഉ​ട​മ​ക​ൾ യാ​ത്ര ക​ഴി​ഞ്ഞ് തി​രി​ച്ചെ​ത്തി​യാ​ൽ ച​ങ്ങ​ല​പ്പൂ​ട്ട് അ​ഴി​ക്ക​ണ​മെ​ങ്കി​ൽ പി​ഴ ഒ​ടു​ക്കേ​ണ്ടി​വ​രും. ആ​ർ.​പി.​എ​ഫ് കേ​സ് ചാ​ർ​ജ് ചെ​യ്താ​ൽ റെ​യി​ൽ​വേ കോ​ട​തി​യി​ലാ​ണ് പി​ഴ ഒ​ടു​ക്കേ​ണ്ട​ത്. അ​മൃ​ത് ഭാ​ര​ത് പ​ദ്ധ​തി​യി​ൽ സ്റ്റേ​ഷ​ൻ ന​വീ​ക​ര​ണ​ത്തി​ന്റെ ഭാ​ഗ​മാ​യി വി​ശാ​ല​മാ​യ പാ​ർ​ക്കി​ങ് സൗ​ക​ര്യം റെ​യി​ൽ​വേ ഒ​രു​ക്കി​യി​രു​ന്നു. പാ​ർ​ക്കി​ങ് സ്ഥ​ലം ക​രാ​റെ​ടു​ത്ത ക​മ്പ​നി ന​ഷ്ട​ത്തി​ലാ​യ​തോ​ടെ ക​രാ​റി​ൽ​നി​ന്ന് പി​ന്മാ​റി​യി​രു​ന്നു. പി​ന്നാ​ലെ മ​ല​പ്പു​റം കേ​ന്ദ്ര​മാ​യ പു​തി​യ ക​രാ​റു​കാ​ർ ഏ​റ്റെ​ടു​ക്കു​ക​യു​ണ്ടാ​യി.

ഇ​രു​ച​ക്ര​വാ​ഹ​ന​ങ്ങ​ൾ ഉ​ൾ​പ്പെ​ടെ ആ​യി​ര​ത്തി​ല​ധി​കം വാ​ഹ​ന​ങ്ങ​ൾ സ​മീ​പ​ത്തെ റോ​ഡി​ൽ പാ​ർ​ക്ക് ചെ​യ്യു​ന്ന​താ​ണ് പാ​ർ​ക്കി​ങ് ന​ഷ്ട​ത്തി​ലാ​കാ​ൻ ഇ​ട​യാ​ക്കു​ന്ന​തെ​ന്നാ​ണ് റെ​യി​ൽ​വേ​യു​ടെ വി​ല​യി​രു​ത്ത​ൽ. ഇ​തി​ന്റെ ഭാ​ഗ​മാ​യാ​ണ് അ​ന​ധി​കൃ​ത പാ​ർ​ക്കി​ങ്ങി​നെ​തി​രെ ശ​ക്ത​മാ​യ ന​ട​പ​ടി​യു​മാ​യി മു​ന്നോ​ട്ടു​പോ​കു​ന്ന​ത്. പാ​ർ​ക്കി​ങ് വി​ല​ക്കി ആ​ർ.​പി.​എ​ഫ് സ്ഥാ​പി​ച്ച ബോ​ർ​ഡു​ക​ൾ ന​ശി​പ്പി​ച്ച​താ​യും പ​രാ​തി​യു​ണ്ട്.

അ​തേ​സ​മ​യം, റെ​യി​ൽ​വേ സ്റ്റേ​ഷ​നി​ൽ പാ​ർ​ക്കി​ങ് ഫീ​സ് കു​ത്ത​നെ കൂ​ട്ടി​യ​താ​ണ് വാ​ഹ​ന​ങ്ങ​ൾ പു​റ​ത്ത് പാ​ർ​ക്ക് ചെ​യ്യേ​ണ്ടി​വ​രു​ന്ന​തെ​ന്നാ​ണ് യാ​ത്ര​ക്കാ​ർ പ​റ​യു​ന്ന​ത്. സാ​ധാ​ര​ണ​ക്കാ​ർ​ക്ക് താ​ങ്ങു​ന്ന ത​ര​ത്തി​ൽ ഫീ​സ് ഇ​ള​വ് ന​ൽ​കി​യാ​ൽ പ്ര​ശ്ന​ത്തി​ന് ശാ​ശ്വ​ത പ​രി​ഹാ​ര​മാ​വു​മെ​ന്നാ​ണ് യാ​ത്ര​ക്കാ​രു​ടെ പ​ക്ഷം.