റെയിൽവേ സ്റ്റേഷനിൽ വെള്ളം മുടങ്ങി; ദുരിതത്തിലായി യാത്രക്കാരും ജീവനക്കാരും

കോ​ഴി​ക്കോ​ട്: റെ​യി​ൽ​വെ സ്റ്റേ​ഷ​നി​ൽ മു​ന്ന​റി​യി​പ്പി​ല്ലാ​തെ ജ​ല​വി​ത​ര​ണം മു​ട​ങ്ങി​യ​ത് യാ​ത്ര​ക്കാ​രെ​യും ജീ​വ​ന​ക്കാ​രെ​യും ദു​രി​ത​ത്തി​ലാ​ക്കി. വ്യാ​ഴാ​ഴ്ച പ​ക​ൽ 9.30ഓ​ടെ​യാ​ണ് റെ​യി​ൽ​വേ സ്റ്റേ​ഷ​നി​ലെ ശു​ചി​മു​റി​യി​ൽ ഉ​ൾ​പ്പെ​ടെ വെ​ള്ളം മു​ട​ങ്ങി​യ​ത്. നാ​ല് പ്ലാ​റ്റ്ഫോ​മി​ലും കാ​ന്റീ​നി​ലും വി​ത​ര​ണം നി​ല​ച്ചു. റെ​യി​ൽ​വേ സ്റ്റേ​ഷ​നി‍ലെ ന​വീ​ക​ര​ണ പ്ര​വൃ​ത്തി​യു​ടെ ഭാ​ഗ​മാ​യി പൈ​ലി​ങ് ന​ട​ത്തി​യ​പ്പോ​ൾ ജ​ല​വി​ത​ര​ണ പൈ​പ്പ് പൊ​ട്ടി​യ​താ​ണ് വെ​ള്ളം മു​ട​ങ്ങാ​ൻ കാ​ര​ണ​മെ​ന്ന് അ​ധി​കൃ​ത​ർ അ​റി​യി​ച്ചു.

തു​ട​ർ​ന്ന് ശു​ചി​മു​റി​ക​ൾ അ​ട​ച്ചി​ട്ടു. യാ​ത്ര​ക്കാ​രും ജീ​വ​ന​ക്കാ​രും ഇ​തോ​ടെ വ​ട്ടം​ക​റ​ങ്ങി. പി​ന്നീ​ട് മ​ണി​ക്കൂ​റു​ക​ൾ​ക്ക് ശേ​ഷം വി​ത​ര​ണം പു​നഃ​സ്ഥാ​പി​ച്ചെ​ങ്കി​ലും വൈ​കീ​ട്ടോ​ടെ വി​ത​ര​ണം വീ​ണ്ടും മു​ട​ങ്ങി. രാ​ത്രി വൈ​കി​യും ജ​ല​വി​ത​ര​ണം പു​നഃ​സ്ഥാ​പി​ച്ചി​ട്ടി​ല്ല. ന​വീ​ക​ര​ണ പ്ര​വൃ​ത്തി ക​രാ​റെ​ടു​ത്ത ക​മ്പ​നി​ക്കാ​ണ് കു​ടി​വെ​ള്ളം പു​നഃ​സ്ഥാ​പി​ക്കേ​ണ്ട ഉ​ത്ത​ര​വാ​ദി​ത്ത​മെ​ന്നാ​ണ് റെ​യി​ൽ​വേ നി​ല​പാ​ട്.