ഭി​ന്ന​ശേ​ഷി​ക്കാ​രാ​യ 65 കു​ട്ടി​ക​ൾ​ക്ക് ത​ണ​ലേ​കി ഹോ​പ്​​ഷോ​ർ

ക​ട​ലു​ണ്ടി: ഭി​ന്ന​ശേ​ഷി​ക്കാ​രാ​യ കു​രു​ന്നു​ക​ൾ​ക്ക് ആ​ടി​യും പാ​ടി​യും ക​ളി​ച്ചും ചി​രി​ച്ചും ഉ​ല്ല​സി​ക്കാ​നാ​യി തു​റ​ന്നി​ട്ടി​രി​ക്കു​ക​യാ​ണ് ക​ട​ലു​ണ്ടി​ക്ക​ട​വ് റോ​ഡി​ൽ ഹോ​പ്​​ഷോ​ർ എ​ന്ന വീ​ട്. ഭി​ന്ന​ശേ​ഷി​ക്കാ​രാ​യി ജ​നി​ച്ച മ​ക്ക​ളു​ടെ വി​ഷ​മം നേ​ഞ്ചേ​റ്റി​ന​ട​ന്ന ര​ണ്ടു ര​ക്ഷി​താ​ക്ക​ളു​ടെ കാ​രു​ണ്യ​ത്തി​ന്റെ ഉ​റ​വി​ട​മാ​യി ഏ​ഴു​വ​ർ​ഷം മു​മ്പ് പി​റ​വി​യെ​ടു​ത്ത ഹോ​പ്​​ഷോ​ർ ഇ​ന്ന് 65 കു​ട്ടി​ക​ളു​ടെ​യും അ​വ​രു​ടെ അ​മ്മ​മാ​രു​ടെ​യും അ​ഭ​യ​കേ​ന്ദ്ര​മാ​യി മാ​റി.

ഭി​ന്ന​ശേ​ഷി​ക്കാ​രാ​യ ത​ന്റെ മ​ക​ളെ​യും​കൊ​ണ്ട് ഒ​ട്ട​ന​വ​ധി നാ​ടു​ക​ളി​ൽ ക​റ​ങ്ങി​ത്തി​രി​ഞ്ഞ് നാ​ട്ടി​ലെ​ത്തി​യ ശേ​ഷം ന​ജ്മു​ൽ ഹു​സൈ​ൻ എ​ന്ന പി​താ​വി​ന്റെ മ​ന​സ്സി​ൽ ഉ​ട​ലെ​ടു​ത്ത​താ​യി​രു​ന്നു ഹോ​പ്​​ഷോ​ർ എ​ന്ന ആ​ശ​യം. പ്ര​മു​ഖ പ​ണ്ഡി​ത​നും അ​യ​ൽ​ക്കാ​ര​നു​മാ​യ ഖ​ലീ​ൽ ബു​ഖാ​രി ത​ങ്ങ​ൾ നി​ർ​മാ​ണം പാ​തി​യാ​യ കെ​ട്ടി​ടം ഉ​ൾ​പ്പെ​ടെ ഭൂ​മി വി​ട്ടു​ന​ൽ​കാ​ൻ ത​യാ​റാ​യ​തോ​ടെ ആ​ശ​യം പ്രാ​വ​ർ​ത്തി​ക ത​ല​ത്തി​ലേ​ക്കെ​ത്തി. സൗ​ദി​യി​ൽ പ്ലാ​ന്റ് മെ​യി​ന്റ​ന​ൻ​സ് സ്പെ​ഷ​ലി​സ്റ്റാ​യ ന​ജ്മു​ൽ കെ​ട്ടി​ടം പ​ണി പൂ​ർ​ത്തീ​ക​രി​ച്ച് 2017 ന​വം​ബ​ർ ര​ണ്ടി​ന് ഹോ​പ്​​ഷോ​റി​നു തു​ട​ക്കം കു​റി​ച്ചു.

നാ​ട്ടു​കാ​രു​ടെ പൂ​ർ​ണ സ​ഹ​ക​ര​ണ​ത്തോ​ടെ തു​ട​ക്കം കു​റി​ച്ച സ്ഥാ​പ​നം ബേ​പ്പൂ​ർ മ​ണ്ഡ​ല​ത്തി​നു​ത​ന്നെ മാ​തൃ​ക​യാ​യി. മൂ​ന്നു മു​ത​ൽ 13 വ​യ​സ്സു വ​രെ​യു​ള്ള​വ​ർ​ക്കാ​ണ് ഇ​വി​ടെ പ്ര​വേ​ശ​നം ല​ഭി​ക്കു​ക. ചി​ട്ട​യാ​യ പ​രി​ശീ​ല​ന​വും അ​റി​വും പ​ക​ർ​ന്നു​ന​ൽ​കു​ന്ന​തു വ​ഴി ഇ​വി​ടെ​യെ​ത്തു​ന്ന കു​ട്ടി​ക​ളെ​ല്ലാം പ​ഠ​ന​ത്തി​നാ​യി വി​ദ്യാ​ല​യ​ത്തി​ലേ​ക്കും പോ​കു​ന്നു. സ്പീ​ച്ച്, സൈ​ക്കോ​ള​ജി, സ്പെ​ഷ​ൽ എ​ജു​ക്കേ​ഷ​ൻ എ​ന്നി​ങ്ങ​നെ തെ​റ​പ്പി പ​രി​ശീ​ലന​വു​മു​ണ്ട്.

ആ​ഴ്ച​യി​ൽ ര​ണ്ടു​ദി​വ​സം ഡേ​കെ​യ​ർ സം​വി​ധാ​ന​വും മൂ​ന്നു ദി​വ​സം വി​ദ്യാ​ല​യ​ത്തി​ൽ പ​ഠ​ന​വും എ​ന്ന രീ​തി​യാ​ണ് പി​ന്തു​ട​രു​ന്ന​ത്. കു​ട്ടി​ക​ളെ​യും കൊ​ണ്ടു​വ​രു​ന്ന അ​മ്മ​മാ​ർ​ക്ക് ക​ര​കൗ​ശ​ല വ​സ്തു നി​ർ​മാ​ണ പ​രി​ശീ​ല​ന​വും തു​ട​ങ്ങി​യി​ട്ടു​ണ്ട്. സ​ർ​ക്കാ​റി​ന്റെ റ​സ്പോ​ൺ​സി​ബി​ൾ ടൂ​റി​സ​ത്തി​ൽ ക്ല​ബാ​യി ര​ജി​സ്റ്റ​ർ ചെ​യ്താ​ണ് ഇ​തി​നു തു​ട​ക്കം കു​റി​ച്ച​ത്. ക​മ്മി​റ്റി​യോ, സം​ഘാ​ട​ക​രോ ഇ​ല്ലാ​തെ ന​ട​ക്കു​ന്ന സ്ഥാ​പ​ന​ത്തി​ന്റെ പ്ര​വ​ർ​ത്ത​നം നി​യ​ന്ത്രി​ക്കു​ന്ന​ത് ക​ട​ലി​ന​ക്ക​രെ​നി​ന്ന് ന​ജ്മു​ൽ​ത​ന്നെ​യാ​ണ്.